தேங்காய் எண்ணெய் Vs பாதாம் எண்ணெய்: நீண்ட மற்றும் அடர்த்தியான கூந்தலுக்கு எது சிறந்தது?

முடி உதிர்தல் இன்று பெண்கள், ஆண்கள் இருவருக்கும் பொதுவான பிரச்சினையாகிவிட்டது. மாசுபாடு, ரசாயன அடிப்படையிலான ஹேர் புராடக்ட்ஸ், தவறான உணவுமுறை, மன அழுத்தம் போன்றவை முக்கிய காரணங்கள். இதனால் மக்கள், “எந்த எண்ணெய் முடி உதிர்வை குறைக்கும்?” என்ற கேள்வியில் குழப்பமடைகிறார்கள். பெரும்பாலும் இந்த விவாதம் தேங்காய் எண்ணெய் Vs பாதாம் எண்ணெய் என்பதிலேயே நிற்கிறது.

ஹரியானா மாநிலம் சிர்சாவில் உள்ள ராம்ஹான்ஸ் அறக்கட்டளை மருத்துவமனை ஆயுர்வேத நிபுணர் டாக்டர் ஷ்ரே சர்மா கூறுவதாவது, தேங்காய் எண்ணெய்தான் தலைமுடிக்கு சிறந்தது. பாதாம் எண்ணெயை நேரடியாக தலைமுடியில் பயன்படுத்தக் கூடாது. அது நமது மூளை அடுக்குகளுக்கு ஊட்டச்சத்து அளிப்பதே தவிர, தலைமுடிக்கு பெரிதாக பயன்படாது. ஆனால் தேங்காய் எண்ணெய் தலைமுடியை வலுப்படுத்தும், அடர்த்தியாக்கும், ஆரோக்கியமாக வைத்திருக்கும்.

தேங்காய் எண்ணெயின் முக்கிய நன்மைகள்

டாக்டர் ஷ்ரே சர்மாவின் கூற்றுப்படி, தேங்காய் எண்ணெய் தலைமுடிக்கு பின்வரும் பலன்களை தருகிறது:

* முடியை ஈரப்பதமாக வைத்தல் – உலர்வால் ஏற்படும் முடி உடைதலைத் தடுக்கிறது.

* புரத இழப்பைத் தடுக்கும் – ஈரமுள்ள நேரத்தில் முடியைப் பாதுகாக்கிறது.

* சுற்றுச்சூழல் பாதிப்பிலிருந்து காப்பது – காற்று, சூரியன், புகை போன்றவற்றின் தாக்கத்திலிருந்து பாதுகாப்பு.

* உச்சந்தலை ஆரோக்கியமாக்குதல் – scalp infections, dandruff குறையும்.

* UV கதிர்களிலிருந்து பாதுகாப்பு – சூரிய கதிர்களின் சேதத்திலிருந்து காப்பது.

* முடி உதிர்தலைக் குறைக்கும் – தொடர்ந்து பயன்படுத்தினால் hair fall குறையும், hair growth அதிகரிக்கும்.

இந்த பதிவும் உதவலாம்: பார்லர் பேஷியல்.. அழகுக்குப் பின் மறைந்து இருக்கும் ஆபத்துகள்.! டெர்மடாலஜிஸ்ட் எச்சரிக்கை.!

பாதாம் எண்ணெய் எதற்குப் பயன்படும்?

பாதாம் எண்ணெய் தலைமுடிக்கு விட, மூளைக்கு ஊட்டச்சத்து அளிப்பதில் சிறந்தது என நிபுணர்கள் கூறுகிறார்கள். இது நினைவாற்றலை மேம்படுத்தவும், உடலுக்கு நல்ல கொழுப்புக்களை வழங்கவும் உதவுகிறது. ஆனால் தலைமுடி வளர்ச்சிக்காக தேங்காய் எண்ணெய்தான் சிறந்தது.

இறுதியாக..

தேங்காய் எண்ணெய்தான் நீண்ட, அடர்த்தியான, ஆரோக்கியமான தலைமுடிக்கான சிறந்த தேர்வாக கருதப்படுகிறது. அது முடி உதிர்வைத் தடுக்கவும், வேகமாக வளரவும், வேரிலிருந்து வலுப்படுத்தவும் உதவும். பாதாம் எண்ணெயை உணவில் சேர்த்துக்கொள்ளலாம், ஆனால் தலைமுடிக்கு தடவ தேங்காய் எண்ணெய்தான் சரியான தேர்வு.

Disclaimer: இந்த கட்டுரையில் இடம்பெற்றுள்ள தகவல்கள் கல்வி மற்றும் பொது விழிப்புணர்வுக்காக மட்டுமே பகிரப்பட்டுள்ளன. குறிப்பிட்ட எண்ணெய்கள் (தேங்காய் எண்ணெய், பாதாம் எண்ணெய்) குறித்து குறிப்பிடப்பட்டுள்ள நன்மைகள் பாரம்பரிய அனுபவங்கள் மற்றும் பொதுவாக ஏற்றுக்கொள்ளப்பட்ட சுகாதார தகவல்களை அடிப்படையாகக் கொண்டவை. இது மருத்துவ ஆலோசனையாக கருதப்படக்கூடாது. ஒவ்வொருவரின் தலைமுடி தன்மை மற்றும் உடல் நிலை வேறுபடும். ஆகையால், பயன்படுத்தும் முன் உங்கள் மருத்துவர் அல்லது சரும நிபுணரின் ஆலோசனையை பெறுவது அவசியம்.