பெண்களே! இதனால் இல்லற வாழ்க்கைக்கே ஆபத்து... மகளிர் மருத்துவர் சொல்றத கேளுங்க!

பாதுகாப்பான மற்றும் திருப்தியை அளிக்கும் பாலியல் வாழ்க்கை கிடைக்க பாலியல் மற்றும் இனப்பெருக்க நலன் மிகவும் முக்கியமாகும். பல பெண்களுக்கு தங்களின் பாலியல் ரீதியான ஆரோக்கியத்தை பற்றி தெரிவதில்லை. அதனால் எழப்போகும் தொடர்ச்சியான சிக்கல்கள் பற்றியும் புரிவதில்லை.

ஆரோக்கியம் மற்றும் உடல் நலன் என வரும் போது, பெண்களின் பாலியல் ஆரோக்கியம் தொடர்பாக உதவி நாடிட சங்கடப்படாதீர்கள் என்கிறார், மகப்பேறு மருத்துவர் ஜெயராணி காமராஜ்.

ஈஸ்ட் தொற்றுக்கள்

ஈஸ்ட் தொற்றுக்கள் என்பது பெண்களுக்கு உண்டாகும் பொதுவான ஒன்றே. ஈஸ்ட் தொற்று என்பது பொதுவாக சிறிய எண்ணிக்கைகளில் பெண்களில் பிறப்புறுப்பில் வாழ்ந்திடும் ஒரு பூஞ்சையாகும் .

இவை சிறிய எண்ணிக்கைகளில் இருந்தாலும் வேகமாக அதிகரிக்கும் பண்பை கொண்டது. அதனால் கேண்டிடா ஆல்பிகன்ஸ் பூஞ்சை நோய் ஏற்படும் அளவிற்கு கூட போய் விடலாம்.

எரிச்சல், புண் மற்றும் அந்தரங்க உறுப்பு சிவத்தல் அல்லது வீக்கமடைதல் போன்றவை இதன் அறிகுறிகளாகும்.

இது அலட்சியப்படுத்தக் கூடியதல்ல. அவசரமாகக் கவனிக்கப்படவேண்டிய பிரச்னை எனும் ஜெயராணி, சிறு வயது பெண் குழந்தைகள் முதல் வயதான பெண்கள் வரை அனைவருக்கும் வரக்கூடிய பிரச்னை இது என்கிறார்.

பெண்ணுறுப்பில் ஏற்படும் வலி :

நிறைய பெண்கள் அவர்களது பெண்ணுறுப்பில் ஏற்படும் வலிக்கு மாதவிடாயும், வெள்ளை போக்கும் தான் காரணம் என கருதுகின்றனர். இதில், பெம்பாலானவர்கள் இந்த வலிக்கு என்ன காரணமாக இருக்கும் என கூட யோசிப்பதில்லை, மருத்துவர்களிடம் இந்த பிரச்சனையை குறித்து ஆலோசிப்பதும் இல்லை.

பெண்களுக்கு பெண்ணுறுப்பில் வலி ஏற்பட பல காரணங்கள் இருக்கின்றன. ஏன் ஈஸ்ட் தொற்று காரணமாக கூட பெண்ணுறுப்பில் வலி ஏற்படலாம்.

எனவே, பெண்கள் அவர்களது பெண்ணுறுப்பில் வலி ஏற்படும் போது அது மாதவிடாய் காரணமாக மட்டும் தான் ஏற்படுகிறது என தவறாக எண்ணி பெரும் பிரச்சனைக்கு ஆளாகிவிட வேண்டாம்.

தகுந்த மருத்துவரிடம் பரிசோதனை செய்து தீர்வு காண்பது தான் சரியானது. இனி பெண்ணுறுப்பில் ஏற்படும் வலிகளுக்கு மாதவிடாய் தவிர்த்து வேறென்ன எல்லாம் காரணமாக இருக்கலாம் என தெரிந்துக்கொள்ளுங்கள்.

ஹெர்பெஸ் (Herpes)

ஹெர்பெஸ் என்பது ஒரு பால்வினை தொற்று (STI) ஆகும். இதன் காரணமாக பெண்களின் பிறப்புறுப்பில் வலி மற்றும் கொப்பளங்கள் ஏற்படும். எனவே, பெண்கள் அவ்விடத்தில் வலி ஏற்படும் போது மிகவும் எச்சரிக்கையாக இருக்க வேண்டும்.

ஈஸ்ட் தொற்று எற்படுவதற்கான காரணங்கள்:

ஈஸ்ட் தோற்று என்பது எந்த பெண்ணிற்கு வேண்டுமானாலும் ஏற்படலாம். அதனால் உங்களுக்கு அந்த பிரச்சனை இருக்கிறதா அல்லது இல்லையா என்பதை உங்கள் மருத்துவரை அணுகி தெரிந்து கொள்ளுங்கள்.

• கெமிக்கல் கலந்த பெர்ஃப்யூம், அந்தரங்க உறுப்புகளுக்கான வாசனை ஸ்பிரே, சோப், வெஜைனல் வாஷ் போன்றவற்றை உபயோகிக்கிறவர்களுக்கும், குளிப்பதற்கு பாத்டப் உபயோகிக்கிறவர்களுக்கும் இது சகஜம்.
  
  தாம்பத்திய உறவுக்கு முன்பும், பின்பும் கருத்தரிப்பைத் தவிர்க்க விந்தணுக் கொல்லி உபயோகிக்கிற பெண்களுக்கும் வரும். பெண்களுக்கு மலத்துவாரமும் சிறுநீர்த்துவாரமும் அருகருகே இருப்பதால், சரியாக சுத்தம் செய்யப்படாத பட்சத்தில், கிருமித் தொற்று சுலபமாகப் பரவும்.
  
