சருமம் சும்மா பளபளப்பா இருக்க முலேத்தியை இப்படி யூஸ் பண்ணி பாருங்க.. தெளிவான சருமம் கிடைக்கும்

How to use mulethi for natural acne relief and skin care: இன்றைய காலகட்டத்தில் ஆரோக்கியமற்ற உணவுமுறை மற்றும் மோசமான வாழ்க்கை முறை காரணமாக, பலரும் பல்வேறு பிரச்சனைகளை எதிர்கொள்கின்றனர். இதில் சருமம் சார்ந்த பிரச்சனைகளும் அடங்குகிறது. முகப்பரு, வடுக்கள், அரிப்பு, எரிச்சல், கரும்புள்ளிகள், மென்மையான கோடுகள் மற்றும் இன்னும் பல்வேறு சருமம் தொடர்பான பிரச்சனைகளைச் சந்திக்க நேரிடலாம். இந்த பிரச்சனைகளுக்குப் பின்னால் பல்வேறு காரணங்கள் இருக்கலாம். மேலும் இதிலிருந்து விடுபட பலரும் சந்தைகளில் கிடைக்கும் ரசாயனங்கள் கலந்த சருமபராமரிப்புப் பொருள்களை வாங்கி பயன்படுத்துவர்.

ஆனால், இதற்கு சிறந்த தீர்வாக, நம் வீடுகளில் கிடைக்கும் எளிமையான வீட்டு வைத்தியங்களைக் கையாளலாம். அவ்வாறு, முகப்பரு பிரச்சனையிலிருந்து நிவாரணம் பெற அதிமதுரம் பெரிதும் உதவுகிறது. ஆயுர்வேத மூலிகைகளில் ஒன்றான அதிமதுரம் பல ஊட்டச்சத்துக்கள் மற்றும் பண்புகளைக் கொண்டதாகும். இதை உட்கொள்வது பல்வேறு ஆரோக்கிய நன்மைகளை வழங்குகிறது. ஆனால் இது சருமத்திற்கும் பல நன்மைகளை வழங்குகிறது. ஆனால் இதை எவ்வாறு சருமத்திற்குப் பயன்படுத்த வேண்டும் என்பது பலருக்கும் தெரியாது.

இந்த பதிவும் உதவலாம்: இந்த பிரச்சனை உள்ளவர்கள் தவறுதலாகவும் முலேத்தியை எடுத்துக்காதீங்க.. நிபுணரின் அறிவுரை

இதில் சருமத்திற்கு அதிமதுரம் தரும் நன்மைகள் மற்றும் அதை எவ்வாறு பயன்படுத்துவது என்பது குறித்து யோகா, இயற்கை மருத்துவம், ஊட்டச்சத்து மற்றும் ஆயுர்வேத நிபுணர், மேவார் பல்கலைக்கழகத்தின் பேராசிரியர் மற்றும் ஜெய்ப்பூரில் உள்ள பாபுநகரில் உள்ள இயற்கை மருத்துவ மருத்துவமனையின் மூத்த மருத்துவர் டாக்டர் கிரண் குப்தா அவர்கள் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.

சருமத்திற்கு அதிமதுரம் தரும் நன்மைகள்

டாக்டர் கிரண் குப்தா அவர்களின் கூற்றுப்படி, ஆயுர்வேத மூலிகையான அதிமதுரம் பல்வேறு மருத்துவ குணங்களைக் கொண்டுள்ளது. இதில் அழற்சி எதிர்ப்பு, ஆக்ஸிஜனேற்ற எதிர்ப்பு, நுண்ணுயிர் எதிர்ப்பு, பாக்டீரியா எதிர்ப்பு மற்றும் வைரஸ் எதிர்ப்பு போன்ற பண்புகள் நிறைந்துள்ளது. இதைப் பயன்படுத்துவது சருமத்தை ஆரோக்கியமான முறையில் பராமரிக்க உதவுகிறது. மேலும் இதை சரியாகப் பயன்படுத்துவது முக்கியமாகும்.

