காலை எழுந்ததும் முகம் பளிச்சென மின்ன, இரவில் தூங்கச் செல்லும் முன் முகத்திற்கு இந்த ஒன்றைத் தடவுங்க

Benefits of applying ghee on face before going to bed: இன்றைய காலத்தில் மோசமான வாழ்க்கைமுறை, ஆரோக்கியமற்ற உணவுமுறை காரணமாக பலரும் பல பிரச்சனைகளைச் சந்திக்கின்றனர். இதில் சருமம் தொடர்பான பிரச்சனைகளும் அடங்கும். அதாவது சரும எரிச்சல், வறட்சி, தடிப்புகள், முகப்பரு, கரும்புள்ளிகள் மற்றும் மெல்லிய கோடுகள் போன்ற முதுமை அறிகுறிகளைப் பலரும் எதிர்கொள்கின்றனர். எனினும், பெரும்பாலானோர் தங்களது சரும ஆரோக்கியத்தைப் பாதுகாப்பதில் மிகுந்த ஆர்வம் காட்டுகின்றனர்.

சருமம் மென்மையாக மற்றும் பளபளப்பாக இருக்க வேண்டும் என பலரும் கடைகளில் விற்பனை செய்யப்படும் விலையுயர்ந்த சரும பராமரிப்புப் பொருள்களை வாங்கி பயன்படுத்துகின்றனர். ஆனால், சில சமயங்களில் இதில் இரசாயனங்கள் கலந்திருக்கலாம். இவை உங்கள் சரும ஆரோக்கியத்தை மேலும் பாதிக்கக்கூடும். எனினும், சருமத்தை ஆரோக்கியமாக வைத்திருப்பதற்கு எந்த பக்க விளைவுகளையும் ஏற்படுத்தாத சில வீட்டு வைத்தியங்கள் உதவுகின்றன. அவ்வாறு நம் அன்றாட சமையலில் பயன்படுத்தப்படும் நெய், சரும ஆரோக்கியத்திற்கு உதவும் என்பது உங்களுக்குத் தெரியுமா?

நெய்யில் நமக்கு தினமும் தேவையான கொழுப்புகள், ஆக்ஸிஜனேற்றிகள், வைட்டமின்கள் மற்றும் தாதுக்கள் போன்ற பல்வேறு ஆரோக்கியமான ஊட்டச்சத்துக்கள் நிறைந்துள்ளது. எனவே நெய் உடல் ஆரோக்கியத்திற்கு மிகவும் நன்மை பயக்கும். அதே சமயம், சருமத்திற்கும் நன்மை தரும். குறிப்பாக, இரவில் தூங்கும் முன் நெய்யை சருமத்தில் தடவுவது பல்வேறு நன்மைகளைத் தருகிறது.

இந்த பதிவும் உதவலாம்: Ghee On Face: வெறும் 3 சொட்டு நெய் இருந்தால் போதும் உங்க முகத்தை பளபளன்னு மாத்திடலாம்!

இரவு தூங்கும் முன் சருமத்தில் நெய்யைத் தடவுவதால் கிடைக்கும் நன்மைகள்

சருமத்திற்கு இயற்கையான பளபளப்பைத் தர

இரவில் படுக்கைக்குச் செல்வதற்கு முன்பாக, சருமத்தில் நெய் தடவுவது, இயற்கையான பளபளப்பைத் தருகிறது. இதற்கு இதில் உள்ள வைட்டமின்கள் ஏ, டி, ஈ மற்றும் கே போன்ற பல ஊட்டச்சத்துக்கள் இருப்பதே காரணமாகும். இவை சருமத்தை உள்ளிருந்து ஆரோக்கியமாக வைப்பதன் மூலம் சருமத்தைப் பராமரிக்கிறது.

