பாரம்பரிய நெல் வகைகளில் ஒவ்வொன்றும் தனித்தன்மையையும் மருத்துவ குணங்களையும் கொண்டுள்ளன. அவற்றில் ஒன்று — பூங்கார் அரிசி, குறிப்பாக பெண்களுக்காக இயற்கையாக உருவான அரிசி என்று குறிப்பிடப்படுகின்றது.
டாக்டர் கார்த்திகேயன் தனது யூடியூப் சேனலில் கூறியதாவது, “பூங்கார் அரிசி கஞ்சியை கர்ப்பிணிப் பெண்கள் கர்ப்பத்தின் ஆறாவது மாதம் முதல் பிரசவம் முடியும் வரை எடுத்துக்கொள்வது, சுகப்பிரசவத்திற்கும், உடல் வலிமைக்கும் பெரிதும் உதவும்.”
இந்த அரிசி “பெண்களுக்கான அரிசி” என்று அழைக்கப்படுவதற்குக் காரணம், இதன் ஊட்டச்சத்து மதிப்பு மற்றும் ஹார்மோன் சமநிலையை பராமரிக்கும் திறன் ஆகும்.
Video Link: https://youtu.be/yQBGkP9iKdM
பூங்கார் அரிசியின் ஊட்டச்சத்து ரகசியம்
* இரும்புச் சத்து (Iron): இரத்த சோகையைத் தடுக்கும், பிரசவத்திற்குப் பிந்தைய சோர்வைக் குறைக்கும்.
* கால்சியம் (Calcium): எலும்பு வலிமையை அதிகரிக்கிறது.
* மெக்னீசியம் & துத்தநாகம் (Magnesium & Zinc): உடல் நோய் எதிர்ப்பு சக்தியை மேம்படுத்துகிறது.
* ஹார்மோன் சமநிலை: பெண்களின் மாதவிடாய் சீர்கேடு, மன அழுத்தம் போன்ற பிரச்சினைகளை குறைக்க உதவுகிறது.
கர்ப்பிணி பெண்களுக்கான பூங்கார் அரிசி காய்கறிக் கஞ்சி – ஆரோக்கிய ரெசிபி
தேவையான பொருட்கள்:
* பூங்கார் அரிசி – 1 கப்
* கேரட், பீன்ஸ் – தேவையான அளவு
* மிளகுப் பொடி – ½ டீஸ்பூன்
* சீரகம் – 1 டீஸ்பூன்
* நெய் – 1 டீஸ்பூன்
* உப்பு – தேவையான அளவு
செய்முறை:
* பூங்கார் அரிசியை நன்கு கழுவி, ஒரு மணி நேரம் ஊறவைக்கவும்.
* கேரட், பீன்ஸ் போன்ற காய்கறிகளை சிறு துண்டுகளாக நறுக்கி வைத்துக் கொள்ளவும்.
* பெரிய குக்கரில் 4 கப் தண்ணீர் ஊற்றி, அதில் அரிசி, காய்கறிகள், மிளகுப் பொடி, சீரகம், உப்பு ஆகியவற்றைச் சேர்க்கவும்.
* 3 முதல் 4 விசில் வரும் வரை வேகவிடவும்.
* ஆறிய பின் திறந்து நன்றாகக் கிளறவும்.
* கடாயில் நெய் உருக்கி கஞ்சியின் மேல் ஊற்றி சூடாக பரிமாறவும்.
பூங்கார் அரிசி கஞ்சியின் முக்கிய நன்மைகள்
* கர்ப்ப காலத்தில் சுகப்பிரசவத்திற்கும் உடல் சக்திக்கும் உதவும்
* இரத்த சோகை மற்றும் ஹார்மோன் சீர்கேடு குறையும்
* மாதவிடாய் சீர்மையையும், மகப்பேறு ஆரோக்கியத்தையும் மேம்படுத்தும்
* இயற்கையான குளூட்டன் இல்லாத உணவு, வயிற்றுக்கு எளிதானது
* பிறந்த பின் உடல் மீள்திறனை விரைவாக மேம்படுத்தும்
கர்ப்பிணிப் பெண்கள் ஆறாவது மாதத்திலிருந்து பிரசவம் முடியும் வரை வாரத்திற்கு 2 முதல் 3 முறை இந்த பூங்கார் அரிசி கஞ்சியை எடுத்துக்கொள்ளலாம்.
இறுதியாக..
பூங்கார் அரிசி என்பது நம் பாரம்பரியத்தின் பெருமைமிக்க நெல் வகைகளில் ஒன்று. இது பெண்களின் உடல் வலிமை, ஹார்மோன் சமநிலை மற்றும் கர்ப்ப ஆரோக்கியத்தை ஒரே நேரத்தில் மேம்படுத்தும் இயற்கை உணவு. இன்றைய வேகமான வாழ்க்கையில், இதுபோன்ற பாரம்பரிய உணவுகளை மீண்டும் நம் அன்றாட வாழ்வில் சேர்த்துக் கொள்வது ஆரோக்கியமான தலைமுறைக்கான சிறந்த முதலீடு.
Disclaimer: இந்தக் கட்டுரை மருத்துவ நிபுணர்கள் மற்றும் பொதுத் தகவல் ஆதாரங்களின் அடிப்படையில் எழுதப்பட்டது. இதனை மருத்துவ ஆலோசனையாகக் கருத வேண்டாம். கர்ப்பிணிப் பெண்கள் இதனைச் சாப்பிடும் முன் தங்கள் மருத்துவரின் ஆலோசனையைப் பெறவும்.
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
-
Current Version
Nov 13, 2025 09:32 IST
Published By : Ishvarya Gurumurthy