நாம் பலரும் காலை எழுந்ததும் முகத்தில் வீக்கம் ஏற்படுவதை பார்த்திருப்போம். இது நம்மில் பலருக்கும் ஏற்படக்கூடிய ஒரு பொதுவான பிரச்சனையாகும். அதிலும் சிலருக்கு முகத்துடன் கண்கள் வீங்கியதையும் நாம் பார்த்திருப்போம். இவ்வாறு வீக்கம் ஏற்படுவதற்குப் பின்னால் பல்வேறு காரணங்கள் இருக்கலாம். இதன் முக்கிய காரணமாக முகத்தில் தண்ணீர் தேங்குவது அடங்குகிறது. இது தவிர, தூக்கமின்மை, அதிக தூக்கம் மற்றும் தவறான நேரத்தில் உறங்குவது போன்ற பல்வேறு காரணங்களாலும் முகத்தில் வீங்கிய நிலை ஏற்படலாம்.
பெரும்பாலான மக்கள் முகம் வீங்குவது என்றால் அதிக உப்பு உட்கொள்ளல் காரணமே என்று நினைக்கின்றனர். ஆனால், பெரும்பாலும், இது எதிர்மாறானதாகும். அதிகமாகத் தண்ணீர் குடிக்கும்போது நீர் தேக்கம் ஏற்படாது. தண்ணீரைக் குறைவாகக் குடிக்கும்போது, உடல் அதைப் பிடித்துக் கொள்ளும். இது வீக்கத்திற்கு வழிவகுக்கும். மேலும், ஏழு முதல் எட்டு மணி நேரத்திற்கும் குறைவான தூக்கத்தை மேற்கொள்வது கார்டிசோல் அளவை அதிகரிக்கச் செய்கிறது. இந்த கார்டிசோல் உடலை அதிக தண்ணீரைப் பிடித்துக் கொள்ள வாய்ப்புள்ளது. இது முகத்தில் வீக்கத்திற்கு வழிவகுக்கலாம்.
இந்நிலையில், இது போன்ற காலையில் எழுந்தவுடன் ஏற்படும் வீக்கத்தைச் சரி செய்ய உதவும் குறிப்புகள் குறித்து ஹார்மோன் மற்றும் குடல் சுகாதார பயிற்சியாளர், ஊட்டச்சத்து நிபுணராக விளங்கும் லோவ்னீத் பத்ரா அவர்கள் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.
இந்த பதிவும் உதவலாம்: வீட்டிலேயே இயற்கையாக குண்டான கன்னத்தைப் பெற நிபுணர் சொன்ன இந்த ஐந்து ரெமிடிஸ் ட்ரை பண்ணுங்க
வீங்கிய முகத்திற்கான காரணங்கள் மற்றும் அதைக் குறைக்க உதவும் குறிப்புகள்
நிபுணர் தனது பதிவில் கூறியதாவது, எப்போதாவது இறுக்கமான வளையங்கள், வீங்கிய முகம் அல்லது கண்களுக்குக் கீழே பைகளுடன் எழுந்திருக்கிறீர்களா? என்ற கேள்வியுடன் தனது பதிவைத் தொடங்கினார்.
வீங்கிய முகம் அல்லது வீங்கிய கண்களுக்கு பெரும்பாலும் ஹார்மோன் சமநிலையின்மை மற்றும் நீர் தேக்கம் போன்றவை காரணமாக இருக்கலாம். இதில் நல்ல செய்தி என்னவெனில், பொதுவான சமையலறை தோட்டப் பொருட்களிலிருந்து தயாரிக்கப்படும் ஒரு எளிய மூலிகை பானம் உடலிலிருந்து அதிகப்படியான தண்ணீரை வெளியேற்றவும், வீக்கத்தைக் குறைக்கவும், இயற்கையாகவே ஹார்மோன் இணக்கத்தை மேம்படுத்தவும் உதவுகிறது.
இதில் முகம் அல்லது கண்கள் வீக்கத்திற்குக் காரணமாக விளங்கக்கூடிய ஹார்மோன்களை சமநிலைப்படுத்த உதவும் காலையில் குடிக்க வேண்டிய டீடாக்ஸ் டீ தயார் செய்யும் முறை, அதன் நன்மைகள் குறித்த விவரங்களைக் காணலாம்.
