2026க்கு முன் உடல்நலத்தை மாற்றும் 8 எளிய பழக்கங்கள்.. AIIMS நிபுணர் பரிந்துரை..

புதியாண்டு தீர்மானங்களை எடுக்கும் முன், நம் நாள் தோறும் பின்பற்றும் பழக்கங்களையே முதலில் சீர்படுத்த வேண்டும் என்கிறார், AIIMS-ல் பயிற்சி பெற்ற, Harvard மற்றும் Stanford மருத்துவ நிலையங்களிலும் பணியாற்றிய, 25 ஆண்டு அனுபவம் கொண்ட காஸ்ட்ரோ என்ட்ராலஜி நிபுணர் டாக்டர் சௌரப் சேதி. நவம்பர் 15 ஆம் தேதி வெளியிட்ட தனது இன்ஸ்டாகிராம் பதிவில், 2026-னை ஆரோக்கியமாக வரவேற்க உதவும் 8 எளிய, ஆனால் தாக்கமிக்க ஆரோக்கிய பழக்கங்களை அவர் பட்டியலிட்டுள்ளார்.

1. காலை கண் திறந்தவுடன் நன்றியுணர்வு – கைபேசி தவிர்க்கவும்

“கோர்டிசோல் காலை நேரத்தில் அதிகம் இருக்கும். உடனே கைபேசி ஸ்க்ரோல் செய்தால் மனஅழுத்தம் உயரும். ஆனால் நன்றியுணர்வு vagus nerve-ஐ செயல்படுத்தி குடலின் செயல்பாட்டை சமநிலைப்படுத்தும்” என்கிறார் Dr. சேதி. அத்துடன், கைபேசியைக் கழிவறைக்கு எடுத்துச் செல்ல வேண்டாம் என்றும் அவர் எச்சரிக்கிறார்.

2. காலையிலே இயற்கை வெளிச்சம் – உடலின் கடிகாரத்தை ரீசெட் செய்கிறது

காலை சூரிய ஒளி 5–10 நிமிடங்கள் போதுமானது என அவர் கூறுகிறார். இதனால், வைட்டமின் D உற்பத்தி மேம்படும், மனநிலை அமைதியாகும், குடல் கடிகாரம் (gut clock) சீராகும்.

3. உணவுக்குப் பிறகு 10 நிமிட நடை

ஜீரணத்திற்கு மிகப் பெரிய உதவி. சர்க்கரை ஏற்ற இறக்கத்தை கட்டுப்படுத்தி, உணவிற்குப் பிறகான சோர்வையும் குறைக்கும் பழக்கம்.

4. வாரத்திற்கு மூன்று முறை புளிப்பு உணவுகள்

தயிர், கெபிர், கிம்‌ச்சி, காஞ்சி போன்றவை குடல் நுண்ணுயிரிகளை பாதுகாக்கும், குடல் ஆரோக்கியத்தை சமநிலைப்படுத்தும், சப்பிள்மெண்ட் தேவையை குறைக்கும்.

இந்த பதிவும் உதவலாம்: செரிமானம் முதல் பளபளப்பான சருமம் வரை.. கிராம்பு தண்ணீர் தரும் அதிசய நன்மைகள்

5. உணவில் அதிக மூலிகைகள் மற்றும் மசாலா பொருட்கள்

மஞ்சள், இஞ்சி, சீரகம், பெருஞ்சீரகம், மிளகு போன்றவை அழற்சியை குறைக்கும், ஜீரணத்தை மேம்படுத்தும், குடலை வலுவூட்டும். Dr. சேதி கூறுவதாவது, “வாரம் 30 விதமான தாவர உணவுகள் எடுத்தால் குடல் ஆரோக்கியம் சிறப்பு. இதை அடைய மூலிகைகள், மசாலாக்கள் மிகவும் எளிதான வழி.”

6. தினமும் 12 மணி நேர உணவு விடுப்பு

காலை 8 மணி முதல் இரவு 8 மணி வரை உணவு. இது குடலுக்கு இரவு ‘ரிப்பேர் மோடு’ பெற உதவுகிறது.

7. அதிக அளவு பேறீஸ்

ப்ளூபெர்ரி, ஸ்ட்ராபெர்ரி, ரச்பெர்ரி போன்றவை ஆன்டி-ஆக்ஸிடன்ட்களில் செறிந்தவை. குடல் நுண்ணுயிர்களுக்கு உணவாக செயல்படும், கல்லீரலை பாதுகாக்கும். “பேறீஸை பேக்கிங் சோடா கலந்த நீரில் கழுவுவது நச்சுச்சத்துகளை நீக்க உதவும்” என்று Dr. சேதி கூறுகிறார்.

8. தினமும் 7–8 மணி உறக்கம்

உறக்கமே குடல் ஆரோக்கியத்துக்கான அடிப்படை.
தூக்கமின்மை circadian rhythm பாதிக்கும், ஜீரணத்தைக் கெடுக்கும், அடுத்த நாள் சர்க்கரை ஆசையை அதிகரிக்கும்.

View this post on Instagram

A post shared by Saurabh Sethi MD MPH | Gastroenterologist (@doctor.sethi)

இறுதியாக..

பெரிய தீர்மானங்கள் தவிர, தினசரி சிறு பழக்கங்களே ஒரு மனிதனின் உடல், மன ஆரோக்கியத்தை வடிவமைக்கின்றன. Dr. சௌரப் சேதி கூறிய இந்த 8 பழக்கங்களை 2026க்கு முன்பே பின்பற்றத் தொடங்கினால், குடல் ஆரோக்கியம் முதல் மன அமைதி வரை பல நன்மைகள் கிடைக்கும் என்று நிபுணர்கள் உறுதியாக தெரிவிக்கின்றனர்.

பொறுப்பு துறப்பு: இந்தக் கட்டுரை நிபுணர்கள் வழங்கிய பொது ஆலோசனைகளின் அடிப்படையில் எழுதப்பட்டுள்ளது. மருத்துவ ஆலோசனை அல்லது சிகிச்சை தேவைகளுக்காக, தயவு செய்து உங்கள் மருத்துவரை அணுகவும்.