ஓமம் தண்ணீரை யாரெல்லாம் குடிக்கக் கூடாது தெரியுமா? அதை குடிப்பதற்கான சரியான நேரம் இது தான்..

ஆயுர்வேத முறைப்படி, பாரம்பரிய மருத்துவத்தில் பல நூற்றாண்டுகள் காலமாகவே, பயன்படுத்தப்படும் ஒரு இயற்கையான மூலிகையாக ஓமம் விளங்குகிறது. பொதுவாக, ஓமம் கோடைக்காலத்தில் பரிந்துரைக்கப்படக்கூடிய மூலிகையாகும். கோடைக்காலத்தில் பெரும்பாலான நபர்கள் செரிமானம் தொடர்பான பிரச்சனைகளைச் சந்திக்க நேரிடலாம். இந்த பருவத்தில் அவர்களுக்கு வெப்பம் காரணமாக, வயிற்று வெப்பம், நீரிழப்பு, சோர்வு மற்றும் செரிமானம் சார்ந்த பிரச்சனைகளை எதிர்கொள்ள வேண்டியிருக்கும். இந்நிலையில், ஓமம் தண்ணீர் குடிப்பது இது போன்ற பல்வேறு பிரச்சனைகளுக்கு ஏற்றதாக அமைகிறது.

அதன் படி, ஓமத்தின் தன்மை சூடாக இருக்கிறது. இது செரிமானத்தை மேம்படுத்தவும், வாயுத்தொல்லையைக் குறைக்கவும் உதவுகிறது. இருப்பினும், நீங்கள் ஓமம் மட்டும் சாப்பிட்டால், அது பல பிரச்சனைகளுக்கு வழிவகுக்கக்கூடும். ஓமம் தண்ணீரின் நன்மைகளை அடைய, பலரும் இதை காலசூழ்நிலைகள் பார்க்காமல் தினமும் எடுத்துக் கொள்கின்றனர். உண்மையில், இதை தினமும் எடுத்துக் கொள்வது உடல் ஆரோக்கியத்திற்கு நன்மை பயக்குமா?

அதே சமயம், இந்த ஓமம் தண்ணீர் அனைவரின் உடலுக்கும் ஏற்கத்தக்கக் கூடியதாக அமையுமா? மேலும் இதை உட்கொள்வதற்கான சரியான வழி என்ன போன்றவை குறித்த தகவல்களை ஊட்டச்சத்து நிபுணரான ஸ்வேதா ஷா அவர்கள் தனது இன்ஸ்டாகிராம் பக்கத்தில் குறிப்பிட்டுள்ளார். அதைப் பற்றி இங்குக் காண்போம்.

அஜ்வைன் தண்ணீர்

ஊட்டச்சத்து நிபுணரின் கருத்துப்படி, அஜ்வைன் தண்ணீர் அனைவருக்கும் ஏற்றதல்ல! நீங்கள் தினமும் அஜ்வைன் தண்ணீர் குடிப்பீர்களா? காத்திருங்கள் - இது அனைவருக்கும் பொருந்தாது! என்று எச்சரிக்கிறார்.

இந்த பதிவும் உதவலாம்: அசிடிட்டியை விரைவில் குணமாக்க உதவும் ஓமவல்லி.. இப்படி மட்டும் எடுத்துக்கோங்க போதும்

ஓமம் தண்ணீரை யார் அருந்தக்கூடாது? (Who should avoid ajwain water)

நிபுணர் தனது பதிவில், ஓமம் தண்ணீரை யாரெல்லாம் அருந்துவதைத் தவிர்க்க வேண்டும் அல்லது கட்டுப்படுத்த வேண்டும் என்ற விவரங்கள் குறித்து பகிர்ந்துள்ளார்.

பித்தம் ஆதிக்கம் உள்ளவர்கள்

நிபுணரின் கூற்றுப்படி, பித்தம் ஆதிக்கம் உள்ளவர்கள் ஓமம் தண்ணீர் அருந்துவதைத் தவிர்க்க வேண்டும் அல்லது மெதுவாகக் குறைக்க வேண்டும். ஏனெனில், இது அமிலத்தன்மை, புண்கள், எரிதல், வெப்ப வெடிப்புகள் போன்ற பல்வேறு பிரச்சனைகளுக்கு வழிவகுக்கக்கூடும்.

