இன்றைய நவீன காலத்தில் பலரும் பல வகையான உடல்நலப் பிரச்சனைகளைச் சந்திக்கும் நிலை ஏற்படுகிறது. இதில் வலிப்பு பிரச்சனையும் அடங்குகிறது. பொதுவாக, வலிப்பு என்ற வார்த்தையைக் கேட்டலே நாம் பயப்படுகிறோம். ஏனெனில், இது ஒரு பொதுவான பிரச்சனை கிடையாது. குறிப்பாக, ஒரு குழந்தைக்கு வலிப்பு நோய் இருந்தால், அது அவர்களின் மூளை செயல்பாட்டில் ஒருவித அசாதாரணம் ஏற்பட்டிருப்பதைக் குறிக்கிறது. குழந்தைகளுக்கு வலிப்பு ஆனது மூளை தொற்று, தலையில் காயங்கள், அதிக காய்ச்சல் அல்லது மரபணு காரணிகள் போன்ற பல்வேறு காரணங்களால் ஏற்படலாம்.
மேலும், குறைந்த சோடியம் அல்லது இரத்த சர்க்கரை அளவு காரணமாகவும் வலிப்பு ஏற்பட அதிக வாய்ப்புள்ளது. எனினும், இது எந்த குழந்தைக்கும் ஏற்படக் கூடியதாகும். எனவே, ஒவ்வொரு பெற்றோரும் தங்கள் குழந்தையின் ஆரோக்கியத்தைக் கண்காணித்து, குழந்தைக்கு வலிப்பு ஏற்பட்டால் உடனடியாக என்ன செய்ய வேண்டும் என்பதை அறிந்து கொள்வது மிகவும் முக்கியமாகும். இது குறித்து, நொய்டாவின் செக்டார் 27 இல் உள்ள கைலாஷ் மருத்துவமனையில் சீனியர் ஆலோசகர் குழந்தை மருத்துவர் டாக்டர் அங்கூர் சாவ்லா அவர்கள் சில தகவல்களைப் பகிர்ந்துள்ளார்.
இந்த பதிவும் உதவலாம்: Epilepsy causes and treatment: வலிப்பு நோய்க்கான காரணங்கள், விளைவுகள் மற்றும் சிகிச்சை முறை குறித்து மருத்துவர் தரும் விளக்கம்
குழந்தைக்கு வலிப்பு ஏற்பட்டால் என்ன செய்வது?
பாதுகாப்பாக கவனித்துக் கொள்வது
மருத்துவரின் கூற்றுப்படி, "சில நேரங்களில், ஒரு குழந்தைக்கு வலிப்பு ஏற்பட்டு அவர்களின் தலை அல்லது உடலின் சில பகுதிகளுக்கு காயம் ஏற்படுகிறது. இது மிகவும் கடுமையானதாக இருக்கலாம். இது நிகழாமல் தடுக்க, வலிப்புத் தாக்கத்தின் போது குழந்தையை தரையில் படுக்க வைக்க முயற்சி செய்ய வேண்டும். மேலும், காயத்தின் அபாயத்தைக் குறைக்க அவர்களைச் சுற்றி கூர்மையான பொருட்கள் வைத்திருப்பதைத் தவிர்க்க வேண்டும். குறிப்பாக, குழந்தையின் தலையின் பாதுகாப்பில் கவனம் செலுத்த வேண்டும்." என்று கூறினார்.
மனதை அமைதியாக வைத்திருப்பது
"ஒரு குழந்தைக்கு வலிப்பு நோய் வரும்போது, பெற்றோர்கள் பயமடைந்து என்ன செய்வது என்று தெரியாமல் தவிப்பார்கள். இந்த சூழ்நிலையில், பீதி அடையாமல் அமைதியாக இருக்க முயற்சி செய்ய வேண்டும். இதில் நீங்கள் அமைதியாக இருக்கும்போது, குழந்தைக்கு முழுமையாக ஆதரவளிக்க வேண்டும். தேவைப்பட்டால், அவரை மருத்துவரிடம் அழைத்துச் செல்லவும் முடியும்" என்று டாக்டர் அங்கூர் சாவ்லா அறிவுறுத்துகிறார்.
