IBS பிரச்சனைக்கு தயிர் சாப்பிடுவது எவ்வளவு நல்லது தெரியுமா? மருத்துவர் தரும் விளக்கம்

இன்று பலரும் அன்றாட வாழ்வில் பலதரப்பட்ட உடல்நலப் பிரச்சனைகளைச் சந்திக்கின்றனர். இதில் வாயு, வயிறு உப்புசம், மலச்சிக்கல் மற்றும் வயிற்றுப்போக்கு போன்ற வயிற்றுப் பிரச்சினைகளும் அடங்குகிறது. தற்போதைய காலகட்டத்தில் இந்த பிரச்சனைகள் எல்லாம் அதிகரித்து வருகின்றன. இதில் மிகவும் வேதனையான ஒன்று எரிச்சலூட்டும் குடல் நோய்க்குறி (IBS) ஆகும். IBS நோயாளிகளுக்கு அன்றாட வாழ்க்கை கூட சவாலாக இருக்கலாம். வயிற்று வலி, ஒழுங்கற்ற மலம், வீக்கம் மற்றும் சாப்பிட்ட பிறகு கனமாக இருப்பது போன்ற பிரச்சனைகளும் அவர்களின் செயல்பாட்டைப் பாதிக்கக்கூடும்.

இதில் மக்கள் பெரும்பாலும் மருந்துகளை நம்பியிருக்கின்ற்னர். ஆனால் புரோபயாடிக் தயிரில் உள்ள பண்புகள் IBS அறிகுறிகளை ஓரளவிற்கு கட்டுப்படுத்த உதவுகிறது. ஏனெனில், புரோபயாடிக் தயிரில் நல்ல பாக்டீரியாக்கள் உள்ளன. இவை குடலில் பாக்டீரியா சமநிலையை மேம்படுத்துகின்றன. IBS நோயாளிகள் பெரும்பாலும் நல்ல மற்றும் கெட்ட பாக்டீரியாக்களுக்கு இடையில் ஏற்றத்தாழ்வை அனுபவிக்கின்றனர். இது வீக்கம், வாயு மற்றும் வயிற்றில் வலிக்கு வழிவகுக்கிறது.

இதில் நொய்டாவின் மெட்ரோ மருத்துவமனையின் இரைப்பை குடல் நோய் நிறுவனம், ஹெபடாலஜி தலைவர் டாக்டர் ஹர்ஷ் கபூர் அவர்கள் IBS நோயாளிகளுக்கு புரோபயாடிக் தயிரின் நன்மைகள் பற்றி குறிப்பிட்டுள்ளார். அதைப் பற்றி இங்குக் காண்போம்.

இந்த பதிவும் உதவலாம்: IBS awareness month 2025: எரிச்சலூட்டும் குடல் நோய்க்குறி பிரச்சனைக்கு நீங்க சாப்பிட வேண்டிய சூப்பர் உணவுகள் இதோ

IBS நோயாளிகளுக்கு புரோபயாடிக் தயிரின் நன்மைகள்

மருத்துவர் ஹர்ஷ் கபூர் அவர்கள் கூறியதாவது, எரிச்சல் கொண்ட குடல் நோய்க்குறி உள்ள நோயாளிகள் பெரும்பாலும் குடல் நுண்ணுயிரிகளில் ஒரு இடையூறை அல்லது நல்ல மற்றும் கெட்ட பாக்டீரியாக்களின் சமநிலையை அனுபவிப்பதாக ஆராய்ச்சி காட்டுகிறது. நல்ல பாக்டீரியாக்கள் குறைந்து, தீங்கு விளைவிக்கும் பாக்டீரியாக்கள் அதிகரித்து, நிலை மோசமடைவதற்கு வழிவகுக்கிறது.

இது வயிற்று வீக்கம், வலி மற்றும் வாயுவை நீக்குகிறது. இந்நிலையில், புரோபயாடிக் தயிரில் உள்ள பாக்டீரியாக்கள் குடலில் உள்ள நல்ல பாக்டீரியாக்களின் எண்ணிக்கையை அதிகரித்து பாக்டீரியா சமநிலையை மேம்படுத்த உதவுகின்றன.