கர்ப்பிணிப் பெண்கள்

ஓமம் தண்ணீரை கர்ப்பிணிப் பெண்கள் அருந்துவதைத் தவிர்க்க நிபுணர் பரிந்துரைக்கிறார். ஏனெனில், கர்ப்பிணி பெண்கள் இந்த தண்ணீரைக் குடிப்பதால் அதிகப்படியானால் கருப்பைச் சுருக்கங்கள் ஏற்பட அதிக வாய்ப்புள்ளது.

இரைப்பை அழற்சி அல்லது வெப்பம் தொடர்பான தோல் பிரச்சினைகள் உள்ளவர்கள்

உடலில் அதிக வெப்பம் காரணமாக சருமத்தில் பிரச்சனைகள் ஏற்பட்டிருந்தாலோ அல்லது இரைப்பை அழற்சி பிரச்சனையைக் கொண்டிருந்தாலோ அவர்கள் ஓமம் உட்கொள்வதை தவிர்க்க வேண்டும்.

வறட்சி அல்லது மலச்சிக்கல் பிரச்சனை உள்ளவர்கள்

உடலில் வறட்சி அல்லது மலச்சிக்கல் தொடர்பான பிரச்சனையை எதிர்கொள்பவர்கள் ஓமத்தை தனியாக உட்கொள்வதைத் தவிர்க்க வேண்டும். மாறாக, இதை நெய் அல்லது வெல்லத்துடன் கலந்து எடுத்துக் கொள்ள நிபுணர் பரிந்துரைக்கிறார்.

இந்த பதிவும் உதவலாம்: அடிக்கிற வெயிலுக்கு ஓம தண்ணி குடிச்சா தேவலாம்..

ஓமம் உட்கொள்வதற்கான சரியான வழிகள்

இதனைத் தொடர்ந்து, ஓமம் உட்கொள்வதற்கான சரியான வழிகள் சிலவற்றைப் பகிர்ந்துள்ளார்.

செரிமானத்திற்கு — உணவுக்குப் பிறகு ½ தேக்கரண்டி வறுத்த அஜ்வைன்

அஜ்வைன் தண்ணீருக்கு — 1 தேக்கரண்டி அஜ்வைன் + 1 கப் தண்ணீர் → 5 நிமிடங்கள் கொதிக்க வைக்கவும் → ஒரு நாளைக்கு ஒரு முறை சூடாகப் பருகவும்

பிரசவத்திற்குப் பிறகு — 1 தேக்கரண்டி அஜ்வைன் + 2 கப் தண்ணீர் → 7 நிமிடங்கள் கொதிக்க வைக்கவும் → தினமும் இரண்டு முறை குடிக்கவும்

நினைவில் கொள்ள வேண்டியவை

அதிக வெப்பமானது, அதிக ஏற்றத்தாழ்வுக்கு வழிவகுக்கக்கூடும். எனவே சரியான அளவில் எடுத்துக் கொள்ள வேண்டும்.

View this post on Instagram

A post shared by Shweta Shah (@shweta_shah_nutritionist)

ஆயுர்வேத குறிப்பு

மேலும், நிபுணர் ஓமம் சாப்பிடுவதற்கான ஆயுர்வேத குறிப்பு ஒன்றைப் பகிர்ந்துள்ளார். நிபுணரின் கூற்றுப்படி, எப்போதும் அஜ்வைனை நெய் அல்லது வெல்லத்துடன் இணைக்க வேண்டும். இது பித்தத்தை சமன் செய்ய உதவுகிறது, உறிஞ்சுதலை மேம்படுத்துகிறது மற்றும் குடலை குளிர்ச்சியாகவும் மகிழ்ச்சியாகவும் வைத்திருக்கிறது.

இந்த பதிவும் உதவலாம்: Ajwain For Weight Loss: தொள தொளவென அசிங்கமாய் தொங்கும் தொப்பையைக் குறைக்க ஓமத்தை இப்படி பயன்படுத்துங்க!

Image Source: Freepik