நேரத்தைக் கவனிப்பது
ஒரு குழந்தையின் வலிப்புத்தாக்கங்களின் கால அளவைக் கவனிப்பது மிகவும் முக்கியமாகக் கருதப்படுகிறது. பெற்றோர்கள் மருத்துவரிடம் துல்லியமான தகவல்களை வழங்க வேண்டும். மேலும், குழந்தையின் சிகிச்சைக்கு உதவவும் இது மிகவும் முக்கியமானதாகும். எனினும், வலிப்புத் தாக்கம் ஏற்படும் போது பெற்றோர்கள் தங்கள் குழந்தையின் வாயில் எதையும் வைப்பதில் கவனமாக இருப்பதும் முக்கியமாகும். ஏனெனில், இது ஆபத்தானதாக மாறலாம்.
இந்த பதிவும் உதவலாம்: மூளைக் கட்டி உணர்த்தும் அறிகுறிகள்
துணிகளைத் தளர்த்துவது
"ஒரு குழந்தைக்கு வலிப்பு நோய் ஏற்படும்போது, பெற்றோர் உடனடியாக தங்கள் ஆடைகளைத் தளர்த்த வேண்டும். ஏனெனில், இது குழந்தை சுவாசிக்க எளிதாக்குவதுடன், வலிப்புத் தாக்கத்தின் போது ஏதேனும் அசம்பாவிதங்கள் ஏற்படும் அபாயத்தைக் குறைக்கிறது. மேலும், குழந்தையின் கழுத்தை நேராக வைத்திருக்க வேண்டும். இதன் மூலம், காற்றுப்பாதைகள் தெளிவாக இருக்கும். மேலும் வலிப்புத் தாக்கத்தின் போது குழந்தைக்கு சுவாசிப்பதில் சிரமம் இருக்காது. இந்த சமயத்தில், குழந்தையின் முகத்தின் நிறத்தை பெற்றோர்கள் கவனிக்க வேண்டியது அவசியமாகும். அதே சமயம், குழந்தையின் முகம் நீல நிறமாக மாறினால், அது ஒரு நல்ல அறிகுறியாக இருக்காது" என்று கூறுகிறார்.
மருத்துவரைத் தொடர்பு கொள்வது
குழந்தைக்கு வலிப்பு ஏற்பட்டால் உடனடியாக மருத்துவரைத் தொடர்பு கொள்ள வேண்டும். வலிப்புத்தாக்கத்தின் போது குழந்தையின் உடலில் ஏற்படும் ஏதேனும் மாற்றங்களைக் கவனிக்க வேண்டும். அவர்களின் முக நிறம் மாறிவிட்டதா, அல்லது இதுபோன்ற வேறு ஏதேனும் முக்கியமான காரணிகளா என்பதைக் கவனிப்பது அவசியம். மருத்துவர் கேட்கும் ஒவ்வொரு கேள்விக்கும் பதிலளிக்க வேண்டும். இது குழந்தையின் சிகிச்சைக்கு உதவுகிறது. கூடுதலாக, குழந்தைக்கு வேறு ஏதேனும் அடிப்படை உடல்நலப் பிரச்சினைகள் இருந்தால் மருத்துவரிடம் தெரிவிக்க வேண்டும்.
முடிவுரை
எனவே, குழந்தைக்கு வலிப்பு இருந்தால், அதை லேசாக எடுத்துக் கொள்வதோ அல்லது குழந்தையின் உடல்நலம் குறித்து அலட்சியமாக இருப்பதோ கூடாது. குழந்தைக்கு வலிப்பு ஏற்பட்டவுடன், மேலே உள்ள குறிப்புகளை உடனடியாகப் பின்பற்ற வேண்டும். குழந்தைக்கு 5 நிமிடங்களுக்கு மேல் வலிப்பு இருந்தால், அது ஒரு நல்ல அறிகுறியாக இருக்காது. இதைப் பற்றிய பெரிய அல்லது சிறிய ஒவ்வொரு விவரத்தையும் விளக்க பெற்றோர்கள் உங்கள் மருத்துவரை அணுக வேண்டும்.
இந்த பதிவும் உதவலாம்: வலிப்பு வந்தா என்ன பண்ணனும் தெரியுமா.? மருத்துவர் விளக்கம்..
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
-
Current Version
Nov 05, 2025 21:48 IST
Published By : கௌதமி சுப்ரமணி