கறைகளைக் குறைக்க

முகத்தில் கரும்புள்ளிகள் தோன்ற பல்வேறு காரணங்கள் இருக்கலாம். இந்நிலையில், இரவில் படுக்கைக்குச் செல்வதற்கு முன் நெய்யைத் தடவுவது நன்மை பயக்கும். இந்த புள்ளிகளை நீக்குவதற்கு நெய் நன்மை பயக்கும் என்று கூறப்படுகிறது. நெய்யில் ஆன்டிஆக்ஸிடன்ட்கள் நிறைந்துள்ளது. இவை ஃப்ரீ ரேடிக்கல்களால் ஏற்படும் சேதத்திலிருந்து சருமத்தைப் பாதுகாக்க உதவுகின்றன. மேலும், சருமத்தை ஒளிரச் செய்கிறது.

சருமத்திற்கு ஆழமான ஊட்டச்சத்துக்களை அழிக்க

நெய்யில் கொழுப்பு அமிலங்கள் நிறைந்து காணப்படுகிறது. இவை சருமத்தில் ஆழமாக ஊடுருவி நீண்ட நேரம் ஈரப்பதத்தைத் தக்கவைத்துக் கொள்ள உதவுகின்றன. எனவே வறண்ட சருமம் கொண்டிருப்பவர்கள், சருமத்திற்கு நெய்யைப் பயன்படுத்துவது மிகவும் நன்மை பயக்கும். எனவே சருமத்தை நீரேற்றமாக வைத்திருக்க விரும்புபவர்கள், இரவில் படுக்கைக்குச் செல்வதற்கு முன்பாக முகத்தில் நெய்யைத் தடவலாம். இது மென்மையான சருமத்தைப் பெற உதவுகிறது.

இந்த பதிவும் உதவலாம்: நெய் மட்டும் போதும்..! சரும பிரச்னை எல்லாம் தீரும்..

உதடு ஆரோக்கியத்திற்கு

உதடுகள் வெடிப்புள்ளதாக இருப்பின், நெய்யைப் பயன்படுத்துவது மிகவும் நன்மை பயக்கும். இவை வெடிப்புள்ள உதடுகளின் இறந்த சருமத்தை நீக்கி, புதிய சருமத்தை மென்மையாகவும் ஆரோக்கியமாகவும் மாற்ற உதவுகிறது. இதற்கு இதில் உள்ள குணப்படுத்தும் பண்புகளே காரணமாகும். எனவே ஒவ்வொரு இரவும் நெய்யை லிப் பாமாகப் பயன்படுத்துவதன் மூலம் உதடுகள் வெடிப்பதைத் தவிர்த்து, மென்மையான, பளபளப்பான உதடுகளைப் பெற முடியும்.

முதுமை அறிகுறிகளைக் குறைக்க

தினமும் இரவு படுக்கச் செல்வதற்கு முன்பாக நெய்யைத் தடவுவதன் மூலம் முகத்தில் உள்ள சுருக்கங்கள் மற்றும் நேர்த்தியான கோடுகளைக் குறைக்கலாம். ஏனெனில், நெய் பயன்படுத்துவது கொலாஜன் உற்பத்தியைத் தூண்ட உதவுகிறது. இவை சருமத்தின் உறுதி மற்றும் நெகிழ்ச்சித்தன்மையைப் பராமரிக்கிறது. மேலும் இதில் காணப்படும் வைட்டமின் ஈ மற்றும் ஆக்ஸிஜனேற்றிகள் போன்றவை ஃப்ரீ ரேடிக்கல்களால் ஏற்படும் சேதத்திலிருந்து சருமத்தைப் பாதுகாக்க உதவுகிறது. இதன் மூலம் முகத்தை புத்துணர்ச்சியுடன் வைத்திருக்கலாம்.

இவ்வாறு இரவில் தூங்கும் முன்பாக சருமத்திற்கு நெய்யைப் பயன்படுத்துவதன் மூலம் பல்வேறு சரும பிரச்சனைகளிலிருந்து விடுபடுவதுடன், சரும ஆரோக்கியத்தை மேம்படுத்தலாம்.

இந்த பதிவும் உதவலாம்: Ghee Benefits for Skin: உங்க முகம் ஒரே வாரத்தில் வெள்ளையாகணுமா? நெய்யை இப்படி யூஸ் பண்ணுங்க!

Image Source: Freepik