நல்ல செரிமானம் மட்டுமல்ல.. இந்த நன்மையையும் பெற காலையில் இந்த 7 டிடாக்ஸ் ட்ரிங்ஸ் குடிங்க

குடல் ஆரோக்கியம் என்பது உடலின் ஒட்டுமொத்த ஆரோக்கியத்தையும் மேம்படுத்தும் என்பது எல்லோரும் அறிந்ததே. அவ்வாறே, இது நல்ல செரிமானம், சரும ஆரோக்கியம் உள்ளிட்ட பல்வேறு நன்மைகளைத் தருகிறது. ஆனால், இன்றைய நவீன காலத்தில் மோசமான வாழ்க்கை முறை, உணவு முறை மற்றும் உடல் செயல்பாடுகள் இல்லாதது போன்றவற்றால் செரிமான ஆரோக்கியமும் பாதிக்கப்பட்டு, பல உடல்நலப் பிரச்சனைகளுக்கு வழிவகுக்கலாம். ஆம். உண்மையில் இந்த பிரச்சனைகள் மோசமான குடல் ஆரோக்கியத்திற்கு வழிவகுக்கிறது. இதன் வெளிப்பாடு சருமத்தில் பிரதிபலிக்கக்கூடும்.

இதனால் சருமத்தில் எரிச்சல், அரிப்பு, கரும்புள்ளிகள் மற்றும் நேர்த்தியான கோடுகள் உள்ளிட்ட பல பிரச்சனைகள் ஏற்படலாம். இதைக் கட்டுப்படுத்த பலரும் கடைகளில் விற்பனை செய்யப்படும் சரும பராமரிப்புப் பொருள்களை வாங்கி பயன்படுத்துகின்றனர். ஆனால், உடலை உள்ளிருந்தே பாதுகாப்பதும் அவசியமாகக் கருதப்படுகிறது. இதில் செரிமான ஆரோக்கியத்தை மேம்படுத்தவும், சருமத்தை பொலிவாக வைத்திருக்கவும் காலை நேரத்தில் சில டிடாக்ஸ் பானங்களை எடுத்துக் கொள்ளலாம்.

இதில் காலையில் குடிக்க வேண்டிய டிடாக்ஸ் பானங்கள் குறித்து மருத்துவ உணவியல் நிபுணரும், PCOD நிபுணருமான காஜல் அகர்வால் அவர்கள் தனது இன்ஸ்டாகிராம் பக்கத்தில் பகிர்ந்துள்ளார். அதைப் பற்றி இங்குக் காண்போம்.

இந்த பதிவும் உதவலாம்: வெயிட் லாஸ் மட்டுமல்ல! சருமத்தைப்  பளபளப்பாக வைக்க இந்த டிடாக்ஸ் ட்ரிங்ஸ் குடிங்க

காலையில் குடிக்க வேண்டிய டிடாக்ஸ் பானங்கள்

ஜீரா நீர்

காலை எழுந்ததும் சீரகம் ஊறவைத்த நீரைக் குடிப்பது செரிமானத்தை மேம்படுத்துகிறது. மேலும் இது வயிறு உப்புசத்தைக் குறைக்கிறது. இதற்கு 1 தேக்கரண்டி அளவிலான சீரகத்தை இரவு முழுவதும் ஊறவைத்து காலையில் குடிக்க வேண்டும். சீரகம் ஆனது கார்போஹைட்ரேட் மற்றும் கொழுப்புகளின் செரிமானத்திற்குத் தேவையான நொதிகளின் செயல்பாட்டை மேம்படுத்த உதவுகிறது. மேலும் இது உடலில் உள்ள நச்சுக்களை வெளியேற்ற உதவுகிறது.

வெதுவெதுப்பான எலுமிச்சை நீர்

நிபுணரின் கூற்றுப்படி, எலுமிச்சை கலந்த வெதுவெதுப்பான நீரைக் குடிப்பது வைட்டமின் சி ஊட்டச்சத்துக்கள் நிறைந்ததாகும். இவை கல்லீரலை நச்சு நீக்க உதவுகிறது. மேலும் சருமத்திற்கு பளபளப்பை அளிக்கிறது. நல்ல செரிமானத்திற்கும், பொலிவான சருமத்திற்கும் வெதுவெதுப்பான எலுமிச்சை நீர் உதவுகிறது. இது உடலை நீரேற்றமாக வைத்து, செரிமான மண்டலத்தை சுத்தப்படுத்துகிறது. மேலும், எலுமிச்சையில் உள்ள கொலாஜன் உற்பத்தி மற்றும் ஆன்டிஆக்ஸிடன்ட்கள் போன்றவை சருமத்தைப் பழுதுபார்த்து, ஆரோக்கியமான பொலிவைத் தருகிறது.

