தூக்கத்தின் போது ஏற்படும் குறட்டை (Snoring) என்பது பலருக்கும் தொந்தரவாக இருக்கும் ஒரு பொதுவான பிரச்சனை. துன்பப்படுவது உறங்குபவர் மட்டுமல்ல; அருகில் தூங்கும் நபர்களும்! குறட்டையின் காரணங்கள் என்ன? அதை குறைக்க இயற்கை முறைகள் என்ன? மருத்துவர் தீபா விளக்கிய தகவல்களை அடிப்படையாகக் கொண்டு இந்தச் செய்தி தயாரிக்கப்பட்டுள்ளது.
Video Link: https://youtu.be/HrrygJMoLG8
குறட்டை எப்படி உருவாகிறது?
தூங்கும் போது தொண்டை மற்றும் சுவாசப்பாதையில் உள்ள தசைகள் தளர்வடைகின்றன. சிலருக்கு இந்த தளர்வு அதிகம் ஏற்பட்டால் - சுவாசப்பாதை குறுகும், காற்று குறுகலான வழியில் செல்லும், தொண்டை திசுக்கள் அதிர்வடையும் - இந்த அதிர்வுதான் குறட்டை எனும் சத்தமாக வெளிப்படும் என்று வல்லுநர்கள் கூறுகின்றனர். மேலும்,அதிக உடல் எடை, சளி/சைனஸ் பிரச்சனை, ஒவ்வாமை, வாய் வழியாக சுவாசித்தல், போதிய தூக்கமின்மை எல்லாம் குறட்டையை அதிகரிக்கும் முக்கிய காரணங்களாகும்.
இயற்கையாக குறட்டை குறைக்கும் பாட்டி வைத்தியம்
மருத்துவர் தீபா கூறும் வீட்டு வைத்திய முறையில் தேவையான பொருட்கள்:
* பாதாம் – 2
* பூசணி விதைகள் – 8
* கசகசா – 1/2 டீஸ்பூன்
* தேன் – 1 டீஸ்பூன் (பிறகு சேர்க்க வேண்டும்)
எப்படிச் செய்வது?
* பாதாம், பூசணி விதை, கசகசாவை அரை கிளாஸ் தண்ணீரில் ஊற வைக்கவும்.
* நன்றாக ஊறியதும் பாதாம் தோலை நீக்கவும்.
* அனைத்தையும் மிக்ஸியில் அரைத்து பேஸ்ட் செய்யவும்.
* இறுதியில் ஒரு டீஸ்பூன் தேன் கலந்து குடிக்கவும்.
மருத்துவர் தீபா கூறுகையில், “இவ்வாறு எடுத்தால் ஆழ்ந்த உறக்கம் கிடைக்கும்; குறட்டை பிரச்சனைக்கும் நல்ல தீர்வு பெறலாம்.”
யாருக்கு இந்த வைத்தியம் பயன் தரும்?
* அடிக்கடி குறட்டை விடுபவர்கள்
* மூக்கடைப்பால் வாய் வழியாக சுவாசிப்பவர்கள்
* தொடர் தூக்கமின்மை உள்ளவர்கள்
* அதிக எடை கொண்டவர்கள்
இறுதியாக..
குறட்டை என்பது சாதாரணமாகத் தோன்றினாலும், உடல் நலத்திற்கு பெரிய எச்சரிக்கை அறிகுறியாகவும் இருக்கலாம். மருத்துவர் தீபா பரிந்துரைக்கும் வீட்டு வைத்தியம் உடல் தளர்ச்சி, தூக்கமின்மை, மூக்கடைப்பு போன்றவற்றை சமநிலைப்படுத்த உதவுகிறது. ஆனால், பிரச்சனை அதிகமாக இருந்தால் கண்டிப்பாக மருத்துவரை அணுகுவது அவசியம்.
Disclaimer: இந்த கட்டுரை வல்லுநர்களிடமிருந்து பெறப்பட்ட பொது தகவல்களை அடிப்படையாகக் கொண்டது. இங்கு கூறப்பட்ட வழிமுறைகளை பின்பற்றுவதற்கு முன், உங்கள் மருத்துவர் அல்லது உடல்நல ஆலோசகருடன் ஆலோசிக்கவும்.
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
-
Current Version
Nov 21, 2025 11:31 IST
Published By : Ishvarya Gurumurthy
