நீங்கள் எடை இழக்க விரும்புகிறீர்களா.? ஆனால் 9 முதல் 6 மணி வரையிலான வேலை உங்களுக்கு தடையாக இருக்கிறதா.? உட்கார்ந்த வாழ்க்கை முறையில் சிக்கிக் கொண்ட அனைவருக்கும் எடை இழப்பு உண்மையில் ஒரு கடினமான பணியாக இருக்கலாம்.
கவனக்குறைவான சிற்றுண்டி, பரபரப்பான அட்டவணைகள் மற்றும் நாள் முழுவதும் மேசையில் அமர்ந்திருப்பது உங்களை சோம்பலாக உணர வைக்கும் மற்றும் எடை அதிகரிக்க வழிவகுக்கும். நாள் முழுவதும் அமர்ந்திருப்பது நீரிழிவு மற்றும் இதய நோய் அபாயத்தை அதிகரிப்பது போன்ற பல எதிர்மறையான உடல்நல விளைவுகளையும் ஏற்படுத்தும்.
ஆனால் நீங்கள் வேலையில் இருக்கும்போது சில எளிய வழிமுறைகளைப் பின்பற்றுவதன் மூலம் நீங்கள் கனவு காணும் ஒரு சரியான உடலைப் பெற முடியும் என்றால் உங்களால் நம்ப முடிகிறதா.? ஆம்.. சில எளிமையான வாழ்க்கை முறையை பின்பற்றுவதன் மூலம் எடையை நிர்வகிக்க முடியும். அவை என்னவென்று இங்கே காண்போம்.
உட்கார்ந்த வாழ்க்கை முறையில் நீங்கள் கடைபிடிக்க வேண்டிய விஷயங்கள்
உடற்பயிற்சி
உங்கள் அட்டவணையில் 30 நிமிடங்களை உடற்பயிற்சிக்காக ஒதுக்குங்கள். நீங்கள் எவ்வளவு பிஸியாக இருந்தாலும், ஆரோக்கியமாக இருக்க இவ்வளவு நேரம் ஒதுக்குவது கடினம் அல்ல. ஜிம்மிற்குச் செல்ல விரும்பவில்லை என்றால், நடைபயிற்சி, ஜாகிங், சைக்கிள் ஓட்டுதல் போன்ற உங்களுக்குப் பொருத்தமான எளிய உடற்பயிற்சியைத் தேர்வுசெய்யவும்.
மேலும் படிக்க: Viral Gym Accident Video: 270 கிலோ ராட்.. உயிரிழந்த பிரபலம்.. ஜிம்மில் நடந்த சோகம்.!
லிஃப்டுக்கு நோ
அலுவலகத்தில், லிஃப்டை விட படிக்கட்டுகளில் ஏறுங்கள். மேலும் ஆரோக்கியமாக இருக்க இந்த தந்திரத்தைப் பின்பற்றத் தொடங்க வேண்டிய நேரம் இது. இதைச் செய்த பிறகு நீங்கள் நன்றாக உணருவீர்கள் என்று எங்களை நம்புங்கள். சுகாதார மேம்பாட்டு வாரியத்தின்படி, 7500 முதல் 10,000 படிகள் வரை நடப்பது உங்கள் இரத்த அழுத்தம் மற்றும் கொழுப்பின் அளவையும் குறைக்கும்.
நொறுக்கு தீனி வேண்டாம்
சிப்ஸ் மற்றும் கோக் மீது உங்களுக்கு எவ்வளவு ஏக்கம் இருந்தாலும், அதிலிருந்து உங்களை விலக்கி வைக்க முயற்சி செய்யுங்கள். இந்த உணவுகளில் எந்த ஊட்டச்சத்துக்களும் இல்லை. மேலும் இதில் கலோரிகள் நிறைந்துள்ளன. இது உங்கள் ஆரோக்கியத்தை மட்டுமே கெடுக்கும். அதற்கு பதிலாக, உங்கள் மேஜையில் சில ஆரோக்கியமான சிற்றுண்டிகளை வைத்திருக்கலாம். அது உங்களை நிரப்பும்.
ஹெல்த்தி லன்ச் பேக்
எடை இழப்பது உங்கள் இறுதிக் கனவாக இருந்தால், உங்கள் சொந்த வீட்டில் தயாரிக்கப்பட்ட உணவை தினமும் அலுவலகத்திற்கு எடுத்துச் செல்வதை உறுதிப்படுத்திக் கொள்ளுங்கள். உணவகங்களில் தயாரிக்கப்படும் உணவில் அதிக அளவு கலோரிகள் மற்றும் கொழுப்பு உள்ளது, இது எடை அதிகரிப்பிற்கு வழிவகுக்கிறது. நாள் முழுவதும் உங்களை நிறைவாகவும் திருப்தியாகவும் வைத்திருக்க உங்கள் மதிய உணவுப் பெட்டியில் ஆரோக்கியமான மற்றும் சத்தான உணவை பேக் செய்யுங்கள்.
இதையும் படிங்க: பசும் பாலை விட பாதாம் பால் சிறந்ததா.? பாதாம் பாலின் நன்மைகள் இங்கே..
அப்பப்போ அசைவு கொடுக்கவும்
எப்போதும் உட்கார்ந்தே இருப்பதற்கு பதிலாக, அடிக்கடி உடலுக்கு செயல்பாடு கொடுக்கவும். நீங்கள் உட்கார்ந்தே இருப்பது, உங்களை சோம்பலாக்குவது மட்டுமல்லாமல் எடை அதிகரிப்பிற்கும் வழிவகுக்கும். ஒவ்வொரு மணி நேரத்திற்கும் 2-3 நிமிடங்கள் சிறிய இடைவெளி எடுத்துக் கொள்ளுங்கள். அப்பப்போ இருக்கும் இடத்தில் இருந்து நிற்கவும், சிறிது நகரவும். உங்கள் வேலையில் நீங்கள் அதிகமாக தொலைபேசியில் இருக்க வேண்டும் என்றால், நீங்கள் நின்று பேசலாம். இந்த சிறிய விஷயங்கள் உங்களை அதிக கலோரிகளை எரிக்கச் செய்யும்.
தண்ணீர் முக்கியம்
உங்கள் மேஜையில் ஒரு பாட்டில் தண்ணீரை வைத்திருங்கள். இதனால் நீங்கள் உங்களை நீரேற்றமாக வைத்திருக்கலாம். எடை இழக்க விரும்பினால் உங்களை நீரேற்றமாக வைத்திருப்பது முக்கியம். ஒவ்வொரு நாளும் 3 லிட்டர் தண்ணீர் குடிக்க வேண்டும். நீரிழப்பு உங்களுக்கு பல வழிகளில் தீங்கு விளைவிக்கும், எனவே இந்த விஷயத்தை லேசாக எடுத்துக் கொள்ளாதீர்கள்.
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
