$
Essential protein foods you must eat daily: உடல் ஆரோக்கியத்தைப் பேணிப் பாதுகாக்கும் வகையில் பல்வேறு ஊட்டச்சத்துக்கள், வைட்டமின்கள் தாதுக்கள் மற்றும் புரதங்கள் போன்றவை தேவைப்படுகிறது. இவை ஒவ்வொன்றுமே உடலில் மிக முக்கியமான செயல்பாடுகளைச் செய்ய ஏதுவாக அமைகிறது. அந்த வகையில் புரதங்கள் உயிரணுக்கள் மற்றும் மனித உடலின் கட்டுமானத் தொகுதியாக விளங்குகிறது. இந்த ஊட்டச்சத்துக்கள் உணவில் மிக முக்கியமானதாகும். இது உடலில் உள்ள ஒவ்வொரு செல்லை உருவாக்கவும், பராமரிக்கவும் முக்கிய பங்கு வகிக்கிறது. புரதங்கள் செல்கள் மற்றும் தசைகளுக்கு எரிபொருளாக ஆற்றலை வழங்குகிறது.
எனவே உடல் ஆரோக்கியமாகவும், சத்தாகவும் இருக்க உணவில் தினமும் போதுமான அளவு புரதம் சேர்ப்பதை வழக்கமாக்கிக் கொள்ள வேண்டும். இது அமினோ அமிலங்களால் ஆனது. புரதங்கள் ஒரு மேக்ரோ நியூட்ரியண்ட் ஆகும். அதாவது உடல் ஆரோக்கியமாக இருக்க ஒப்பீட்டளவில் அதிகளவு தேவைப்படுகிறது. இந்த அமினோ அமிலங்களின் தேவையான அளவு உடலுக்கு வழங்கக் கூடிய பல்வேறு இயற்கையான உணவு ஆதாரங்கள் உள்ளது. இதில் நாம் சாப்பிட வேண்டிய புரதங்கள் நிறைந்த உணவுகளைக் காணலாம்.
இந்த பதிவும் உதவலாம்: Protein Rich Vegetarian Foods: எந்த சைவ உணவில் புரதம் அதிகம் உள்ளது என்று உங்களுக்கு தெரியுமா?
தினசரி சாப்பிட வேண்டிய புரத உணவுகள்
நம் அன்றாட உணவில் நாம் சேர்க்க வேண்டிய சில புரத உணவுகளைக் காணலாம்.
பால் பொருள்கள்
பால் மற்றும் பால் சார்ந்த பொருள்களில் புரதம், கால்சியம் போன்ற ஊட்டச்சத்துக்கள் நிறைந்துள்ளது. இவற்றுடன் கிரீம், வெண்ணெய், பாலாடைக்கட்டி, தயிர் போன்றவை ஒன்பது அத்தியாவசிய அமினோ அமிலங்களைக் கொண்ட புரதத்தின் சிறந்த ஆற்றல் மையமாகும். மேலும் பால் மற்றும் பால் பொருள்கள் நல்ல செரிமானம் மற்றும் குறைந்த இரத்த அழுத்த அளவை ஊக்குவிப்பதாகக் கூறப்படுகிறது. மேலும், புரதம் தசைகளை வளர்க்க மற்றும் பராமரிப்பதற்கு ஏற்றதாக அமைகிறது.
பருப்பு வகைகள்
பொதுவாக பருப்பு வகைகள் இந்தியாவில் பெரும்பாலான வீடுகளில் பயன்படுத்தப்படும் புரதங்கள் நிறைந்த உணவாகும். ஆனால், பருப்பு ஆனது வேகவைத்தல் மற்றும் பதப்படுத்துதல் போன்றவற்றைத் தவிர, இதை சுவையாகவும், ஆரோக்கியமாகவும் மாற்ற பல்வேறு வழிகள் உள்ளது. மேலும், பருப்பு வகைகளை நீங்கள் ரொட்டி, சாலட் அல்லத் பராத்தா போன்ற பல்வேறு வழிகளில் எடுத்துக் கொள்ளலாம். இன்னும் சிலர் தோசைகளைத் தயார் செய்வதற்கு பருப்புகளைப் பயன்படுத்துகின்றனர். இவை ஒரு சிறந்த ஆரோக்கியமான மற்றும் ஆற்றல் நிறைந்த காலை உணவாகக் கருதப்படுகிறது.
பீன்ஸ் மற்றும் முளைக்கட்டிய பயறுகள்
இன்று பலரது வீடுகளில் பீன்ஸ் மற்றும் முளைகட்டிய பயறு வகைகள் அன்றாடம் தேர்வு செய்யும் உணவு வகைகளில் ஒன்றாகக் கருதப்படுகிறது. ஆனால், இதை ரொட்டி போன்ற கார்போஹைட்ரேட்டுகளுடன் சமநிலைப்படுத்தாமல் அவற்றை உட்கொள்வது பயனுள்ளதாக இருக்காது. தினந்தோறும் ஒரு கப் ராஜ்மா, சனா அல்லது வேறு சில பருப்பு வகைகளை உட்கொள்ள வேண்டும். ஏனெனில் இதன் ஊட்டச்சத்து ஆற்றல் மையங்கள் மற்ற ஊட்டச்சத்துக்களுடன் புரதங்களை வழங்குகிறது.
இந்த பதிவும் உதவலாம்: Rich Protein Food: முட்டைக்கு இணையான அதிக ப்ரோட்டின்.. வெஜ் பிரியர்களே புகுந்து விளையாடுங்கள்!
முட்டைகள்
முட்டைகள் பொதுவாக பல்வேறு ஊட்டச்சத்துக்கள் நிறைந்த உணவுப்பொருளாகும். இது வலுவான மற்றும் ஆரோக்கியமான உடலை பராமரிக்க உதவுகிறது. எனவே தான் தினமும் ஒரு முட்டை உட்கொள்வதை வழக்கமாக்கிக் கொள்வது அவசியமாகும். இது உடலின் அனைத்து செல்கள் மற்றும் திசுக்களின் வளர்ச்சி மற்றும் பழுதுபார்ப்பிற்கு உதவுகிறது. புரத உணவுகள் செல்லுலார் மட்டத்தில் வளர்ச்சிதை மாற்றம் மற்றும் நோயெதிர்ப்பு செயல்பாடு போன்ற முக்கிய அமைப்புகளை ஒழுங்குபடுத்த உதவுகிறது.
நட்ஸ்
நட்ஸ் வகைகள் நாம் அனைவருமே சாப்பிட வேண்டிய ஒரு சிறந்த தின்பண்டமாகக் கருதப்படுகிறது. பொதுவாக நட்ஸ் வகைகளை நாம் சிற்றுண்டியாக எடுத்துக் கொள்ளலாம். இதற்கு நாம் அக்ரூட், பாதாம் போன்ற பருப்பு வகைகளை சேர்த்துக் கொள்ளலாம். இதை அப்படியே சாப்பிட விரும்பாதவர்கள், இதை வறுத்தோ அல்லது மசாலா செய்தோ சாப்பிடலாம்.
இவை அனைத்துமே புரதங்கள் நிறைந்த உணவாகும். இதை நம் அன்றாட உணவில் சேர்த்துக் கொள்வதன் மூலம் உடல் ஆரோக்கியத்தைப் பராமரிக்கலாம்.
இந்த பதிவும் உதவலாம்: Milk Protein Powder Benefits: பாலுடன் புரோட்டீன் பவுடர் கலந்து சாப்பிட்டால் கிடைக்கும் நன்மைகள்!
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
