2 வாரம் கிரீன் டீ குடிச்சி பாருங்க.. மாற்றத்தை நீங்களே உணர்வீர்கள்.. மருத்துவர் பரிந்துரை..

கல்லீரல் என்பது நமது உடலில் முக்கிய பங்கு வகிக்கும் உறுப்புகளில் ஒன்றாகும். இது நமது உணவிலிருந்து சத்துகளை வடிகட்டி, நச்சுப் பொருட்களை அகற்றி, உடலின் சீரான செயல்பாட்டை உறுதி செய்கிறது. ஆனால் வாழ்க்கை முறை மாற்றங்கள், கொழுப்பு அதிகமான உணவு, ஆல்கஹால் போன்ற காரணங்களால் கல்லீரல் பாதிக்கப்படும் அபாயம் அதிகரித்துள்ளது.

இந்நிலையில், அமெரிக்காவைச் சேர்ந்த காஸ்ட்ரோஎன்டரோலஜி நிபுணர் டாக்டர் ஜோசப் சல்ஹாப் தனது இன்ஸ்டாகிராம் பக்கத்தில் வெளியிட்ட வீடியோவில், தினமும் கிரீன் டீ குடிப்பது லிவருக்கு பல நன்மைகளை தரும் என்று கூறியுள்ளார்.

2 வாரம் கிரீன் டீ குடித்தால் என்ன நடக்கும்?

டாக்டர் சல்ஹாப் கூறியதாவது, “நீங்கள் தினமும் கிரீன் டீ குடிக்கத் தொடங்கினால் 10 நாட்களில் உங்கள் குடல் பாக்டீரியாவில் நல்ல மாற்றம் ஏற்படும். இது உங்கள் லிவரை பாதுகாக்கவும், கொழுப்பு கல்லீரல் (Fatty Liver) நோயின் முன்னேற்றத்தை மந்தமாக்கவும் உதவும்.”

அதாவது, 10–14 நாட்களில் கிரீன் டீ குடிப்பதால் குடலில் உள்ள பிபிடோபாக்டீரியா (Bifidobacteria) எனப்படும் நல்ல பாக்டீரியாக்கள் அதிகரிக்கும். இதனால் செரிமானம் சீராகி, லிவர் மீது வரும் அழுத்தம் குறையும்.

இந்த பதிவும் உதவலாம்: பால் மற்றும் வெல்லம் சேர்த்த தேநீர் குடிக்கிறீர்களா.? உடனே நிறுத்துங்கள்.. நிபுணர்கள் எச்சரிக்கை.!

கிரீன் டீயின் முக்கிய நன்மைகள்

கல்லீரல் பாதுகாப்பு: கிரீன் டீயில் உள்ள கேட்டசின்கள் (Catechins) எனப்படும் இயற்கை ஆன்டி-ஆக்சிடன்ட்கள், லிவரில் கொழுப்பு சேர்வதைத் தடுக்கின்றன.

கொழுப்பு குறைப்பு: NAFLD (Non-Alcoholic Fatty Liver Disease) கொண்ட நோயாளிகளில் கிரீன் டீ குடிப்பதால் லிவர் கொழுப்பு மற்றும் அழற்சி குறையும் என ஆய்வுகள் உறுதி செய்கின்றன.

இரத்த அழுத்தம் மற்றும் கொலஸ்ட்ரால் சீராக்கும்: கிரீன் டீயில் உள்ள பாலிஃபீனால்கள் (Polyphenols) உடலில் உள்ள அழற்சி அளவைக் குறைத்து, இரத்த அழுத்தத்தையும் சீராக வைத்திருக்கும்.

இதய ஆரோக்கியம்: தினசரி கிரீன் டீ குடிப்பவர்கள் இதய நோய், ஸ்ட்ரோக் அபாயம் குறைவாக இருப்பதாக பல சர்வதேச ஆய்வுகள் கூறுகின்றன.

நினைவாற்றல் மற்றும் மூளை ஆரோக்கியம்: கிரீன் டீ குடிப்பவர்களுக்கு நினைவாற்றல், கவனம் மற்றும் மூளை ஆரோக்கியம் மேம்படும். டிமென்ஷியா அபாயமும் குறையும்.

நீண்ட ஆயுள்: கிரீன் டீ தினமும் குடிப்பவர்களுக்கு ஆல்-காஸ் மரண விகிதம் (all-cause mortality) குறைவாக இருப்பதாக பல ஆய்வுகள் உறுதிபடுத்தியுள்ளன.

View this post on Instagram

A post shared by Dr. Joseph Salhab (@thestomachdoc)

2 வாரம் கிரீன் டீ சவால் – நீங்கள் முயற்சிக்கலாமா?

மதிய உணவுக்குப் பிறகு அல்லது காலை எழுந்தவுடன் ஒரு கப் கிரீன் டீ குடிக்கலாம். சர்க்கரை இல்லாமல், எலுமிச்சை சாறு அல்லது மின்ட் சேர்த்தால் அதன் விளைவு அதிகரிக்கும். முதலில் 10–14 நாட்கள் தொடர்ந்து குடித்து பாருங்கள் – உங்கள் உடல் எளிதாகச் செரிமானிக்கவும், வீக்கம் குறையவும், கல்லீரல் ஆரோக்கியம் மேம்படவும் தொடங்கும்.

இறுதியாக..

கிரீன் டீ குடிப்பது வெறும் “டிடாக்ஸ் டிரிங்க்” அல்ல; அது உங்கள் உடலை உள்ளிருந்து சுத்தமாக்கும் இயற்கை மருந்து போன்றது. ஆனால் மிகை அளவில் குடிப்பது சிலருக்கு பக்கவிளைவுகளை ஏற்படுத்தக்கூடும். அதனால் தினமும் 1–2 கப் மட்டும் குடிப்பது சிறந்தது.

Disclaimer: இந்தக் கட்டுரை மருத்துவ நிபுணரின் பொதுவான ஆலோசனைகளை அடிப்படையாகக் கொண்டது. இதில் கூறப்பட்ட தகவல்கள் பொதுப் பயனுக்காக மட்டுமே. எந்த புதிய உணவு பழக்கத்தையும் தொடங்கும் முன் உங்கள் குடும்ப மருத்துவரின் ஆலோசனையைப் பெறவும்.