உங்களுக்கு ஏற்படும் பொதுவான உடல்நல பிரச்சனைகளும், அதை மோசமாக்கும் அன்றாட பழக்க வழக்கங்களும்.. மருத்துவர் தரும் விளக்கம்

அன்றாட வாழ்வில் நாம் சந்திக்கும் உடல்நலப் பிரச்சனைகள் ஏராளம் உள்ளன. இன்றைய பிஸியான காலகட்டத்தில் நாம் பின்பற்றக்கூடிய மோசமான வாழ்க்கை முறையும், ஆரோக்கியமற்ற உணவுமுறையும் நம் உடல் ஆரோக்கியத்தை மோசமாக பாதிக்கக்கூடும். இதன் காரணமாக, உடல் எடை அதிகரிப்பு, நீரிழிவு நோய், இதய நோய் மற்றும் இன்னும் சில கூடுதல் பிரச்சனைகளைப் பலரும் சந்திக்கின்றனர். இதில் எந்தெந்த பழக்கங்களின் காரணமாக, எந்தெந்த உடல்நலப் பிரச்சனைகள் ஏற்படுகிறது என்பது குறித்து மருத்துவர் விகாசா அவர்கள் தனது இன்ஸ்டாகிராம் பக்கத்தில் குறிப்பிட்டுள்ளார்.

மருத்துவரின் கருத்து

மருத்துவர் தனது பதிவில்,”என்னுடைய மருத்துவமனையில், தினமும் நோயாளிகள் தங்களை அறியாமலேயே தீங்கற்ற பழக்கவழக்கங்களால் தங்கள் ஆரோக்கியத்தை மோசமாக்கிக் கொள்வதைப் பார்க்கிறேன்! காலப்போக்கில், இந்த தினசரி தேர்வுகள் உங்கள் வளர்சிதை மாற்றம், உங்கள் ஹார்மோன்கள் மற்றும் நீங்கள் எவ்வளவு விரைவாக வயதாகிறீர்கள் என்பதையும் வடிவமைக்கின்றன” என்று குறிப்பிடுகிறார்.

இதனைத் தொடர்ந்து, நோயாளிகளுக்கு குறிப்பைப் பகிர்ந்துள்ளார். அதன் படி, “உங்கள் ஆரோக்கியத்தை தடம் புரளச் செய்யும் சிறிய விஷயங்களைக் கண்டறியவும், பழக்கத்தை மாற்றவும், நீங்கள் பாதையை மாற்ற உதவுங்கள்!” என்று குறிப்பிட்டுள்ளார்.

இந்த பதிவும் உதவலாம்: பாலியல் ஆரோக்கியத்திற்கான 5 சிறந்த ஆயுர்வேத மூலிகைகள்.. மருத்துவர் ஹன்சாஜி விளக்கம்

உடல்நலப் பிரச்சனைகளும், தவிர்க்க வேண்டிய பழக்கங்களும்

நீரிழிவு நோய்

இன்று பெரும்பாலானோர் காலை நேரத்தில் பழங்களுடன் தொடங்குகின்றனர். ஆனால், காலை வெறும் வயிற்றில் சர்க்கரை நிறைந்த பழங்களுடன் நாளைத் தொடங்குவது நீரிழிவு நோய்க்கு வழிவகுக்கலாம். அதே சமயம், அதிகளவு பழங்களை உட்கொள்வதைத் தவிர்க்க வேண்டும்.

உடல் பருமன்

உணவில் உள்ள மேக்ரோக்கள் என்பது கார்போஹைட்ரேட்டுகள் (மாவுச்சத்து), புரதங்கள் மற்றும் கொழுப்புகள் போன்றவற்றைக் குறிப்பதாகக் கூறப்படுகிறது. இந்நிலையில், மேக்ரோக்களுக்குப் பதிலாக, கலோரி எண்ணிக்கையில் அதிக கவனம் செலுத்த வேண்டும். ஏனெனில், இவை உடல் பருமனுக்கு வழிவகுக்கக்கூடும்.

ஆஸ்டியோபோரோசிஸ்

அதிகப்படியான ஆன்டாசிட்களைப் பயன்படுத்துவதன் காரணமாக ஆஸ்டியோபோரோசிஸ் பிரச்சனை ஏற்படலாம். ஆன்டாசிட் வயிற்றின் அமிலத்தன்மையை நடுநிலையாக்கி, அஜீரணம், வாயு மற்றும் நெஞ்செரிச்சல் போன்றவற்றிலிருந்து நிவாரணம் அளிக்கும் ஒரு வகை மருந்து ஆகும். ஆனால், இதை அதிகப்படியாக பயன்படுத்துவது ஆஸ்டியோபோரோசிஸ் அபாயத்தை அதிகரிக்கிறது.

