சர்க்கரை நோயாளிகள் மாம்பழம் சாப்பிடலாமா? தெரிந்துக்கொள்வோம் வாருங்கள்

$

மாம்பழம் போன்ற பழங்கள் அதிக இனிப்பாக இருக்கும். இதனை சர்க்கரை நோயாளிகள் சாப்பிடலாம என்பது குறித்து இந்த பதிவில் காணலாம்.

கோடை காலம் வந்த உடன், நம் வீட்டு வாசலில் மாம்பழம் விற்கும் சத்தம் கேட்கத் தொடங்கும். மிகவும் விரும்பப்படும் இந்த கோடைகால பழத்தின் இனிப்பு, மணம் மற்றும் ஈரப்பதமூட்டும் குணங்கள் அனைவரையும் ஈர்க்கின்றன. இருப்பினும், சர்க்கரை நோயாளிகள் இனிப்பு நிறைந்துள்ள மாம்பழங்களை சாப்பிடுவதில் சந்தேகம் கொண்டுள்ளனர்.

நீரிழிவு நோயாளிகள் மாம்பழம் சாப்பிடலாமா வேண்டாமா என்பது குறித்து சில தெளிவுகளைப் பெற பெங்களூரு மற்றும் மும்பையைச் சேர்ந்த சான்றளிக்கப்பட்ட ஊட்டச்சத்து நிபுணர் மற்றும் வாழ்க்கை முறை பயிற்சியாளரான அனுபாமா மேனனிடம் நாங்கள் பேசினோம்.

அப்போது அவர் கூறியதாவது, “சர்க்கரை நோயுடன் வாழ்வது சவாலானது. இதற்காக வாழ்க்கையில் அனைத்து சுவையான உணவுகளையும் கைவிட வேண்டும் என்று அவசியம் இல்லை. அர்த்தமுள்ள உணவு மற்றும் வாழ்க்கை முறை மாற்றங்களைச் செய்வதன் மூலம், ஒரு நீரிழிவு நோயாளி தனது உடல்நலம் மற்றும் நல்வாழ்வைக் கட்டுப்படுத்த முடியும்” என்றார்.

சர்க்கரை நோயாளிகள் மாம்பழம் சாப்பிடலாமா?

சர்க்கரை நோயாளிகள் மாம்பழம் போன்ற இனிப்புப் பழங்களைத் தவிர்க்க வேண்டும் என்று நம்புகின்றனர். ஆனால், ஊட்டச்சத்து நிபுணர் கூறுகையில், “மாம்பழங்களில் அதிக நார்ச்சத்து இருப்பதால் நீரிழிவு நோயாளிகளால் அதை மிதமாக எடுத்துக்கொள்ளலாம். இது சர்க்கரை அளவைக் கட்டுப்படுத்தும்” என்றார்.

மேலும் “ஒவ்வொருவரின் உடலும் மாம்பழத்தில் உள்ள பிரக்டோஸுக்கு வித்தியாசமாக செயல்படக்கூடும் என்பதால் உடலின் வரம்புகளைப் புரிந்துகொள்வது அவசியம். ஒரு பொதுவான வழிகாட்டுதலாக, நீரிழிவு நோயாளிகள் மாம்பழத்தை மிதமாக, சுமார் 100-150 கிராம், வாரத்திற்கு மூன்று முறை உட்கொள்ள பரிந்துரைக்கப்படுகிறது. மாம்பழத்தில் உள்ள சர்க்கரையை ஒருவரது உடல் எவ்வளவு நன்றாகக் கட்டுப்படுத்துகிறது என்பதைப் பொறுத்து அளவு மாறுபடலாம்” என்று அவர் கூறினார். உங்கள் மருத்துவரின் ஆலோசனையானது சரியான அளவை தீர்மானிக்க உதவும்.

