தைராய்டு சுரப்பி அளவில் சிறியது என்றாலும், உடலின் மெடபாலிசம், செரிமானம், உடல் எடை கட்டுப்பாடு, மனநிலை ஆகியவற்றை சமநிலைப்படுத்தும் முக்கிய பணி செய்கிறது. ஆனால் இன்று பலர் சோர்வு, எடை மாற்றம், மன அழுத்தம் போன்றவற்றை ‘stress’ என எண்ணியும், உண்மையில் அது தைராய்டு சுரப்பி செயலிழப்பால் ஏற்படுவதை கவனிக்காமல் விடுகின்றனர்.
இந்த சூழலில், தைராய்டு ஆரோக்கியத்திற்குத் தேவையான 5 முக்கிய உணவுப் பொருட்களை காஸ்ட்ரோ மருத்துவர் டாக்டர் பால் சமூக வலைதளங்களில் பகிர்ந்து விழிப்புணர்வு ஏற்படுத்தியுள்ளார்.
1. ஐயோடைன் நிறைந்த உணவுகள் – தைராய்டின் முதன்மை எரிபொருள்
தைராய்டு ஹார்மோன்கள் T3 மற்றும் T4 உருவாக ஐயோடைன் அவசியமான சத்து. இதை பெற:
- கீரை
- ஐயோடைஸ் உப்பு
- பால் & பால் பொருட்கள்
- முட்டை
ஐயோடைன் குறைவாக இருந்தால், உடல் செயல் மந்தமாகி, மனநிலை மற்றும் மெடபாலிசம் பாதிக்கப்படும் என மருத்துவர் எச்சரிக்கிறார்.
2. செலினியம் நிறைந்த உணவுகள் – T4, T3 மாற்றத்தில் முக்கிய பங்கு
செலினியம் தைராய்டு ஹார்மோன்களை செயல்படும் வடிவமாக மாற்ற உதவும். மேலும் உடல் உள்ஆர்வத்தை (inflammation) குறைக்கும். அதற்கான முக்கிய உணவுகள்:
- பிரேசில் நட்டுகள்
- சூரியகாந்தி விதைகள்
- மீன்கள்
"ஒரு அல்லது இரண்டு பிரேசில் நட்டுகள் தினமும் போதுமானது" என டாக்டர் பால் கூறுகிறார்.
3. ஜிங்க் நிறைந்த உணவுகள் – ஹார்மோன் உற்பத்திக்கு அவசியம்
ஜிங்க் குறைவாக இருந்தால், தைராய்டு ஹார்மோன் உற்பத்தி குறையும். இதனால் கடும் சோர்வு, மெலிவு போன்றவை அதிகரிக்கும். ஜிங்க் உள்ள உணவுகள்:
- பூசணிக்காய் விதைகள்
- பருப்பு வகைகள்
- கொண்டைக்கடலை
- கடல் உணவுகள்
4. ஓமேகா-3 நிறைந்த உணவுகள் – அழற்சி குறைத்து ஹார்மோன் உணர்திறன் அதிகரிக்கும்
ஓமேகா-3 சத்து உடல் அழற்சியை குறைத்து, தைராய்டு ஹார்மோன்களுக்கு உடல் அளிக்கும் பதிலை மேம்படுத்தும். ஓமேகா-3 நிறைந்த உணவுகள்:
- சால்மன் மீன்
- சர்டீன்
- சியா விதைகள்
- வால்நட்
5. ஆண்டி-ஆக்ஸிடன்ட் நிறைந்த உணவுகள் – தைராய்டை பாதுகாப்பது
ஆக்ஸிடேட்டிவ் ஸ்டிரஸ் தைராய்டு செயல்பாட்டை பாதிப்பதற்கான முக்கிய காரணம். இதற்காக ஆண்டி-ஆக்ஸிடன்ட் நிறைந்த உணவுகள் எடுத்துக்கொள்ள வேண்டும். அவை:
- பேறிகள்
- பச்சை இலைகள்
- பல்வண்ண காய்கறிகள்
“ப்ளேட்டில் நிறம் அதிகம் சேர்ந்தால், தைராய்டு செயல்பாடும் அதே அளவு ஆரோக்கியமாக இருக்கும்” என்று டாக்டர் பால் கூறுகிறார்.
View this post on Instagram
எதை குறைக்க வேண்டும்? – டாக்டர் பால் அறிவுரை
- அதிக சோயா
- அதிக அளவு குருசிஃபரஸ் காய்கறிகள் (கோஸ், ப்ரோக்கோலி போன்றவை)
- மிக அதிகமாக பதப்படுத்தப்பட்ட உணவுகள்
- ஐயோடைன் இல்லாத ‘low salt’ டயெட்
இவற்றை முற்றிலும் தவிர்க்க வேண்டியதில்லை, மிதமாகச் சாப்பிடுவது முக்கியம் என அவர் வலியுறுத்துகிறார்.
இறுதியாக..
தைராய்டு சுரப்பி மெதுவாக செயல்படும்போது உடல் நலம் முழுவதும் பாதிக்கப்படும். ஆனால் டாக்டர் பால் கூறிய இந்த 5 எளிய, வீட்டிலேயே கிடைக்கும் உணவுகளை தினசரி சேர்த்தால், ஹார்மோன் சமநிலை மேம்பட்டு, சோர்வு, எடை மாற்றம் போன்றவை கணிசமாக குறையக்கூடும்.
பொறுப்பு துறப்பு: இந்தக் கட்டுரை பொது மருத்துவ தகவல்களின் அடிப்படையில் எழுதப்பட்டது. இதில் கூறிய பரிந்துரைகளைப் பின்பற்றுவதற்கு முன், உங்கள் குடும்ப மருத்துவர் அல்லது நிபுணரிடம் ஆலோசனை பெறவும்.
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
-
Current Version
Dec 05, 2025 07:29 IST
Published By : Ishvarya Gurumurthy