  மெனோபாஸ் காலத்தில், பெண்களின் உடலில் இயற்கையாக நிகழும் ஹார்மோன் மாற்றங்களும் இதற்கொரு காரணம். மாதவிடாய் முற்றுப் பெற்றதும், ஈஸ்ட்ரோஜென் ஹார்மோனின் சுரப்பும் குறையும். இந்த ஹார்மோன்தான் அந்தரங்க உறுப்புக்கு வழுவழுப்புத் தன்மையைக் கொடுக்கக் கூடியது. அது குறைகிற போது உறுப்பில் வறட்சி ஏற்பட்டு அரிப்பும் எரிச்சலும் தோன்றும்.
• பெரும்பாலான பெண்களுக்கு மாதத்தின் குறிப்பிட்ட சில நாட்களில் மட்டும் அந்தரங்க உறுப்பில் அரிப்பும் எரிச்சலும் இருக்கும். இதற்குக் காரணம் அவர்களது உடலில் நிகழ்கிற பி.ஹெச். அளவு மாற்றங்கள். கருத்தரிக்கும் நேரத்தில் விந்தணுக்களை அனுமதிக்க ஏதுவாக பெண்ணின் உடலில் காரத்தன்மை அதிகமாக இருக்கும்.
  
  கருத்தரித்து விட்டால், அது அமிலத்தன்மை கொண்டதாக மாறிவிடும். அப்போதுதான் மேற்கொண்டு கருத்தரிப்பதோ, ஏற்கனவே தரித்த கரு பாதிக்கப்படாமலோ இருக்கும். இந்த நேரத்திலும் பெண்ணின் உடலில் கிருமித் தொற்றுக்கான வாய்ப்புகள் அதிகமாக இருக்கும்.
  
  தாம்பத்திய உறவுக்குப் பிறகு பரவும் கிருமித் தொற்றும் மிகவும் சகஜம். அதிக இறுக்கமான, வியர்வையை உறிஞ்சாத உள்ளாடை அணிகிற பெண்களுக்கும் இந்தப் ஈஸ்ட் தொற்று பிரச்னை வரலாம்.
  
  பூப்பெய்தும் காலத்துக்கு முன்பு சில பெண்களுக்கு இப்பிரச்னை வரும். காரணம், சுய சுகாதாரமின்மை. டிரை டாய்லெட் உபயோகிக்கிற பலருக்கும் இந்தப் பிரச்னை மிக அதிகமாகத் தாக்கும். தண்ணீரைத் தவிர்த்து, டிஷ்யூ உபயோகிக்க வேண்டியிருப்பதால், முழுமையான சுத்தம் சாத்தியமாகாமல், அதன் விளைவாக கிருமித் தொற்று சுலபத்தில் உண்டாகும்.
  
  பாலியல் வன்கொடுமைகளுக்கு உள்ளாகும் சிறுமிகளுக்கும் இந்தப் பிரச்னைபரவலாகக் காணப்படும். நடுத்தர வயதில் இந்தப் பிரச்னையை சந்திப்பவர்களுக்கு நீரிழிவின் அறிகுறியாகவோ, தைராய்டின் அறிகுறியாகவோ கூட இது இருக்கலாம்.
  
  அறிகுறிகள் :

• அரிப்பு, எரிச்சல் போன்றவற்றுடன் வெள்ளைப் போக்கும் இருக்கும்.
• உறுப்பில் சிறுநீரோ, தண்ணீரோ பட்டால் எரிச்சல் உண்டாகும்.
• கிருமியின் தாக்குதல், அதன் தீவிரம் போன்றவற்றைப் பொறுத்து வெள்ளைப் போக்கின் தன்மையும் வேறுபடும்.
• சிலருக்கு நீர்த்த போக்கு இருக்கும். சிலருக்கு திரிந்த தயிர் போன்று இருக்கும்.
• கிருமித் தொற்றின் காரணமாக கெட்ட வாடையும் இருக்கும்.
• காய்ச்சல், குளிர் காய்ச்சல் போன்றவையும் சேர்ந்து கொள்ளலாம்.
  
  சோதனைகள்:
  
  மருத்துவரிடம் கலந்தாலோசித்து, தேவைப்பட்டால் வெள்ளைப் போக்கை சோதனைக்கு அனுப்பி, எந்த வகையான கிருமி தாக்கியிருக்கிறது எனக் கண்டுபிடிக்க வேண்டும். அதற்கேற்ப மருந்துகள் பரிந்துரைக்கப்படும்.
• சருமப் பிரச்னை என்றால் அதற்கான தீர்வுகள், வெளிப்பூச்சுக்கான மருந்துகள் போன்றவை பலன் தரும்.
  
  

தவிர்க்க :

• தளர்வான, காட்டன் உள்ளாடைகள் அணிய வேண்டும்.
• டியோடரன்ட், ஸ்பிரே போன்றவற்றைத் தவிர்க்கவும்.
• கழிப்பறை செல்லும் போது முறையாக சுத்தப்படுத்த சிறு வயதிலிருந்தே பெண் குழந்தைகளுக்குப் பழக்க வேண்டும்.
• மெனோபாஸ் வயதுப் பெண்கள் மருத்துவ ஆலோசனையின் பேரில் தேவையென்றால் ஈஸ்ட்ரோஜென் க்ரீம் எடுத்துக் கொள்ளலாம்.

Image Source: freepik