பெண்களில் பொதுவாகக் காணப்படும் Polycystic Ovary Syndrome (PCOS) இன்று அதிகரித்து வரும் பிரச்சனைகளில் ஒன்றாகும். மாதவிடாய் சுழற்சியில் கோளாறு, ஹார்மோன் சமநிலையின்மை, உடல் எடை அதிகரிப்பு போன்ற அறிகுறிகளால் பெண்கள் பாதிக்கப்படுகின்றனர். இதனால், கர்ப்பம் தரிக்க முடியாதோ என்ற அச்சம் பல பெண்களிடம் நிலவுகிறது.
ஆனால் PCOS இருந்தாலும் குழந்தை பெறுவது சாத்தியம். அதற்காக சில முன்னெச்சரிக்கை நடவடிக்கைகளையும், சரியான சிகிச்சையையும் பின்பற்றுவது அவசியம் என்று Obstetrician-Gynecologist மருத்துவர் ராஜேஸ்வரி ரெட்டி கூறுகிறார். இது குறித்து அவர் தனது இன்ஸ்டாகிராம் பக்கத்தில் பகிர்ந்த தகவல் இங்கே.
PCOS மற்றும் கர்ப்பம் – சவால்கள் என்ன?
PCOS உள்ள பெண்களுக்கு அண்டை விடுவிப்பு (Ovulation) சீராக நடைபெறாததால், கர்ப்பம் தரிக்க சிரமம் ஏற்படலாம். மேலும், கர்ப்பம் ஏற்பட்டாலும், கர்ப்பக்கால நீரிழிவு (Gestational Diabetes), உயர் இரத்த அழுத்தம் (Preeclampsia), மற்றும் கருப்பை வளர்ச்சி சிக்கல்கள் போன்ற பிரச்சனைகள் ஏற்படும் அபாயம் அதிகம்.
ஆனால் நல்ல செய்தி என்னவெனில், சரியான சிகிச்சை, ஆரோக்கியமான வாழ்க்கை முறை, மற்றும் மருத்துவர் பராமரிப்பு மூலம் PCOS கொண்ட பெண்களுக்கும் ஆரோக்கியமான குழந்தை பெறுவது சாத்தியமே என்கிறார் மருத்துவர் ராஜேஸ்வரி ரெட்டி.
Positive Result-க்கு வழிகள் – மருத்துவர் ராஜேஸ்வரி ரெட்டி பரிந்துரைகள்
* முன்கூட்டியே கண்டறிதல் – PCOS-ஐ ஆரம்பத்திலேயே கண்டறிந்து சிகிச்சை மேற்கொள்வது கர்ப்ப வாய்ப்புகளை அதிகரிக்கும்.
* உடல் எடை கட்டுப்பாடு – அதிக எடை ஹார்மோன் சமநிலையின்மையை அதிகரிக்கிறது. அதனால், உடற்பயிற்சி மற்றும் ஆரோக்கியமான உணவுமுறை அவசியம்.
* சரியான உணவுமுறை – வெள்ளை அரிசி, சர்க்கரை, ஜங்க் ஃபுட் போன்றவற்றை குறைத்து, முழுதானியங்கள், காய்கறிகள், பழங்கள், புரதச்சத்து அதிகமுள்ள உணவுகளை சேர்க்க வேண்டும்.
* சிகிச்சை முறை – சில நேரங்களில் Metformin போன்ற மருந்துகள் அல்லது fertility treatments (எ.கா., Ovulation induction) உதவியாக இருக்கும்.
* வாழ்க்கை முறை மாற்றங்கள் – மன அழுத்தத்தை கட்டுப்படுத்துவதும், போதுமான நேரம் தூங்குவதும், யோகா மற்றும் உடற்பயிற்சி செய்வதும் PCOS-ஐ சமாளிக்க உதவுகின்றன.
* மருத்துவ பராமரிப்பு – கர்ப்பமாகிய பிறகு, தொடர்ச்சியான ஸ்கேன், சோதனைகள் மூலம் மருத்துவர் கண்காணிப்பது அவசியம்.
View this post on Instagram
மருத்துவர் அறிவுரை
PCOS இருப்பதால் கர்ப்பமாக முடியாது என்று நினைக்க வேண்டாம். சரியான வழிகாட்டுதலோடு, பொறுமையுடன் நடந்தால் அம்மா ஆகும் கனவு நனவாகும் என்கிறார் டாக்டர் ராஜேஸ்வரி ரெட்டி.
இறுதியாக..
PCOS என்பது கர்ப்பம் தரிக்க தடையாக இருக்கலாம். ஆனால் நம்பிக்கை, ஒழுங்கான சிகிச்சை, ஆரோக்கியமான வாழ்க்கை முறை ஆகியவற்றின் மூலம் Positive Pregnancy Result அடைய முடியும். முக்கியமாக, தாமதிக்காமல் மருத்துவரின் ஆலோசனையைப் பெறுவது தான் வெற்றியின் முதல் படியாகும்.
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