மாம்பழம் சாப்பிடுவதால் கிடைக்கும் நன்மைகள்

• மாம்பழத்தில் நிறைய நார்ச்சத்து உள்ளதால் செரிமானத்திற்கு உதவுகிறது.
• இதில் உள்ள இனிப்பு பசியை குறைக்க உதவுகிறது.
• பீட்டா கரோட்டின் அதிகமாக உள்ளதால், இது உடலில் வைட்டமின் ஏ ஆக மாற்றப்படுகிறது.
• வைட்டமின் சி நிறைந்துள்ளதால் ஆக்ஸிஜனேற்றியாக செயல்படுகிறது.

சர்க்கரை நோயாளிகள் சாப்பிட வேண்டிய மற்றும் தவிர்க்க வேண்டிய பழங்கள்

மாம்பழங்களைத் தவிர, நீரிழிவு நோயாளிகள் பொதுவாக சில கார்போஹைட்ரேட்டுகளையும் உட்கொள்ளலாம். அதில் இவை அடங்கும்,

• முழு கோதுமை
• பழுப்பு அரிசி
• தினை

ஊட்டச்சத்து நிபுணர் அனுபாமா மேனன் மேலும் கூறுகையில், “இந்த உணவுகள் பொதுவாக குறைந்த கிளைசெமிக் இன்டெக்ஸ் கொண்டவை. அதாவது அதிக ஜிஐ உணவுகள், சர்க்கரை அளவை அதிகரிக்காது. காய்கறிகள் மற்றும் புரதங்களும் சிறந்த குறைந்த ஜிஐ உணவு விருப்பங்களாகும். அவை நீரிழிவு நோயாளிகளின் உணவில் இணைக்கப்பட வேண்டும்” என்றார்.

சர்க்கரை நோயாளிகள் உட்கொள்ளும் உணவின் மொத்த அளவைக் கண்காணிக்க வேண்டியது அவசியம். குறைந்த ஜிஐ உணவுகள் கூட அளவோடு சாப்பிட வேண்டும். ஆரோக்கியமான உணவைக் கண்காணிப்பதும் பராமரிப்பதும் சர்க்கரை நோயை நிர்வகிப்பதற்கான ஒரு முக்கிய அம்சமாகும்

வாழ்க்கை முறை நடவடிக்கைகள்

சர்க்கரை நோய் இருந்தால் எடுக்க வேண்டிய சில வாழ்க்கை முறை நடவடிக்கைகள் இங்கே:

• உணவில் சர்க்கரை குறைக்க வேண்டும். தேவைப்பட்டால், தேங்காயில் உள்ள சர்க்கரையை மட்டும் பயன்படுத்தவும்.
• சர்க்கரை அளவைக் கட்டுப்படுத்த, வாரத்திற்கு ஐந்து முறை 40 நிமிடங்கள் உடற்பயிற்சி செய்வது அவசியம்.
• உணவில் இருந்து மைதா மாவையும் நீக்கவும்
• 4-7-8 சுவாச பயிற்சி செய்யுங்கள்
• நார்ச்சத்து நிறைந்த பழங்கள் மற்றும் காய்கறிகளைச் சேர்க்கவும். இதன் மூலம் இனிப்பு பசியைக் கட்டுப்படுத்தவும்
• உங்கள் வைட்டமின் டி அளவுகள் உகந்த வரம்பிற்குள் இருப்பதை உறுதிப்படுத்திக் கொள்ளுங்கள்

நீரிழிவு நோயாளிகள் தங்கள் உடலில் எதைச் சேர்ப்பார்கள் என்பதில் கவனமாக இருக்க வேண்டும் என்றாலும், பழங்கள் மற்றும் காய்கறிகள் வைட்டமின்கள் மற்றும் தாதுக்களின் சிறந்த ஆதாரங்களை அறிந்து கொள்வது அவசியம். உங்கள் உணவில் இருந்து அவற்றை முற்றிலுமாக நீக்குவது நல்லதல்ல. கோடை காலத்தில் மாம்பழங்கள் அதிகம் கிடைக்கும். இதனால் சர்க்கரை நோயாளிகள் நாக்கை கட்டுப்படுத்த முடியாமல் இருப்பர். இதனை தடுக்க மருத்துவரை அணுகி அளவை பெற்றுக்கொள்ளவும்.

images source: freepik