தினமும் சருமத்திற்கு தேனைப் பயன்படுத்துவது நல்லதா? நிபுணர் சொல்வது என்ன?

இன்று பலரும் சருமம் மற்றும் முடி ஆரோக்கியத்தைப் பராமரிப்பதில் அதிக கவனம் செலுத்துகின்றனர். இதற்கு அவர்கள், கடைகளில் விற்பனை செய்யப்படும் பொருள்களை வாங்கி பயன்படுத்துகின்றனர். ஆனால், பெரும்பாலான மக்கள் தங்களின் சருமத்திற்கு சில இயற்கையான வீட்டு வைத்தியங்களைக் கையாள்கின்றனர். இதில் கற்றாழை, ரோஸ் வாட்டர் மற்றும் தேன் போன்ற இயற்கை பொருட்களை நாம் அதிகம் பயன்படுத்துகிறோம். குறிப்பாக, சருமத்திற்கு பல்வேறு வழிகளில் தேனை பயன்படுத்துகிறோம். இவை சருமத்தை ஈரப்பதமாக்க உதவுகிறது. சிலர் இதை முகப்பரு எதிர்ப்பு ஃபேஸ்பேக்காகப் பயன்படுத்துகிறார்கள்.

ஏனெனில், இது முகப்பருவைக் குறைக்க உதவும் பாக்டீரியா எதிர்ப்பு மற்றும் வைரஸ் தடுப்பு பண்புகளைக் கொண்டுள்ளது. கூடுதலாக, சிலர் வறண்ட சருமத்திற்கு ஈரப்பதமூட்டும் சுத்தப்படுத்தியாக தேனைப் பயன்படுத்துகிறார்கள். மேலும் சரும அமைப்பை மேம்படுத்தவும், வறட்சியைக் குறைக்கவும் பயன்படுத்துகின்றனர். தேன் சருமத்திற்கு நன்மை பயக்கும் அதே வேளையில், அதை தினமும் தடவ வேண்டுமா? இது உங்கள் சருமத்தை கருமையாக்குமா? இந்த கேள்விகளும் எழுகின்றன. இது குறித்து, டெர்மலஜி கேர் நிறுவனத்தின் தலைமை நிர்வாக அதிகாரி திருமதி லலிதா ஆர்யா அவர்கள் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.

தேன் தடவினால் சருமம் கருமையாகுமா?

சருமத்திற்கு இயற்கை அளித்த இனிமையான அமுதமாக தேன் நீண்ட காலமாகக் கருதப்படுகிறது. எனினும், இது பளபளப்பு, ஈரப்பதம் மற்றும் குணப்படுத்துதலை உறுதியளிக்கிறது என்றும் திருமதி லலிதா ஆர்யா விளக்குகிறார். இருப்பினும், அனைவருக்கும் ஒரு குழப்பமான கேள்வி எழுந்துள்ளது. தேன் தினமும் பயன்படுத்தும்போது சருமத்தை கருமையாக்குமா? இதற்கான பதில் இல்லை. தேன் சருமத்தை கருமையாக்காது என்று கூறினார்.

இந்த பதிவும் உதவலாம்: Honey Benefits For Skin: சருமத்திற்கு தேன் பயன்படுத்துவதால் கிடைக்கும் நன்மைகள்

தினமும் முகத்தில் தேன் தடவினால் என்ன நடக்கும்?

பச்சையான தேனில் இயற்கையான ஆக்ஸிஜனேற்றிகள், நொதிகள் மற்றும் பாக்டீரியா எதிர்ப்பு பண்புகள் உள்ளன. இவை வீக்கத்தைக் குறைக்கவும், நிறமியை ஒளிரச் செய்யவும், சருமத்தை ஈரப்பதமாக்கவும் உதவுகிறது. பலர் இதை லேசான எக்ஸ்ஃபோலியண்ட் அல்லது ஃபேஸ் மாஸ்க்காகவும் பயன்படுத்துகிறார்கள்.

எனினும், முக்கிய காரணியாக அதை நீங்கள் அதை எப்படி, எவ்வளவு அடிக்கடி பயன்படுத்துகிறீர்கள் என்பதில் உள்ளது. அவ்வாறே, தினமும் சருமத்திற்கு தேனைப் பயன்படுத்தினால், பல தோல் பிரச்சனைகள் ஏற்பட வாய்ப்புள்ளது. அவை

உணர்திறனை ஏற்படுத்தும் தேன்

தேனை நன்கு சுத்தம் செய்யாமல் தினமும் தடவுவது, அல்லது சன்ஸ்கிரீன் இல்லாமல் வெயிலில் பயன்படுத்துவது, ஒளி உணர்திறனை ஏற்படுத்தும் அல்லது மாசுபடுத்திகளைப் பிடிக்கக்கூடும். இவை காலப்போக்கில் மந்தமான தோற்றத்திற்கு வழிவகுக்கிறது. மேலும், ஏற்கனவே உணர்திறன் வாய்ந்த சருமம் உள்ளவர்களுக்கு அதிகரித்த உணர்திறனும் ஏற்படலாம். இதனால், இது மிகவும் உணர்திறன் மிக்கதாகவும் மோசமாகவும் மாறக்கூடும்.