ஹார்மோன் சமநிலை காலை டீடாக்ஸ் டீ
தேவையான பொருட்கள்
- தண்ணீர் - 2 கப்
- எலுமிச்சை - 1-2 துண்டு
- துளசி இலைகள் - 2-3 இலைகள்
- இலவங்கப்பட்டை தூள் - சிட்டிகை
டீடாக்ஸ் டீ செய்முறை
1. முதலில் ஒரு பாத்திரத்தில் 2 கப் தண்ணீரை கொதிக்க வைக்க வேண்டும்.
2. பின்னர், கொத்தமல்லி விதைகளைச் சேர்த்து 5-7 நிமிடங்கள் கொதிக்க வைக்கலாம்.
3. அதன் பிறகு, துளசி இலைகள் மற்றும் இலவங்கப்பட்டை தூள் சேர்க்கலாம்.
4. மேலும் 2 நிமிடங்கள் கொதிக்க வைத்து, பின்னர் வடிகட்ட வேண்டும்.
5. சிறந்த முடிவுகளுக்கு இந்த பானத்தை காலையில் வெறும் வயிற்றில் சூடாக குடிக்கலாம்.
இந்த பதிவும் உதவலாம்: காலை எழுந்ததும் முகம் வீங்கி இருக்கா? நிபுணர் சொன்ன காரணங்களும், தடுப்பு முறைகளும் இதோ..
ஹார்மோன் சமநிலை டீடாக்ஸ் டீயின் நன்மைகள்
- முக வீக்கம் மற்றும் கண்களின் கீழே காணப்படும் வீக்கங்களைக் குறைக்க உதவுகிறது
- இந்த டீ அருந்துவது மன அழுத்த ஹார்மோன்களை (கார்டிசோல்) சமப்படுத்துகிறது
- அதிகப்படியான நீர் மற்றும் நச்சுகளை வெளியேற்றுகிறது
- இன்சுலின் உணர்திறன் மற்றும் ஹார்மோன் ஆரோக்கியத்தை மேம்படுத்துகிறது
- அமைதி, செரிமானம் மற்றும் ஒட்டுமொத்த நல்வாழ்வை ஊக்குவிக்கிறது
இரண்டாவது பழக்கம்
இது தவிர, ஹார்மோன் சமநிலைக்கு அன்றாட வாழ்க்கையில் நாம் மேற்கொள்ள வேண்டிய சில பழக்கங்களைப் பகிர்ந்துள்ளார்.
வீட்டில் தயாரிக்கப்பட்ட தயிர், கேஃபிர் அல்லது புளித்த காய்கறிகள் போன்ற புரோபயாடிக் நிறைந்த உணவுகளை தினசரி உணவில் சேர்த்துக் கொள்ள வேண்டும்.
புரோபயாடிக்குகள் குடல் நுண்ணுயிரிகளை சமநிலைப்படுத்தி, முகப்பரு மற்றும் ஒவ்வாமைகளுடன் தொடர்புடைய வீக்கத்தைக் குறைக்கின்றன.
ஆரோக்கியமான குடல் ஊட்டச்சத்து உறிஞ்சுதலை மேம்படுத்துகிறது. மேலும், தோல் பழுது மற்றும் நோயெதிர்ப்பு செயல்பாட்டை உதவுகிறது.
புரோபயாடிக்குகள் தோல் உணர்திறனை அமைதிப்படுத்துகின்றன மற்றும் ஒவ்வாமை எதிர்வினைகளை மாற்றியமைக்கின்றன.
புளிக்கவைக்கப்பட்ட உணவுகள் ஆக்ஸிஜனேற்றிகள் மற்றும் நொதிகளை வழங்குகின்றன. இவை தெளிவான, ஒளிரும் சருமத்தை ஊக்குவிக்கின்றன.
இந்த பதிவும் உதவலாம்: காலை எழுந்ததும் வீங்கிய கண்களா? உடனே சரியாக வீட்டிலேயே இந்த டிப்ஸ் ஃபாலோ பண்ணுங்க..
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
-
Current Version
Nov 24, 2025 09:39 IST
Published By : கௌதமி சுப்ரமணி
