ஆண்களுக்கு ஏற்படும் உடல்நலப் பிரச்சனைகளும், அதை சரி செய்யும் முறைகளும்.. நிபுணரின் விளக்கம்

இன்றைய காலத்தில் மோசமான வாழ்க்கைமுறை மற்றும் ஆரோக்கியமற்ற உணவுமுறை காரணமாக, பலரும் பல்வேறு பிரச்சனைகளைச் சந்திக்கின்றனர். மனித உடலுக்கு நீண்ட ஆயுளுக்கும், சிறந்த வாழ்க்கைத் தரத்திற்கும் வழக்கமான பராமரிப்பு தேவைப்படுகிறது. விழிப்புணர்வு இல்லாமை, பரபரப்பான வாழ்க்கை, போதுமான சுகாதாரக் கல்வி மற்றும் ஆரோக்கியமற்ற தனிப்பட்ட மற்றும் வேலை வாழ்க்கை முறை போன்ற பல்வேறு காரணங்களால் ஆண்கள் பெரும்பாலும் உடல்நலப் பிரச்சினைகளைப் புறக்கணிக்கின்றனர். இந்நிலையில், ஆரம்பகால கண்டறிதல் மற்றும் சிகிச்சை எப்போதும் உடல் மற்றும் மன ஆரோக்கிய சவால்களுக்கு நல்ல ஆலோசனையாகக் கருதப்படுகிறது.

இதில் ஆண்கள் தெரிந்து கொள்ள வேண்டிய பொதுவான ஆண் உடல்நலப் பிரச்சினைகள் குறித்தும், அதை இயற்கையாகவே குணப்படுத்தும் முறைகள் குறித்தும் ஹார்மோன் மற்றும் குடல் ஆரோக்கிய பயிற்சியாளரும், ஊட்டச்சத்து நிபுணருமான மன்பிரீத் கல்ரா அவர்கள் தனது இன்ஸ்டாகிராம் பக்கத்தில் குறிப்பிட்டுள்ளார். அதைப் பற்றி இங்குக் காண்போம்.

நிபுணரின் கருத்து

நிபுணர் தனது பக்கத்தில் “நீங்கள் தொடர்ந்து சோர்வாக இருந்தால், சீக்கிரமாக முடி உதிர்ந்தால், அல்லது கவனம் மற்றும் ஆற்றலுடன் போராடினால் - நீங்கள் தனியாக இல்லை” என்று தனது பதிவைத் தொடங்குகிறார். அதனைத் தொடர்ந்து, நவீன வாழ்க்கை முறை, மோசமான ஊட்டச்சத்து மற்றும் நாள்பட்ட மன அழுத்தம் ஆகியவை இந்த ஆண்களின் உடல்நல சவால்களுக்கு முக்கிய பங்களிப்பாகும் என்று கூறியுள்ளார். மேலும் அவர், ஆண்கள் எதிர்கொள்ளும் 7 உண்மையான பிரச்சினைகள் மற்றும் உண்மையில் செயல்படும் அறிவியல் ஆதரவு பெற்ற இயற்கை ஊட்டச்சத்து தீர்வுகள் குறித்து விளக்கியுள்ளார்.

இந்த பதிவும் உதவலாம்: ஆண்களின் கருத்தரிப்புத் திறனை அமைதியாக பாதிக்கும் 3 பழக்கங்கள் – நிபுணர் எச்சரிக்கை

ஆண்கள் சந்திக்கும் உடல்நலப் பிரச்சனைகளும், அதற்கான தீர்வுகளும்

1. குறைந்த டெஸ்டோஸ்டிரோன் அல்லது ஆற்றல் குறைவு

ஆண்களுக்கு குறைந்த ஆற்றல் அல்லது குறைந்த டெஸ்டோஸ்டிரோன் ஏற்படுவதற்கு ஏராளமான காரணங்கள் இருக்கலாம். அதன் படி, நாள்பட்ட மன அழுத்தம், மோசமான தூக்கம், துத்தநாகக் குறைபாடு போன்றவை இந்த பிரச்சனைக்கு முக்கிய காரணமாக அமைகிறது.

சரி செய்வதற்கான வழிகள்

இந்த குறைந்த டெஸ்டோஸ்டிரோன் பிரச்சனைகளிலிருந்து விடுபட பூசணி விதைகள், மட்டி, முட்டைகள் போன்ற துத்தநாகம் நிறைந்த உணவுகளைச் சேர்க்க வேண்டும். மேலும், இதனுடன் நெய் மற்றும் கொட்டைகள் போன்ற ஆரோக்கியமான கொழுப்புகள் நிறைந்தவற்றைச் சேர்க்கலாம்.

2. ஆரம்பகால முடி உதிர்தல் அல்லது மெலிதல்

ஆண்கள் பலரும் சந்திக்கும் பொதுவான பிரச்சனைகளில் ஒன்றாக ஆரம்பகால முடி உதிர்தல் / மெலிதல் பிரச்சனை அடங்குகிறது. இதற்கு DHT உணர்திறன் அல்லது ஊட்டச்சத்து இடைவெளிகள் காரணமாக இருக்கலாம்.

