Amla Benefits: உச்சந்தலை, சருமம் முதல் மொத்த ஆரோக்கியத்திற்கும் இது வரப்பிரசாதம்!

$

Amla Benefits: ஆம்லா என்று அழைக்கப்படும் இந்திய நெல்லிக்காய் ஆகச்சிறந்த சூப்பர் ஃபுட் ஆகும். ஆயுர்வேதத்தின்படி இதில் எண்ணற்ற ஆரோக்கிய நன்மைகள் உள்ளது. கண்ணுக்கு எட்டாத தூரத்தில் உள்ள பல ஆரோக்கிய பொருட்களை தேடித்தேடி அலையும் நாம் கண்ணுக்கு எட்டிய தூரத்தில் இருக்கும் நெல்லிக்காய்க்கு அவ்வளவு முக்கியத்துவும் கொடுப்பதில்லை. இந்த பதிவை படித்தால் இனி அப்படி நடக்காது.

நெல்லிக்காயில் வைட்டமின் சி, ஆக்ஸிஜனேற்றிகள் உள்ளிட்ட பல ஊட்டச்சத்துக்கள் உள்ளது. இது ஒட்டுமொத்த நல்வாழ்விற்கும் நன்மை பயக்கும். இந்த சூப்பர் ஃபுட்டை சரியான வழியிலும் ஆரோக்கியமான முறையிலும் பயன்படுத்தினால் உங்கள் நல்வாழ்வை மேம்படுத்தலாம். சரி, இவ்வளவு கூறுகிறீர்கள் அப்படி என்னென்ன நன்மைகள் இருக்கிறது என கேட்கலாம். நெல்லிக்காயின் டாப் நன்மைகள் குறித்து பார்க்கலாம்.

ஆம்லாவின் ஆரோக்கிய நன்மைகள்

அதிகரிக்கும் நோய் எதிர்ப்பு சக்தி

நெல்லிக்காய் வைட்டமின் சி-ன் நிறைந்த ஆதாரமாக உள்ளது. இது நோய் எதிர்ப்பு சக்தியை அதிகரிக்க உதவுகிறது. மேலும் உடலை நோய்த்தொற்றுகளில் இருந்து தடுக்கவும் பெருமளவு உதவுகிறது.

செரிமானத்தை மேம்படுத்துகிறது

நெல்லிக்காயை தொடர்ந்து உட்கொள்வது செரிமானத்திற்கு உதவுகிறது. மேலும் மலச்சிக்கலை நீக்கவும், ஆரோக்கியமான செரிமான அமைப்பை மேம்படுத்தவும் உதவுகிறது.

தோல் ஆரோக்கியம் மேம்படும்

நெல்லிக்காயில் உள்ள ஆன்டிஆக்ஸிடன்ட்கள் ஃப்ரீ ரேடிக்கல்களை எதிர்த்துப் போராட உதவுகின்றன. தோல் பாதிப்பைக் குறைக்கின்றன மற்றும் ஆரோக்கியமான, ஒளிரும் நிறத்தை மேம்படுத்துகிறது.

இரத்த சர்க்கரை அளவை ஒழுங்காக்கும்

ஆம்லாவில் இரத்த சர்க்கரை அளவைக் கட்டுப்படுத்த உதவும் கலவைகள் உள்ளன, இது நீரிழிவு நோயாளிகளுக்கு நன்மை பயக்கும்.

முடி ஆரோக்கியத்தை மேம்படுத்தும்

நெல்லிக்காய் முடி வேர்களுக்கு ஊட்டமளித்து முடியின் வேர்களை வலுப்படுத்துகிறது. அதேபோல் முன்கூட்டியே நரைப்பதையும் தடுக்கிறது, ஆரோக்கியமான மற்றும் பளபளப்பான முடியை பெற பெருமளவு உதவுகிறது.

ஆம்லாவை உட்கொள்ளும் வழிகள்

நெல்லிக்காய் சாறு: புத்துணர்ச்சியூட்டும் மற்றும் சத்தான சாறு தயாரிக்க புதிய நெல்லிக்காயை தண்ணீரில் கலக்கவும். இனிப்புக்காக ஒரு துளி தேன் அல்லது வெல்லம் சேர்த்து அரைக்கவும். இந்த சாறு மிக பயனுள்ளதாக இருக்கும்.

ஆம்லா சட்னி: புதினா, கொத்தமல்லி, பச்சை மிளகாய் மற்றும் மசாலாப் பொருட்களுடன் நெல்லிக்காய் சேர்த்து அரைத்து, தின்பண்டங்களாகவும், சாப்பாட்டுடனும் வைத்து சாப்பிடலாம்.

ஆம்லா ஊறுகாய்: ஆம்லா துண்டுகளை உப்பு, மசாலா மற்றும் எண்ணெயில் ஊறவைத்து காரமான ஊறுகாயை தயார் செய்யலாம். சாப்பாட்டுடன் சைட் டிஷ் ஆகவும் இதை பரிமாறலாம்.

சாலடுகளில் சேர்க்கலாம்: புதிய நெல்லிக்காயை துருவி அல்லது நறுக்கி, சாலட்களில் சேர்க்கவும்.

கறிகளில் சேர்க்கலாம்: உணவின் சுவை மற்றும் ஊட்டச்சத்து மதிப்பை அதிகரிக்க காய்கறி அல்லது இறைச்சிகளில் நெல்லிக்காய் துண்டுகளைச் சேர்க்கலாம்.

இத்தனை நன்மைகளை முழுமையாக அறிந்திருப்பீர்கள் என்று நம்புகிறோம். இனி தேடித்தேடி அலைந்து விலையுயர்ந்த ஆரோக்கிய உணவுகளை வாங்குவதை விட சில்லறை விலையில் கிடைக்கும் ஆரோக்கியம் நிறைந்த நெல்லிக்காயை தாராளமாக வாங்கலாம்.

Image Source: FreePik