குடல் ஆரோக்கியத்தை சீரழிக்கும் தினசரி தவறுகள்.! மருத்துவர் எச்சரிக்கை..

உடலின் முழு ஆரோக்கியத்திற்கும் அடிப்படைச் சாவியாகக் கருதப்படுவது குடல் ஆரோக்கியம். ஆனால், நம்மால் தெரியாமல், தினசரி செய்யும் சில பழக்கங்கள் குடலின் இயல்பான செயல்பாடுகளை பாதித்து, ஜீரண பிரச்சனைகள் முதல் நோய் எதிர்ப்பு சக்தி குறைவு வரை பல சிக்கல்களை உருவாக்குகின்றன.

அமெரிக்காவைச் சேர்ந்த காஸ்ட்ரோஎன்டராலஜிஸ்ட் டாக்டர் பால் மணிக்கம் தனது இன்ஸ்டாகிராம் பக்கத்தில், “உங்கள் குடல் ஆரோக்கியத்தை கெடுக்கும் தவறுகள்” என்ற தலைப்பில் இந்த தகவல்களை பகிர்ந்துள்ளார்.

1. அதிக சர்க்கரை & ப்ராசஸ்டு உணவுகள்

இன்று பெரும்பாலானோரின் உணவுப் பழக்கத்தில் சர்க்கரை அதிகம் உள்ள பானங்கள், சாக்லேட், பேக்கரி பொருட்கள், ப்ராசஸ்டு ஸ்னாக்ஸ் அடிக்கடி இடம்பெறுகின்றன.

டாக்டர் பால் கூறியதாவது: “அதிக சர்க்கரை குடலுக்குள் தீங்கு விளைவிக்கும் பாக்டீரியாக்களை ஊக்குவிக்கிறது. இதனால் நல்ல பாக்டீரியா குறைந்து, வயிறு உப்புசம் மற்றும் பசி அதிகரிக்கின்றன.”

2. நார்ச்சத்து புறக்கணித்தல்

பிஸியான வாழ்க்கைமுறையில், நார்ச்சத்து நிறைந்த பழம், காய்கறி, முழுதானியங்கள் குறைவாக சாப்பிடப்படுகின்றன. இது குடலுக்குள் உள்ள நல்ல பாக்டீரியாக்களுக்கு “உணவு” கிடைக்காமல் விடுகிறது. நார்ச்சத்து குறைபாடு மலச்சிக்கல், ஜீரணக் கோளாறு மற்றும் குடல் சுவர்களின் ஆரோக்கியம் பாதிக்கப்படுதல் போன்ற விளைவுகளைத் தருகிறது.

இந்த பதிவும் உதவலாம்: பழங்களில் ஒட்டும் ஸ்டிக்கர் – சின்னதா தோன்றினாலும் ஆரோக்கியத்துக்கு பெரிய ஆபத்து! மருத்துவர் எச்சரிக்கை..

3. நீண்டகால மன அழுத்தம்

அடிக்கடி மன அழுத்தத்தில் இருப்பது, குடல் மற்றும் மூளை இடையே உள்ள இணைப்பை பாதிக்கிறது. இதன் விளைவாக ஜீரண பிரச்சனைகள், குமட்டல், குடல்வலி, நோய் எதிர்ப்பு சக்தி குறைவு, கூடவே மனநலத்திலும் மாற்றங்கள் ஏற்படலாம்.

4. குறைவான தூக்கம்

போதுமான தூக்கம் கிடைக்காதவர்கள் அடிக்கடி, செரிமான பாதிப்பு, அமிலத்தன்மை, வயிறு உப்புசம் போன்ற பிரச்சனைகளை சந்திக்கிறார்கள். தூக்கக் குறைவு, குடலின் இயல்பான செயல்பாட்டை மட்டுமல்லாமல், நோய் எதிர்ப்பு சக்தியையும் பாதிக்கிறது. “நல்ல உறக்கம் = ஆரோக்கியமான குடல்” என்று டாக்டர் பால் வலியுறுத்துகிறார்.

5. அதிக அளவில் ஆண்டிபயாட்டிக் மருந்துகள்

சில சமயங்களில் தேவைக்கதிகமாக ஆண்டிபயாட்டிக் மருந்துகள் எடுத்துக்கொள்ளப்படுகின்றன. இது உடலுக்குள் உள்ள தீங்கு விளைவிக்கும் பாக்டீரியாக்களை அழிப்பதோடு, நல்ல பாக்டீரியாக்களையும் அழித்து விடுகிறது. இதனால் ஜீரண திறன் குறைந்து, குடல் சுகாதாரம் பலவீனமடைகிறது.

View this post on Instagram

A post shared by Dr. Pal's NewME (@dr.pals_newme)

மருத்துவர் எச்சரிக்கை

“அனைத்து குடல் பிரச்சினைகளும் உணவில் இருந்து மட்டும் வருவதில்லை. மன அழுத்தம், தூக்கம், வாழ்க்கை முறை தேர்வுகள் அனைத்தும் குடல் ஆரோக்கியத்தை நேரடியாக பாதிக்கின்றன. தினசரி சின்ன சின்ன கவனக்குறைவுகள் கூட, நீண்டகாலத்தில் பெரிய பாதிப்பை ஏற்படுத்தும்” என்று டாக்டர் பால் மணிக்கம் கூறியுள்ளார்.

இறுதியாக..

குடல் ஆரோக்கியம் பாதிக்கப்படும்போது, உடல் முழுவதும் பலவிதமான பிரச்சனைகள் தோன்றும். சர்க்கரை, ப்ராசஸ்டு உணவுகளைத் தவிர்த்து, நார்ச்சத்து நிறைந்த உணவுகளைச் சேர்த்து, போதுமான தூக்கம் மற்றும் மனஅழுத்தக் கட்டுப்பாட்டை கடைபிடிப்பதன் மூலமே குடல் ஆரோக்கியத்தை பாதுகாத்துக் கொள்ளலாம்.

Disclaimer: இந்த கட்டுரை மருத்துவர் பகிர்ந்த பொது தகவல்களை அடிப்படையாகக் கொண்டு எழுதப்பட்டுள்ளது. தனிப்பட்ட ஆரோக்கியப் பிரச்சனைகள் இருந்தால், உங்கள் மருத்துவரின் ஆலோசனையை பெறுவது அவசியம்.