Why Is Pure Water Not Good For You: வடிகட்டிய நீர் உங்களுக்கு சிறந்தது என்ற எண்ணத்தில் நீங்கள் இருந்தால், கொஞ்சம் சிந்தியுங்கள். நீர் வடிகட்டப்படும் போது, அதில் உள்ள ஊட்டச்சத்துக்கள் பிரித்தெடுக்கப்படுகின்றன. இதனை குடிப்பதால் பல பக்க விளைவுகள் ஏற்படும் என்று நிபுணர்கள் எச்சரிக்கின்றனர்.
ஒரு லிட்டர் நீரில் 200-250 மில்லிகிராம் கால்சியம் மற்றும் மெக்னீசியம் இருக்க வேண்டும். ஆனால் சுத்திகரிக்கப்பட்ட நீரில் கால்சியம் மற்றும் மெக்னீசியம் போன்ற அத்தியாவசிய ஊட்டச்சத்துகள் நீக்கப்படுகின்றன. இதனால் வடிகட்டிய நீரை குடிப்பது நல்லதல்ல.
ஆராய்ச்சி விவரங்கள்…
சமீபத்தில் நாக்பூரில் உள்ள CSIR-National Environmental Engineering Research Institute-ன், நீர் தொழில்நுட்பம் மற்றும் மேலாண்மைப் பிரிவின் முதன்மை விஞ்ஞானி, Dr. Atul V Maldhure, வடிகட்டிய நீரை ஆய்வு செய்து சில விஷயங்களை தெரிவித்தார். அப்போது கூறிய அவர், “நீர் வடிகட்டப்படும் போது அசுத்தங்கள் மட்டுமல்லாம்ல், அதில் உள்ள நன்மை பயக்கும் தாதுக்களும் அகற்றப்படுகிறது” என்றார்.
இதையும் படிங்க: Warm Water Benefits: தினமும் காலையில் தண்ணீர் குடித்தால் இவ்வளவு நன்மைகளா?
WHO கூட நீர் வடிகட்டியை பயன்படுத்துவதற்கு எதிராக எச்சரித்துள்ளது. 2019-ல் WHO வெளியிட்ட ஆய்வு அறிக்கையில், “RO இயந்திரங்கள் தண்ணீரை சுத்தம் செய்வதில் மிகவும் பயனுள்ளதாக இருக்கும். ஆனால் அவை கால்சியம் மற்றும் மெக்னீசியத்தையும் நீக்குகின்றன. இவை ஆற்றல் உற்பத்திக்கு காரணமான கூறுகள். எனவே, RO வடிகட்டிகளால் உற்பத்தி செய்யப்படும் அத்தியாவசிய கூறுகள் இல்லாத அமில நீரை நீண்டகாலமாக உட்கொள்வது மிகவும் ஆரோக்கியமற்றது” என்று குறிப்பிடப்பட்டிருந்தது. 
மற்றொரு குழு உறுப்பினர் டாக்டர் அனில் அரோரா, சர் கங்கா ராம் மருத்துவமனையின் காஸ்ட்ரோஎன்டாலஜி தலைவர், RO தண்ணீருக்கு பதிலாக, நீரை சுட வைத்து குடிப்பது நல்லது என்று தெரிவித்துள்ளார். நீரை கொதிக்க வைப்பதால் பாக்டீரியா, வைரஸ் மற்றும் பூஞ்சைகளை மட்டுமே அழிக்கப்படும் என்றும் அவர் விளக்கினார்.
பக்க விளைவுகள்…
வடிகட்டிய நீரை குடிப்பதால், உடலில் தாதுப் பற்றாக்குறை ஏற்படுகிறது. இதனால் தசை சோர்வு, பிடிப்புகள், உடல்வலி, நினைவாற்றல் இழப்பு போன்றவை ஏற்படும் என்று டாக்டர் அனில் அரோரா கூறினார்.
Image Source: Freepik