முகப்பரு பிரச்சனைகளில் இருந்து நிவாரணம் அளிக்க

அதிமதுரம் பாக்டீரியா எதிர்ப்பு பண்புகளைக் கொண்ட மூலிகையாகும். இதைப் பயன்படுத்துவது சருமத்தை பாக்டீரியா தொற்றுகளிலிருந்து பாதுகாக்கவும், வீக்கத்தைக் குறைக்கவும், முகப்பருவைத் தடுக்கவும் உதவுகிறது, இதன் மூலம் ஆரோக்கியமான சருமத்தைப் பெறலாம்.

சருமத்தை பளபளப்பாக்க

அதிமதுரம் ஆக்ஸிஜனேற்ற பண்புகளைக் கொண்டுள்ளது. இதைப் பயன்படுத்துவது இரத்தத்தை நச்சு நீக்கவும், சருமத்தில் ஏற்படும் எரிச்சல் மற்றும் பிற சரும பிரச்சினைகளைப் போக்கவும் உதவுகிறது. மேலும் இது ஆரோக்கியமான மற்றும் பளபளப்பான சருமத்தை பராமரிக்கவும் உதவுகிறது.

சருமத்தை ஈரப்பதமாக்க

அதிமதுரம் அழற்சி எதிர்ப்பு மற்றும் ஆக்ஸிஜனேற்ற பண்புகளைக் கொண்டதாகும். இதைப் பயன்படுத்துவது இயற்கையாகவே சருமத்தை ஈரப்பதமாக்குகிறது. மேலும் இது ஆரோக்கியமான சருமத்தை பராமரிக்க உதவுகிறது. அது மட்டுமல்லாமல், வறட்சியைக் குறைக்கவும் உதவுகிறது.

இந்த பதிவும் உதவலாம்: Mulethi Benefits: சளி, இருமல் காணாமல் போக அதிமதுரத்தை இப்படி பயன்படுத்தி பாருங்க.

கறைகளை அகற்றுவதற்கு

அதிமதுரம் ஆக்ஸிஜனேற்ற, பாக்டீரியா எதிர்ப்பு மற்றும் அழற்சி எதிர்ப்பு பண்புகளைக் கொண்டுள்ளதாக இருப்பதால், இவை கறைகளைக் குறைக்கவும், சருமத்தை சரிசெய்யவும், ஆரோக்கியமான சருமத்தை பராமரிக்கவும் உதவுகிறது.

சருமத்திற்கு அதிமதுரத்தை எவ்வாறு பயன்படுத்துவது?

ஒரு தேக்கரண்டி அளவிலான அதிமதுரம் பொடியை ரோஸ் வாட்டருடன் கலந்து ஒரு பேஸ்ட் தயார் செய்யலாம். அதை சருமத்தில் தடவி 10 நிமிடங்கள் அப்படியே வைக்க வேண்டும். பின்னர் முகத்தைக் கழுவி விடலாம். இவ்வாறு செய்வதன் மூலம் சருமத்திற்குத் தேவையான பல்வேறு நன்மைகளைப் பெறலாம்.

முடிவுரை

அதிமதுரம் மருத்துவ குணங்களைக் கொண்டதாகும். சருமத்தில் இதைப் பயன்படுத்துவது இயற்கையாகவே ஆரோக்கியமான மற்றும் பளபளப்பான சருமத்தைப் பராமரிக்க உதவுகிறது. மேலும் சருமத்தை ஈரப்பதமாக்கவும், கறைகளைக் குறைக்கவும் மற்றும் முகப்பருவைக் குறைக்கவும் உதவுகிறது. இவை அனைத்தும் சருமத்திற்கு பல வழிகளில் நன்மை பயக்கும். எனினும் சருமத்திற்கு இதைப் பயன்படுத்துவதற்கு முன்பாக ஒரு பேட்ச் டெஸ்ட் செய்ய வேண்டும் என்பதை நினைவில் கொள்ள வேண்டும். மேலும், ஏதேனும் ஒவ்வாமை எதிர்வினைகள் இருந்தால், இதைப் பயன்படுத்துவதற்கு முன்பாக, மருத்துவரை அணுகி ஆலோசனை பெற வேண்டும்.

இந்த பதிவும் உதவலாம்: Mulethi for skin: தங்கம் போன்ற மினுமினுப்பான சருமத்திற்கு முலேத்தி பவுடரை இப்படி யூஸ் பண்ணுங்க

Image Source: Freepik