ஷாம்பூவை மாத்துனா மட்டும் முடி உதிர்வு நிக்காது.. இந்த 3 வழிகளை உடனே பின்பற்றுங்க! மருத்துவர் தரும் விளக்கம்

இன்றைய நவீன காலத்தில் மோசமான வாழ்க்கை முறை, உணவு முறை மற்றும் உடல் செயல்பாடுகள் இல்லாதது போன்றவை பல பிரச்சனைகளுக்கு வழிவகுக்கிறது. இதில் முடி சார்ந்த பிரச்சனைகளும் அடங்குகிறது. மோசமான உணவுமுறை மற்றும் போதிய பராமரிப்பு இல்லாமையால் தலைமுடி பிரச்சனைகளாக முடி உதிர்வு, முடி உடைதல், வறண்ட மற்றும் உலர்ந்த முடி, நுனிமுடி பிளவு, முன்கூட்டியே நரைமுடி போன்ற பல்வேறு பிரச்சனைகளைச் சந்திக்கும் நிலை ஏற்படலாம். இதில் குறிப்பாக, முடி உதிர்வு இன்று பலரும் சந்திக்கும் ஒரு பொதுவான பிரச்சனையாக மாறிவிட்டது.

முடி உதிர்வு விரைவாக அதிகரிக்க சில காரணங்கள் இருக்கலாம். ஆரோக்கியமற்ற உணவு முறை, ஆரோக்கியமற்ற வாழ்க்கை முறை மற்றும் முடி பராமரிப்பு வழக்கமின்மை ஆகியவை முடி உதிர்தலுக்குக் காரணங்கள் என்று நிபுணர்கள் கூறுகின்றனர். இதற்கு பலரும் எடுக்கும் நடவடிக்கைகளில் ஒன்றாக, ஷாம்பூவை மாற்றுவது அடங்குகிறது. ஆனால் ஷாம்பூவை மாற்றுவது மட்டும் முடி உதிர்தலை நிறுத்தப் போதாது. முடி உதிர்தலைக் கட்டுப்படுத்த மூன்று விஷயங்களைப் பின்பற்றுவது அவசியமாகும்.

இது குறித்து குர்கான், ஸ்கைனெய்ட் கிளினிக், தலைமை தோல் மருத்துவர் மற்றும் மருத்துவ இயக்குநர், டாக்டர் அதுலா குப்தா அவர்கள் பகிர்ந்துள்ளார். அதைப் பற்றி இங்குக் காண்போம்.

இந்த பதிவும் உதவலாம்: வால்நட்ஸ் எண்ணெய் முடி உதிர்வை நிறுத்துமா.? தோல் நிபுணர் கூறும் உண்மை காரணம்..

முடி உதிர்வுக்கான காரணங்கள்

• முடி உதிர்வைத் தடுக்க உதவும் குறிப்புகளைத் தெரிந்து கொள்வதற்கு முன்பாக, அதற்கான காரணங்களைத் தெரிந்து கொள்ள வேண்டும்.
• போதிய ஊட்டச்சத்து இல்லாமை
• ஹார்மோ சமநிலையின்மை
• தைராய்டு பிரச்சனைகள்
• இரத்த சோகை
• மன அழுத்தம்

இது தவிர, இன்னும் சில காரணிகளும் முடி உதிர்வுக்கு வழிவகுக்கலாம்.

முடி உதிர்வைத் தடுக்க உதவும் குறிப்புகள்

முடி அழுத்தத்தைக் குறைப்பது

முடி உதிர்தலுக்கு மன அழுத்தம் ஒரு முக்கிய காரணம் என்று டாக்டர் விளக்குகிறார். சிலர், முடிக்கு மீண்டும் மீண்டும் ரசாயன சிகிச்சைகள், இறுக்கமான சிகை அலங்காரங்கள் அல்லது வெப்ப ஸ்டைலிங் பொருட்களை அதிகமாகப் பயன்படுத்துகின்றனர். ஆனால், இது முடிக்கு சேதத்தை ஏற்படுத்தி, முடி உடைய வழிவகுக்கிறது. ஈரமான முடியை கவனமாகக் கையாள வேண்டும். மேலும், முடி உதிர்வைத் தவிர்க்க ஸ்டைலிங் பொருட்களை அதிகமாகப் பயன்படுத்த வேண்டாம்.

உணவின் மூலம் தலைமுடியை ஆதரிப்பது

முடி உதிர்தலைக் கட்டுப்படுத்த விரும்பினால், உணவில் கவனம் செலுத்த வேண்டும் என்று டாக்டர் அதுலா குப்தா அறிவுறுத்துகிறார். முடி வளர்ச்சியை ஊக்குவிக்கும் உணவை உண்ண வேண்டும். அதன் படி, இரும்புச்சத்து, வைட்டமின் டி, புரதம் மற்றும் பயோட்டின் குறைபாடு போன்றவை முடி வேர்களை பலவீனப்படுத்தி முடி வளர்ச்சி சுழற்சியைக் குறைக்கிறது. எனவே, இந்த ஊட்டச்சத்துக்களின் குறைபாடுகளைத் தவிர்க்க வேண்டும். வலுவான மற்றும் அடர்த்தியான கூந்தலுக்கு, சீரான உணவைப் பின்பற்றி மருத்துவரை அணுகலாம். தேவைப்பட்டால், முடி சப்ளிமெண்ட்ஸ்களையும் எடுத்துக் கொள்ளலாம்.

இந்த பதிவும் உதவலாம்: பிரசவத்திற்குப் பிறகு முடி உதிர்தலுக்கான காரணங்களும், அதை சரி செய்யும் முறைகளும்.. நிபுணர் தரும் விளக்கம்

முடி வேர்களை வளர்ப்பது

முடி வளர்ச்சியானது, உச்சந்தலையின் ஆழமான நுண்ணறைகளிலிருந்து உருவாகிறது. எனவே வேர்களுக்கு ஊட்டமளிப்பது முடி உதிர்தலைக் கட்டுப்படுத்த பெரிதும் உதவுகிறது. இந்நிலையில், பெப்டைடுகள், காஃபின் மற்றும் ரோஸ்மேரி சாறு போன்ற பொருட்கள் தலையில் இரத்த ஓட்டத்தை மேம்படுத்தி, முடியின் வளர்ச்சி கட்டத்தை ஆதரிக்கின்றன. இவை காலப்போக்கில் முடி உதிர்தலைக் குறைக்கவும் உதவுகின்றன. எனவே, இந்த பொருட்களை அன்றாட வழக்கத்தில் சேர்ப்பதன் மூலம் முடி உதிர்தலைக் குறைக்கலாம்.

முடிவுரை

எனவே, முடி உதிர்வைத் தடுக்க, ஷாம்பு போட்டுக் குளிப்பது மட்டும் தீர்வாக இருக்காது. உடலை உள்ளிருந்து ஊட்டமளிப்பது அவசியமாகும். எனவே, ஆரோக்கியமான பொருட்களால் முடியின் வேர்களுக்கு ஊட்டமளிப்பது, சீரான உணவை உண்ணுவது, முடி ஸ்டைலிங் தயாரிப்புகளின் பயன்பாட்டைக் கட்டுப்படுத்துவது போன்றவற்றின் மூலம் முடி அழுத்தத்தைக் குறைக்கலாம். இதன் மூலம், முடி உதிர்வை எளிதில் கட்டுப்படுத்தலாம்.

இந்த பதிவும் உதவலாம்: முடி உதிர்வை தடுக்க செம்பருத்தி ஹேர் பேக் – மருத்துவர் மைதிலி கூறும் எளிய முறை!

Image Source: Freepik