What foods help clear kidneys: உடலில் உள்ள உறுப்புகள் ஒவ்வொன்றும் ஆரோக்கியமான உடல் செயல்பாடுகளில் முக்கிய பங்கு வகிக்கிறது. அதில் ஒன்றாக கிட்னியும் அமைகிறது. ஆனால், ஆரோக்கியமற்ற உணவுமுறை மற்றும் மோசமான வாழ்க்கை முறை காரணமாக சிறுநீரக பாதிப்பு ஏற்படலாம் என்பது உங்களுக்குத் தெரியுமா? குறிப்பாக, உணவுமுறைகள் கிட்னி ஆரோக்கியத்தில் முக்கிய பங்கு வகிக்கிறது. அதன் படி, அதிக ஊட்டச்சத்துக்கள் மற்றும் அதிக நீர் உள்ளடக்கம் நிறைந்தவற்றை எடுத்துக் கொள்வது சிறுநீரக ஆரோக்கியத்தை பராமரிப்பதில் முக்கிய பங்கு வகிக்கிறது. இவை வீக்கம் மற்றும் ஆக்ஸிஜனேற்ற அழுத்தத்தைக் குறைக்க உதவுகிறது. இவை இரண்டுமே சிறுநீரக செயல்பாட்டை எதிர்மறையாக பாதிக்கும் காரணிகள் ஆகும்.
சில பழங்களை உட்கொள்வது செரிமான ஆரோக்கியத்திற்கும், இரத்த சர்க்கரை அளவைக் கட்டுப்படுத்தவும் உதவுகிறது. இறுதியில் இவை சிறுநீரக செயல்பாட்டை ஆதரிக்கிறது. கூடுதலாக, இயற்கையான நீரேற்றம் பண்புகள் நச்சுகளை வெளியேற்றவும், திரவ சமநிலையை பராமரிக்கவும் உதவுகிறது. ஒரு சுத்தமான சிறுநீரக அமைப்பு எலக்ட்ரோலைட் அளவைப் பராமரிக்கவும், முறையான இரத்த அழுத்தம், சரும ஆரோக்கியம் மற்றும் நோய் எதிர்ப்பு சக்தியை மேம்படுத்த உதவுகிறது. இவை சிறுநீரக நோய் அபாயத்தைக் குறைக்க உதவுகிறது. இயற்கையாகவே சிறுநீரகங்களின் ஆரோக்கியம் மற்றும் செயல்பாட்டை அதிகரிக்க சில பழங்கள் உதவுகிறது.
இந்த பதிவும் உதவலாம்: Pomegranate For Kidney: சிறுநீரக நோயாளிகள் மாதுளை சாப்பிடலாமா? அது நல்லதா?
சிறுநீரகத்தை சுத்தம் செய்ய உதவும் பழங்கள்
சில ஆரோக்கியமான பழங்களின் உதவியுடன் கிட்னியை சுத்தமாக மற்றும் ஆரோக்கியமாக வைத்திருக்க முடியும்.
ஆப்பிள்கள்
ஆப்பிள்களில் நார்ச்சத்து மற்றும் வைட்டமின் சி சத்துக்கள் நிறைந்துள்ளது. இது சிறுநீரகத்தின் செயல்பாட்டை ஆதரிக்கவும், சிறுநீரக நோய்களின் அபாயத்தைக் குறைக்கவும் உதவுகிறது. மேலும், இவை கொலஸ்ட்ரால் மற்றும் இரத்த சர்க்கரையை குறைக்க உதவுவதாகக் கூறப்படுகிறது. இவ்வாறு சிறுநீரக ஆரோக்கியத்தை ஆதரிக்க உதவுகிறது.
கிரான்பெர்ரி
கிரான்பெர்ரியில் புரோந்தோசயனிடின்கள் நிறைந்து காணப்படுகிறது. இந்த புரோந்தோசயனிடின்கள் ஆரோக்கியமான சிறுநீரகங்களை மேம்படுத்த உதவும் சக்திவாய்ந்த ஆக்ஸிஜனேற்றிகளாகும். இது தவிர, சிறுநீரக செயல்பாட்டின் குறிப்பான சிஸ்டாடின் சி என்ற புரதத்தின் அளவை கிரான்பெர்ரி குறைகிறது.