ஒற்றைத் தலைவலி

நாள் முழுவதும் போதுமான அளவு தண்ணீர் குடிக்காமல் இருப்பதன் காரணமாக ஒற்றைத் தலைவலி பிரச்சனை ஏற்படலாம். நீரிழப்பு தலைவலியைத் தூண்டும் ஒரு பொதுவான காரணமாகக் கருதப்படுகிறது. போதுமான அளவு தண்ணீர் குடிப்பதன் மூலம் நீரிழப்பால் ஏற்படும் தலைவலியைத் தடுக்க அல்லது நிர்வகிக்க முடியும்.

இதய நோய்

அசையாமல் நீண்ட நேரம் உட்கார்ந்திருப்பதன் காரணமாக இதய நோய் அபாயம் ஏற்படலாம். ஏனெனில், உடல் செயல்பாடு இல்லாதது உடலில் கொழுப்பை அதிகரிக்கிறது. இது இதய பாதிப்புக்கு வழிவகுக்கக்கூடும்.

மாதவிடாய்

“அதிக எடையைத் தூக்காமல் இருத்தல்” - மாதவிடாய் வலிக்குக் காரணமாக இருக்கலாம். எனவே, உடலைக் கட்டுக்கோப்பாக வைத்திருப்பது அவசியமாகக் கருதப்படுகிறது.

இந்த பதிவும் உதவலாம்: தைராய்டு பிரச்சனையை இயற்கையாக கட்டுப்படுத்தலாம்.! மருத்துவர் சிவராமன் விளக்கம்.. பெண்களும் ஆண்களும் கவனிக்க வேண்டிய முக்கிய ஆலோசனைகள்..

ஆசிட் ரிஃப்ளக்ஸ்

பொதுவாக, உணவுகளுக்கு இடையில் நீண்ட இடைவெளி வைத்திருப்பது ஆசிட் ரிஃப்ளக்ஸ் பிரச்சனைக்கு வழிவகுக்கலாம். சரியான நேரத்தில் சரியான அளவு உணவு எடுத்துக் கொள்வதன் மூலம் இந்த பிரச்சனையிலிருந்து விடுபடலாம்.

குடல் பிரச்சினைகள்

மிகக் குறைந்த நார்ச்சத்து உட்கொள்ளல் காரணமாகவோ அல்லது நுண்ணுயிர் எதிர்ப்பிகளை அதிகமாகப் பயன்படுத்துதல் காரணமாகவோ குடல் சார்ந்த பிரச்சனைகள் ஏற்பட அதிக வாய்ப்புள்ளது.

அரிக்கும் தோலழற்சி

குடல் ஆரோக்கியம் உடலின் ஒட்டுமொத்த ஆரோக்கியத்திற்கும் இன்றியமையாததாகும். இந்நிலையில், குடல் ஆரோக்கியத்தைப் புறக்கணிப்பது அரிக்கும் தோலழற்சி போன்ற சருமம் சார்ந்த பிரச்சனைகளுக்கு வழிவகுக்கலாம்.

உடல் பிரச்சினைகள்

அதிகளவு பழச்சாறுகள் மற்றும் சர்க்கரை நிறைந்த சோடாக்களை குடிப்பது போன்றவை பல்வேறு உடல்நலம் சார்ந்த பிரச்சனைகளுக்கு வழிவகுக்கிறது.

வைட்டமின் டி குறைபாடு

சூரிய ஒளியைத் தவிர்ப்பதன் காரணமாகவோ மற்றும் அதிக சன்ஸ்கிரீனைப் பயன்படுத்துதலினாலோ வைட்டமின் டி குறைபாடு பிரச்சனைகள் ஏற்படலாம்.

தூக்கமின்மை

அதிகளவு காஃபின் உட்கொள்ளல் அல்லது நாளின் இரண்டாம் பாதியில் காஃபின் உட்கொள்ளல் காரணமாக தூக்கமின்மை ஏற்படுகிறது.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: பெண்கள் இந்த 5 நிலைகளில் காபி குடிப்பதை நிறுத்த வேண்டும்? அதற்குப் பதிலாக என்ன செய்வது

Image Source: Freepik