வெந்தய நீர்

ஒரு தேக்கரண்டி அளவிலான வெந்தயத்தை இரவு முழுவதும் ஊறவைத்து காலையில் குடிப்பது மிகுந்த நன்மை பயக்கும். இவை உடலில் வளர்சிதை மாற்றத்தை மேம்படுத்தவும், ஹார்மோன்களை சமநிலைப்படுத்தவும் உதவுகிறது. இவை சருமத்தில் உள்ள மாசுக்களை மாசுக்களை நீக்கி, பளபளப்பான, ஆரோக்கியமான சருமத்தைப் பெற உதவுகிறது. மேலும் இதில் உள்ள பாக்டீரியா எதிர்ப்பு மற்றும் அழற்சி எதிர்ப்பு பண்புகள் முகப்பரு மற்றும் கரும்புள்ளிகள் போன்ற சருமப் பிரச்சனைகளைக் குறைக்க உதவுகிறது.

ஓமம் தண்ணீர்

ஒரு தேக்கரண்டி அளவிலான கேரம் அல்லது ஓமம் விதைகளை தண்ணீரில் கொதிக்க வைக்க வேண்டும். இது வாயு மற்றும் அஜீரணத்தைக் குறைக்க உதவுகிறது. இது செரிமான பிரச்சனைகள், வாயுத்தொல்லை, மலச்சிக்கல் போன்ற பிரச்சனைகளைக் குறைக்கிறது. மேலும் இவை குடல் ஆரோக்கியத்தை மேம்படுத்த உதவுகின்றன. இதன் மூலம் சரும ஆரோக்கியத்தை மேம்படுத்தலாம்.

இந்த பதிவும் உதவலாம்: நீங்க காலையில் எழுந்ததும் இந்த டிடாக்ஸ் ட்ரிங்ஸ் கட்டாயம் குடிக்கணும்! ஏன் தெரியுமா?

இஞ்சி நீர்

சூடான நீரில் இஞ்சியை கொதிக்க வைத்து குடிப்பது குடல் ஆரோக்கியத்தை மேம்படுத்தவும், நோயெதிர்ப்புச் சக்தியை அதிகரிக்கவும் உதவுகிறது. இஞ்சி நீர் உட்கொள்வது குடல் இயக்கத்தை மேம்படுத்தி, செரிமானத்தைப் புத்துணர்ச்சியுடன் வைத்திருக்க உதவுகிறது. இது சரும பிரச்சனைகள் வராமல் தடுக்கவும், சருமத்தை இளமையுடன் வைத்திருக்கவும் உதவுகிறது.

1800ss_getty_rf_ginger-0f1

View this post on Instagram

A post shared by Dietician Kajal Aggarwal ✨Clinical Dietician ✨PCOD Expert. (@dietician_kajalaggarwal)

வெள்ளரி மற்றும் புதினா நீர்

வெள்ளர் மற்றும் புதினா கலந்த நீரைக் குடிப்பது உடலுக்கு நீரேற்றத்தைத் தருகிறது. மேலும் இது குளிர்ச்சியையும் அளிக்கும். இவை நச்சுக்களை நீக்குவதற்கும், புத்துணர்ச்சியூட்டும் சருமத்தை ஆதரிக்கவும் உதவுகிறது. வெள்ளரிக்காய் சருமத்தை நீரேற்றமாக வைத்திருக்க உதவுகிறது. மேலும் இதில் உள்ள பாக்டீரியா எதிர்ப்புப் பண்புகள் ஆரோக்கியமான மற்றும் பொலிவான சருமத்திற்கு வழிவகுக்கிறது.

வெதுவெதுப்பான மஞ்சள் நீர்

சூடான நீரில் ஒரு சிட்டிகை மஞ்சள் சேர்த்து காலை நேரத்தில் குடிப்பதன் மூலம் சருமத்தை சுத்தப்படுத்தலாம். ஏனெனில், மஞ்சள் அழற்சி எதிர்ப்புப் பண்புகள் நிறைந்ததாகும். இவை சருமத்தை சுத்தமாக வைத்திருப்பதுடன், செரிமானத்தை மேம்படுத்த உதவுகிறது.

தினமும் காலையில் இந்த டிடாக்ஸ் ட்ரிங்ஸ் அருந்துவதன் மூலம் நமது செரிமானத்தை மேம்படுத்துவதுடன், சருமத்தைப் பொலிவாக வைத்திருக்கலாம்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: குடலை குணமாக்கி, சருமத்தை பளபளப்பாக்க 3 நாளைக்கு இந்த 3 ட்ரிங்ஸ் குடிங்க..

Image Source: Freepik