Healthy snacks for fatty liver disease: இன்றைய காலகட்டத்தில் பலரும் சந்திக்கக்கூடிய பொதுவான நோய்களில் ஒன்றாக கொழுப்பு கல்லீரல் நோய் அமைகிறது. பொதுவாக, இது இரண்டு வகையாக பிரிக்கப்படுகிறது. மதுசார் கொழுப்பு கல்லீரல் நோய் (AFLD) (அதிகப்படியான மது அருந்துவதால் ஏற்படுகிறது) மற்றும் மதுசார் அல்லாத கொழுப்பு கல்லீரல் நோய் (NAFLD) உடல் பருமன் போன்ற பிற காரணிகளால் ஏற்படுகிறது. இதில் நாம் காணக்கூடிய மிகவும் பொதுவான அமைதியான நிலைகளில் ஒன்றாக மது அல்லாத கொழுப்பு கல்லீரல் நோய் (NAFLD) அமைகிறது. ஆனால் இதற்கும், மதுவிற்கும் எந்த தொடர்பும் இல்லை. இந்த கல்லீரல் கொழுப்பு நோய்க்கு உதவும் வகையில் அன்றாட உணவுமுறையில் சில மாற்றங்களைச் சேர்க்கலாம்.
கொழுப்பு கல்லீரல் நோய் காரணங்கள்
பெரும்பாலும் உடல் பருமன், இன்சுலின் எதிர்ப்பு, அதிக கொழுப்பு மற்றும் வகை 2 நீரிழிவு போன்ற நிலைமைகளுடன் மது அல்லாத கொழுப்பு கல்லீரல் நோய் ஏற்படுகிறது. அதாவது உடல் பருமன் காரணமாக குறிப்பாக, இடுப்பைச் சுற்றி கொழுப்பு சேரும் போது இந்த கொழுப்பு கல்லீரல் நோய் உண்டாகிறது. மேலும் உயர் இரத்த அழுத்தம், அதிக கொழுப்பு போன்றவை கொழுப்பு கல்லீரல் நோய்க்கான ஆபத்து காரணிகள் ஆகும். இந்த வளர்சிதை மாற்ற செயலிழப்பு-தொடர்புடைய ஸ்டீட்டோடிக் கல்லீரல் நோயானது கல்லீரலில் கொழுப்பு இருப்பதால் வகைப்படுத்தப்படுகிறது. ஆனால் குறிப்பிடத்தக்க வீக்கம் அல்லது கல்லீரல் சேதம் இல்லாமல் இது ஏற்படலாம். பொதுவாக, இது கடுமையான சிக்கல்களை ஏற்படுத்தும் அளவுக்கு முன்னேறாது.
இந்த பதிவும் உதவலாம்: பேரீச்சம்பழத்தை இப்படி சாப்பிட்டு பாருங்க.. குடல், கல்லீரல் ஆரோக்கியத்திற்கு ரொம்ப உதவும்
இதில் கல்லீரல் ஆரோக்கியத்தை பராமரிப்பதற்கு ஹார்வர்ட் மற்றும் ஸ்டான்ஃபோர்டில் பயிற்சி பெற்ற இரைப்பை குடல் நிபுணரான மருத்துவர் சௌரப் சேத்தி அவர்கள் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.
கல்லீரல் ஆரோக்கியத்தை மேம்படுத்த உதவும் சிற்றுண்டிகள்
நிபுணர் அவர்கள், “கல்லீரல் ஆரோக்கியத்தை மேம்படுத்த நீங்கள் சாப்பிடக்கூடிய நான்கு சிற்றுண்டிகள், நான் ஒரு கல்லீரல் நிபுணராக வாரந்தோறும் இவற்றை சாப்பிடுகிறேன். உலகளவில் சுமார் இரண்டு பில்லியன் மக்கள் பாதிக்கப்படுகின்றனர்” என்று தனது பதிவைத் தொடங்கினார்.
மேலும், கொழுப்பு கல்லீரல் நோய்க்கு மோசமான உணவு முறை மிகப்பெரிய காரணங்களில் ஒன்றாகும் என நிபுணர் பகிர்ந்துள்ளார். அதனைத் தொடர்ந்து கொழுப்பு கல்லீரல் நோய்க்கு உதவக்கூடிய நான்கு சிற்றுண்டிகள் குறித்து பகிர்ந்துள்ளார். அதைப் பற்றி இங்குக் காண்போம்.