ஒவ்வாமை எதிர்வினைகள் ஏற்படும்

சிலருக்கு தேன் அல்லது அதன் கூறுகளான மகரந்தம் அல்லது தேனீ விஷம் போன்றவற்றால் ஒவ்வாமை இருக்க வாய்ப்புள்ளது. மேலும் இந்நிலையில், ஒவ்வாமை உள்ளவர்கள் அதை முகத்தில் தடவுவது ஆபத்தானது. இத்தகைய நபர்களில், முகத்தில் தேனைப் பயன்படுத்துவது சிவத்தல், அரிப்பு, வீக்கம் அல்லது பிற ஒவ்வாமை அறிகுறிகளை ஏற்படுத்துகிறது.

முகம் எரிந்தது போல் உணர்வு ஏற்படுவது

தினமும் முகத்தில் தேனைப் பயன்படுத்தும் போது, அதனால் எரிச்சல் உணர்வு ஏற்படலாம். மேலும் சருமம் முன்பை விட மந்தமாக இருப்பதை கவனிக்கலாம். இந்நிலையில், ஒவ்வொரு நாளும் முகத்தில் தேனைப் பயன்படுத்துவதைத் தவிர்க்க வேண்டும்.

இந்த பதிவும் உதவலாம்: Honey For Dark Circles: 15 நாட்களில் கருவளையம் காணாமல் போக… தேனை இப்படி பயன்படுத்துங்க!

முகப்பரு பாதிப்புக்குள்ளான சருமம் மோசமடையலாம்

கூடுதலாக, முகப்பரு பாதிப்புக்குள்ளான சருமம் அல்லது உணர்திறன் வாய்ந்த சருமம் உள்ளவர்களுக்கு, குறிப்பாக தோல் மருத்துவரின் வழிகாட்டுதல் இல்லாமல், பச்சை தேனை தினசரி பயன்பாட்டில் சேர்ப்பது நல்ல தேர்வாக இருக்காது. ஏனெனில், இது முகப்பரு பிரச்சனையை மோசமாக்கலாம். மேலும் சருமம் சிவந்து போகும் அபாயம் உள்ளது.

தேன் என்பது ஒட்டும் தன்மை கொண்ட ஒரு பொருள் என்பது அனைவருக்கும் தெரிந்த ஒன்றே. குறிப்பாக சருமத்தில் நீண்ட நேரம் வைத்திருந்தாலோ அல்லது ஒரு பெரிய பகுதியில் தடவியாலோ அது அழுக்காகவும் சங்கடமாகவும் மாறலாம். முகத்தில் அதிக நேரம் தேனை வைத்திருந்தால், அதில் உள்ள பாக்டீரியாக்கள் சருமத்திற்கு மேலும் சேதத்தை ஏற்படுத்தக்கூடும். எனவே, தேனைப் பயன்படுத்திய 3 முதல் 5 நிமிடங்களுக்குள் முகத்தைக் கழுவுவது நல்லது, இல்லையெனில் அது கடுமையான தீங்கு விளைவிக்கலாம். மேலும் இது தோல் எரிச்சல் அல்லது முகப்பருவை ஏற்படுத்தும்.

இயற்கை வைத்தியங்களுக்கு கூட, சான்றளிக்கப்பட்ட தோல் மருத்துவரை அணுகுவதை மருத்துவர்எப்போதும் பரிந்துரைப்பதாகக் கூறினார். பொதுவாக, தேன் ஒரு சரும வகைக்கு ஏற்றதாகவும், இன்னொரு சருமத்திற்குப் பொருந்தாமலும் போகலாம். எனவே நிறமி அல்லது மந்தமான சருமம் போன்ற பிரச்சினைகளைத் தீர்க்க தேனைப் பயன்படுத்துவதற்கு முன்பு ஒரு நிபுணரிடம் பேச வேண்டும். எனவே, தேன் நன்மை பயக்கும் என்றாலும், சரும பராமரிப்பு மிகவும் தனிப்பட்டது என்பதை நினைவில் கொள்ள வேண்டும்.

இந்த பதிவும் உதவலாம்: இரவில் முகத்திற்கு தேன் தடவுவது நல்லதா? இதன் பயன்கள் இங்கே!

Image Source: Freepik