மேலும், எரிச்சல் கொண்ட குடல் நோய்க்குறி இருக்கும் போது தயிர் சாப்பிடுவது செரிமானத்தை மேம்படுத்துகிறது. இது உணவை வேகமாகவும் சிறப்பாகவும் உடைக்க உதவுகிறது மற்றும் ஊட்டச்சத்துக்களை உறிஞ்சுவதற்கு உதவுகிறது.

IBS-ல் தயிர் சாப்பிடுவது வாயுவைக் குறைக்கவும், வீக்கத்தைக் குறைக்கவும் உதவுகிறது. மேலும் இவை தீங்கு விளைவிக்கும் பாக்டீரியாக்களின் எண்ணிக்கையைக் குறைக்கிறது.

இது தவிர, தயிர் சாப்பிடுவது நோய் எதிர்ப்பு சக்தியையும் பலப்படுத்துகிறது.

தயிர் சாப்பிடுவது IBS அறிகுறிகளைக் கட்டுப்படுத்த உதவுகிறது மற்றும் வயிற்றுப்போக்கு மற்றும் மலச்சிக்கலின் அதிர்வெண்ணைக் குறைக்கவும் வழிவகுக்கிறது.

இந்த பதிவும் உதவலாம்: எதுவும் சாப்பிடாமல் இருந்தாலும் அடிக்கடி வயிறு கலக்குதா? அப்போ இந்த உணவுகளை சாப்பிடுங்க!

புரோபயாடிக் தயிரை சரியாக உட்கொள்வது எப்படி?

• தினமும் 1-2 கப் தயிரை உணவுடன் அல்லது உணவுக்கு இடையில் உட்கொள்ளலாம்.
• இயற்கையான அல்லது குறைந்த சர்க்கரை கொண்ட தயிரை மட்டுமே சாப்பிட வேண்டும். ஏனெனில், அதிகப்படியான இனிப்பு தயிர் குடலில் வீக்கத்தை அதிகரிக்கும்.
• புதிய தயிரை மட்டுமே உட்கொள்ள வேண்டும். சேமித்து வைக்கப்பட்ட புரோபயாடிக் சப்ளிமெண்ட்ஸ் போல தயிரை தவிர்க்க வேண்டும்.

IBS மேலாண்மை என்பது தயிர் சாப்பிடுவதோடு மட்டும் நின்றுவிடாது. சமச்சீர் உணவு, போதுமான நீர் உட்கொள்ளல், மன அழுத்தத்தைக் கட்டுப்படுத்துதல் மற்றும் வழக்கமான உடற்பயிற்சி போன்றவையும் அவசியமாகும். இந்த நடவடிக்கைகளுடன் இணைந்து, புரோபயாடிக் தயிர் உட்கொள்வது IBS அறிகுறிகளைக் கணிசமாகக் குறைக்க உதவுகிறது.

முடிவுரை

புரோபயாடிக் தயிர் எடுத்துக் கொள்வது IBS நோயாளிகளுக்கு இயற்கையான, பாதுகாப்பான மற்றும் பயனுள்ள தேர்வாகும். இது குடலில் உள்ள நல்ல பாக்டீரியாக்களின் எண்ணிக்கையை அதிகரிக்கிறது. மேலும், செரிமானத்தை மேம்படுத்தவும், வீக்கம் மற்றும் வாயுவைக் குறைக்கவும் உதவுகிறது. எனினும், இதன் விளைவு நோயாளிக்கு நோயாளி மாறுபடலாம். மேலும் ஏதேனும் கடுமையான அறிகுறிகள் அல்லது மாற்றங்களுக்கு மருத்துவரை அணுகுவது முக்கியமாகும். சரியான உணவுமுறை, வாழ்க்கை முறை மற்றும் புரோபயாடிக் தயிரை வழக்கமாக உட்கொள்வதன் மூலம், IBS அறிகுறிகள் மேம்படுகின்றன.

இந்த பதிவும் உதவலாம்: IBS பிரச்சனைக்கு சாப்பிட வேண்டிய மற்றும் தவிர்க்க வேண்டிய உணவுகள்.. நிபுணர் தரும் கூடுதல் டிப்ஸ்

Image Source: Freepik