பேரீச்சம்பழம் மற்றும் வால்நட்ஸ்
நிபுணரின் கூற்றுப்படி, “முதலாவதாக, பேரீச்சம்பழம் ஒரு ஆக்ஸிஜனேற்ற சக்தியாகும். இதை விரைவான மற்றும் ஆரோக்கியமான சிற்றுண்டிக்காக ஒமேகா-3 கொழுப்பு அமிலங்கள் நிறைந்த வால்நட்ஸ் உடன் இணைக்கிறேன்” என குறிப்பிட்டுள்ளார். பேரீச்சம்பழத்தில் உள்ள ஆக்ஸிஜனேற்ற சக்தி வீக்கம் மற்றும் ஆக்ஸிஜனேற்ற அழுத்தத்தைக் குறைக்க உதவுகிறது. மேலும் இதை வால்நட்ஸ் உடன் சேர்ப்பது என்சைம் அளவை மேம்படுத்த உதவுகிறது. இவை கல்லீரல் கொழுப்பு நோய்க்கு மிகுந்த நன்மை பயக்கும்.
நட்ஸ் கலந்த டார்க் சாக்லேட்டுகள்
அடுத்ததாக, கல்லீரல் ஆரோக்கியத்திற்கு இன்றியமையாத வைட்டமின் E ஐ வழங்கும் நட்ஸ் வகைகள் மற்றும் டார்க் சாக்லேட்டை நிபுணர் பரிந்துரைக்கிறார். இந்த டார்க் சாக்லேட்டுகள் கல்லீரல் நன்மைகளைக் கொண்டுள்ளது. ஒரு சுவையான மற்றும் இனிப்பு விருந்துக்காக கலப்பு கொட்டைகளுடன் டார்க் சாக்லேட்டை இணைக்கிறேன் என குறிப்பிட்டுள்ளார். டார்க் சாக்லேட்டில் ஆன்டி ஆக்ஸிடன்ட்டுகள் நிறைந்துள்ளது. இவை கல்லீரல் பாதிப்பைக் குறைக்கவும், இன்சுலின் உணர்திறனை மேம்படுத்தவும் உதவுகிறது. டார்க் சாக்லேட்டில் சர்க்கரை மற்றும் கொழுப்பு அதிகமாக இருப்பதால், மிதமான அளவில் நட்ஸ் கலந்த டார்க் சாக்லேட்டை உட்கொள்வது நல்லது.
இந்த பதிவும் உதவலாம்: நைட் தூங்கும் முன் டேட்ஸ் சாப்பிடுவதால் என்னென்ன நன்மைகள் கிடைக்கும் தெரியுமா? இது தெரிஞ்சா நீங்களும் சாப்பிடுவீங்க
ஆப்பிள், இலவங்கப்பட்டை மற்றும் தேன்
மூன்றாவதாக, ஆப்பிள் மற்றும் இலவங்கப்பட்டையுடன் இணைக்கப்பட்ட தேன் உட்கொள்வது நன்மை பயக்கும் என கூறுகிறார். ஆப்பிள்கள் குடல் மற்றும் கல்லீரல் இரண்டிற்கும் உதவும் ஒரு சூப்பர் பழமாகும். குறிப்பாக குழந்தைகள் இந்த சிற்றுண்டியை விரும்புகிறார்கள் எனக் குறிப்பிட்டுள்ளார். ஆப்பிள்களில் உள்ள பெக்டின் என்ற கரையக்கூடிய நார்ச்சத்துக்கள், குடல் பாக்டீரியாக்களுக்கு உணவளிக்கிறது மற்றும் கொழுப்புகளுடன் பிணைக்கிறது. மேலும் அவற்றை வெளியேற்ற உதவுகிறது.
பெர்ரிகளுடன் கிரேக்க தயிர்
நான்காவதாக, குடல் மற்றும் கல்லீரலுக்கு புரோபயாடிக்குகள் மற்றும் ஆக்ஸிஜனேற்றிகளின் கலவையை வழங்கும் பெர்ரிகளுடன் கிரேக்க தயிர் குடல் ஆரோக்கியத்திற்கு உதவும் என நிபுணர் கூறியுள்ளார். கிரேக்க தயிரில் உள்ள புரதம் மற்றும் புரோபயாடிக்குகள் கல்லீரலின் ஆரோக்கியத்தை மேம்படுத்த உதவுகிறது. மேலும் பெர்ரிகள் ஆன்டிஆக்ஸிடன்ட்கள் நிறைந்தவையாகும். இவை கல்லீரல் ஆரோக்கியத்திற்கு நன்மை பயக்கும். இந்த கலவை ஊட்டச்சத்து நிறைந்த சிற்றுண்டியாகவும் அமைகிறது.
பொறுப்புத்துறப்பு
இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.
இந்த பதிவும் உதவலாம்: எகிறும் சுகர் லெவலைக் கட்டுக்குள் வைக்க இந்த ஸ்நாக்ஸ் நீங்க சாப்பிடலாம்.. நிபுணர் சொன்னது
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
