பார்லர் பேஷியல்.. அழகுக்குப் பின் மறைந்து இருக்கும் ஆபத்துகள்.! டெர்மடாலஜிஸ்ட் எச்சரிக்கை.!

பெண்களும் ஆண்களும் அடிக்கடி அழகை மேம்படுத்தும் நோக்கில் பார்லர் செல்லுவது வழக்கம். குறிப்பாக “பேஷியல்” என்றாலே சருமம் பளபளப்பாகி, ஆரோக்கியமாகும் என்ற நம்பிக்கை பலரிடம் உள்ளது. ஆனால், பார்லரில் செய்யப்படும் சில பேஷியல்கள் உங்கள் சருமத்திற்கு பெரும் ஆபத்தாக மாறலாம் என்று டெர்மடாலஜிஸ்ட் டாக்டர் ஷாச்சி ஜெயின் எச்சரிக்கை விடுத்துள்ளார்.

அவரின் கூற்றுப்படி, எல்லா பேஷியல்களும் ஒரே மாதிரி அல்ல. சில பேஷியல்கள் நேரடியாக சரும தடுப்பு சுவர்களை பாதித்து, முகத்தில் புண்கள், அழற்சி மற்றும் நீண்டகால சேதங்களை ஏற்படுத்தக் கூடியவை.

“பார்லர் பேஷியல் ஆபத்தான வியாபாரம் தான்…” – டாக்டர் ஷாச்சி ஜெயின்

தனது இன்ஸ்டாகிராம் பதிவில், டாக்டர் ஷாச்சி ஜெயின் பார்லரில் செய்யப்படும் 4 முக்கிய பேஷியல் வகைகள் குறித்து எச்சரித்தார். அவற்றைச் செய்வதால் ஏற்படும் அபாயங்களை விவரித்து, “சரும ஆரோக்கியம் முதலிடம், அழகு வாக்குறுதி இரண்டாம் இடம்” என வலியுறுத்தினார்.

மேலும் “பார்லரில் செய்யப்படும் ஹைட்ரா பேஷியல், டெர்மாபிளேனிங், கெமிக்கல் பீல் போன்ற சிகிச்சைகள் மருத்துவ ரீதியாக செய்ய வேண்டியவை. ஆனால் அனுமதி பெற்ற டெர்மடாலஜிஸ்ட் அல்லாதவர்களால் செய்யப்படும் போது, அது சருமத்திற்கு ஆபத்து தரும். எனவே, அழகுக்காக அல்லாமல், ஆரோக்கியத்துக்காக சரியான நிபுணரிடம் தான் செல்ல வேண்டும்” என்றார்.

தவிர்க்க வேண்டிய 4 பேஷியல் வகைகள்

1. Fruit Facial

பழங்களின் பெயரில் செய்யப்படும் இந்த பேஷியல் ஆரோக்கியமானது என்று பலர் நம்பினாலும், உண்மையில் இது முகப்பருக்களை தூண்டக்கூடும். Fruit Facial முகத்தின் Skin Barrier-ஐ (சரும பாதுகாப்பு தடுப்பு) பாதித்து, முகப்பருக்கள் அதிகரிக்க வழிவகுக்கும்.

2. Salon Hydra Facial

Hydra Facial என்றால் பலருக்கும் பிரமாதமாகத் தோன்றும். ஆனால் பார்லரில் செய்யப்படும் போது, எந்த கருவி பயன்படுத்தப்படுகிறது, துளைகள் சுத்தமாகிறதா என்பதெல்லாம் உறுதி செய்ய முடியாது. அது மலிவானது என்பதற்காக தேர்வு செய்தால், சருமத்தில் Infection ஏற்படலாம் என மருத்துவர் எச்சரிக்கிறார்.

இந்த பதிவும் உதவலாம்: ஃபேஷியல் செய்தாலும் முகம் மந்தமா இருக்க என்ன காரணம் தெரியுமா? நிபுணர் தரும் டிப்ஸ் இதோ

3. Gold Facial

பெண்களிடம் அதிகம் பிரபலமானது Gold Facial. ஆனால் டாக்டர் ஜெயினின் கூற்றுப்படி, இது மிகவும் ஆபத்தானது. Gold Facial-ல் பயன்படுத்தப்படும் Shimmer மற்றும் Bleach போன்றவை சருமத்தில் கெமிக்கல் புண்களை ஏற்படுத்தும் ஆபத்து உள்ளது. இதை முற்றிலும் தவிர்க்கவும்.

4. Aroma Facial

சுவையான வாசனை, சாந்தமான உணர்வு – Aroma Facial என்று சொன்னாலே கவர்ச்சியாக இருக்கும். ஆனால், இது சருமத்திற்கு பாதுகாப்பானதல்ல. இந்த Facial, Psoriasis, Eczema போன்ற நீண்டகால சரும பிரச்சனைகளை தூண்டக்கூடும். மேலும், சிலருக்கு தீவிர Allergy ஏற்படுத்தும்.

View this post on Instagram

A post shared by Dr Shachi Jain | Dermatologist (@dr.shachi_jain)

சரியான பேஷியல் எது?

டெர்மடாலஜிஸ்ட் ஆலோசனைப்படி, வீட்டில் செய்யப்படும் சரும பராமரிப்பு (Cleansing, Moisturising, Sunscreen) மற்றும் ஆரோக்கியமான உணவுப் பழக்கம் தான் நீண்ட காலத்தில் சருமத்தை பாதுகாக்கும்.

மருத்துவர் கூறியது:

பார்லர் மெனுவை உணவக பட்டியல் போல தேர்வு செய்து, யோசிக்காமல் பேஷியல் செய்யக் கூடாது. சரியான ஆய்வும், நிபுணரின் ஆலோசனையும் அவசியம்.

இறுதியாக..

அழகை மேம்படுத்தும் பெயரில் பார்லரில் செய்யப்படும் சில சிகிச்சைகள், எதிர்பாராத விதமாக சருமத்தை பாதிக்கக் கூடும். குறிப்பாக Fruit, Gold, Hydra, Aroma பேஷியல்கள் உடனடி Glow தரலாம், ஆனால் நீண்ட காலத்தில் தீங்கு விளைவிக்கும் அபாயம் அதிகம். எனவே, உங்கள் சருமத்திற்கு ஏற்ற சிகிச்சையைத் தேர்ந்தெடுக்க எப்போதும் டெர்மடாலஜிஸ்டின் ஆலோசனையைப் பெறுவது சிறந்தது.

Disclaimer: இந்தக் கட்டுரை பொதுவான தகவல்களை மட்டுமே வழங்குகிறது. தனிப்பட்ட சிகிச்சைக்காக உங்கள் மருத்துவரை அல்லது நிபுணரைக் கண்டிப்பாக அணுகவும்.