சரிசெய்வதற்கான வழிகள்

Saw palmetto-வைப் பயன்படுத்த நிபுணர் பரிந்துரைக்கிறார். பூசணி விதைகள் மற்றும் ஒமேகா-3 நிறைந்த சியா விதைகள், மீன் போன்றவற்றை சாப்பிட நிபுணர் கூறுகிறார்.

3. மோசமான தூக்கம் அல்லது அமைதியின்மை

ஆண்கள் பெரும்பாலும் இரவு நேர தூக்கமின்மை மற்றும் மனம் அமைதியின்மையால் போராடுகின்றனர். இது குறைந்த மெக்னீசியம் மற்றும் அதிகப்படியான தூண்டுதல் உள்ளிட்ட காரணங்களால் ஏற்படுகிறது.

சரிசெய்வதற்கான வழிகள்

இந்த பிரச்சனைகளைச் சரி செய்ய, செரோடோனின் மற்றும் மெலடோனின் ஆகியவற்றை ஆதரிக்க வேண்டும். இதற்கு படுக்கைக்கு முன்பாக, வாழைப்பழம் மற்றும் பாதாம் சாப்பிடலாம்.

இந்த பதிவும் உதவலாம்: Men Health: எச்சரிக்கை…ஆண்களை பாதிக்கும் ஹார்மோன் மாற்றம்; அறிகுறிகள் இதோ!

4. தொப்பையைச் சுற்றி எடை

பெரும்பாலானோர் உடல் எடை அதிகரிப்பு பிரச்சனையைச் சந்திக்கும் நிலை ஏற்படுகிறது. குறிப்பாக, தொப்பையைச் சுற்றி எடை அதிகரிப்பது பொதுவானதாக மாறிவிட்டது. இது அதிக கார்டிசோல் மற்றும் இன்சுலின் எதிர்ப்பு காரணமாக ஏற்படலாம்.

சரிசெய்வதற்கான வழிகள்

இதற்கு புரதம் மற்றும் நார்ச்சத்து உட்கொள்ளலை அதிகரிக்க வேண்டும். மேலும், இரவு நேர கார்போஹைட்ரேட்டுகளைக் குறைக்கலாம். இலவங்கப்பட்டை சேர்ப்பது நன்மை பயக்கும்.

View this post on Instagram

A post shared by Dt Manpreet Kalra | Hormone and Gut Health Coach | (@dietitian_manpreet)

5. குறைந்த லிபிடோ அல்லது செயல்திறன் சிக்கல்கள்

இது ஏற்படுவதற்கான முக்கிய காரணங்களாக, மோசமான இரத்த ஓட்டம் அல்லது அதிக மன அழுத்தம் அமைகிறது. எனினும், இதை சில உணவுகள் மூலம் சரிசெய்யலாம்.

சரிசெய்வதற்கான வழிகள்

பீட்ரூட் போன்ற நைட்ரேட் நிறைந்த உணவுகள், ஒமேகா-3 மற்றும் டார்க் சாக்லேட் போன்றவற்றைச் சேர்ப்பது நன்மை பயக்கும்.

6. மூளை மூடுபனி அல்லது மோசமான கவனம்

இவை வைட்டமின் B12 அல்லது ஒமேகா-3 குறைபாட்டால் ஏற்படக்கூடிய பிரச்சனைகளாகும்.

சரிசெய்வதற்கான வழிகள்

இதை சரி செய்ய, விலங்கு உணவுகள் அல்லது லோசன்களில் இருந்து B12 ஐச் சேர்க்கலாம். இது தவிர, வால்நட்ஸ் மற்றும் கொழுப்பு நிறைந்த மீன்கள் போன்றவற்றையும் எடுத்துக் கொள்ள வேண்டும்.

7. பதட்டம் அல்லது எரிச்சல்

மன அழுத்தத்தை எதிர்கொள்ள உதவும் ஹார்மோனான கார்டிசோல் ஏற்றத்தாழ்வின் காரணமாக பதட்டம் மற்றும் எரிச்சலைச் சந்திப்பர். மேலும் ஒமேகா-3 குறைபாடு காரணமாகவும் பதட்டத்தை சந்திக்கும் நிலை ஏற்படலாம்.

சரிசெய்வதற்கான வழிகள்

இதைத் தவிர்க்க, ஆளி விதைகள், சியா விதைகள் மற்றும் வால்நட்ஸ் போன்றவற்றை அன்றாட உணவில் சேர்க்க வேண்டும். இவை இயற்கை கார்டிசோல் சீராக்கிகளாகக் கருதப்படுகிறது.

இந்த பதிவும் உதவலாம்: Masturbation: சுயஇன்பம் ஆண்களின் ஆரோக்கியத்தை பாதிக்குமா? மருத்துவர் விளக்கம்

Image Source: Freepik