எலுமிச்சை
எலுமிச்சையில் சிட்ரிக் அமிலம் நிறைந்து காணப்படுகிறது. இவை அடிக்கைட் சிறுநீர் கழிப்பதை ஊக்குவித்து, உடலில் சிறுநீரக கற்கள் அதிகரிக்கப்படுவது தடுக்கப்படுகிறது. மேலும், எலுமிச்சையில் நிறைந்துள்ள ஆரோக்கியமான பண்புகள் உடலிலிருந்து அனைத்து வகையான நச்சுகளையும் அகற்ற உதவுகிறது.
இந்த பதிவும் உதவலாம்: பித்தப்பை கற்களால் அவதியா? இந்த உணவுகளைத் தொட்டு கூட பார்க்காதீங்க!
அன்னாச்சிப்பழம்
அன்னாச்சிப்பழத்தில் ப்ரோமெலைன் என்ற சேர்மம் நிறைந்து காணப்படுகிறது. இவை உடலில் உள்ள சிறுநீரக கற்களை கரைக்க, வீக்கத்தைக் குறைக்க மற்றும் சிறுநீரக ஆரோக்கியத்தை ஆதரிக்கவும் உதவுகிறது. இதன் குறைந்த பொட்டாசியம் இரத்த அழுத்தத்தைக் குறைக்க உதவுகிறது. இதில் பொட்டாசியம் கடுமையான சிறுநீரக நோயின் பொதுவான சிக்கலாகும். அன்னாச்சிப்பழம் வைட்டமின் சி ஊக்கத்தின் நல்ல ஆதாரமாக இருப்பதால், இவை உடலில் நோயெதிர்ப்புச் சக்தியை அதிகரிக்கிறது.
பெர்ரி பழங்கள்
பெர்ரி பழங்களில் ஆன்டி ஆக்ஸிடன்ட்கள் நிறைந்துள்ளது. கூடுதலாக இதில் அழற்சி எதிர்ப்புப் பண்புகள் கொண்டிருப்பதாகக் கூறப்படுகிறது. இவை சிறுநீர் பாதை நோய்த்தொற்றுகளைத் தடுக்க உதவுகிறது மற்றும் ஒட்டுமொத்த சிறுநீர் ஆரோக்கியத்தையும் மேம்படுத்த உதவுகிறது.
தர்பூசணி
தர்பூசணி ஒரு லேசான டையூரிடிக் ஆகும். இது சிறுநீரகத்தை நீரேற்றமாக வைப்பதுடன் சுத்தப்படுத்துகிறது. மேலும், இதில் உள்ள லைகோபீன் இதய ஆரோக்கியத்தை மேம்படுத்த மற்றும் சிறுநீரகங்கள் நன்கு செயல்படுவதை உறுதி செய்வதாகவும் அமைகிறது. தர்பூசணியில் உள்ள ஊட்டச்சத்துக்கள் சிறுநீரின் அமிலத்தன்மையைக் கட்டுப்படுத்தவும், கல் உருவாவதைத் தடுக்கவும் உதவுகிறது. எனவே தர்பூசணியைத் தொடர்ந்து சாப்பிடுவதன் மூலம் சிறுநீரக ஆரோக்கியத்தை மேம்படுத்தலாம்.
இவ்வாறு ஆரோக்கியமான பழங்களை உட்கொள்வதன் மூலம் சிறுநீரகத்தை சுத்தமாக மற்றும் ஆரோக்கியமாக வைத்திருக்கலாம்.
இந்த பதிவும் உதவலாம்: Kidney Stone Foods: சிறுநீரக கற்கள் இருப்பவர்கள் இந்த உணவுகளை சாப்பிடக்கூடாது!
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
