High BP Remedies: இப்படி டீ போட்டு குடிச்சால் இரத்த அழுத்தம் மற்றும் உடல் எடை இரண்டும் கட்டுப்படும்!!

$

Delicious green tea recipes for fat burn: இப்போதெல்லாம் மோசமான வாழ்க்கை முறை மற்றும் உணவுப் பழக்கவழக்கங்களால் இரண்டில் ஒருவர் உடல் பருமன் மற்றும் உயர் இரத்த அழுத்தத்தால் பாதிக்கப்பட்டுள்ளனர். உயர் இரத்த அழுத்தத்திற்கு உடல் பருமன் முக்கிய காரணங்களில் ஒன்றாகும். உடல் எடையை குறைத்தால் பிபியையும் கட்டுக்குள் வைத்திருக்கலாம்.

உடல் எடையை குறைக்க பல தீர்வுகள் இருந்தாலும், இன்று நாங்கள் உங்களுக்கு ஒரு பிரத்யேக தீர்வை கூறுகிறோம். இது உடல் எடையை குறைப்பது மட்டுமல்லாமல், பிபியையும் கட்டுக்குள் வைக்க உதவுகிறது. சுகாதார நிபுணர் ஷீனம் மல்ஹோத்ராவின் கூற்றுப்படி, வீட்டில் தயாரிக்கப்பட்ட கிரீன் டீயை உட்கொள்வது இரண்டு பிரச்சனைகளிலிருந்தும் உங்களுக்கு நிவாரணம் அளிக்கும். வீட்டிலேயே கிரீன் டீ தயாரிப்பது எப்படி என இங்கே பார்க்கலாம்.

இந்த பதிவும் உதவலாம் : Blood Pressure Remedies: உயர் இரத்த அழுத்தத்தை சமாளிக்க உதவும் வீட்டு முறைகள்

வீட்டில் கிரீன் டீ தயாரிப்பது எப்படி?

தேவையான பொருட்கள்:

தண்ணீர் - 1 கப்.
எலுமிச்சம்பழம் - 1.
துளசி - 10 இலை.
இஞ்சி - சிறிய துண்டு.
புதினா இலைகள் - 10.

வீட்டிலேயே கிரீன் டீ தயாரிப்பது எப்படி?

• முதலில் எடுத்து வைத்துள்ள தண்ணீரை கொதிக்க வைக்கவும்.
• அதனுடன் எலுமிச்சம்பழம், துளசி, புதினா, இஞ்சி சேர்த்து கொதிக்கவிடவும்.
• தண்ணீரின் நிறம் மாறும்போது அடுப்பை அனைத்து சிறிது நேரம் ஆற வைக்கவும்.
• இப்போது அதை வடிகட்டி காலையிலும் மாலையிலும் குடிக்கவும்.
• நீங்கள் விரும்பினால், அதில் சிறிது தேன் சேர்த்து உட்கொள்ளலாம்.

இந்த பதிவும் உதவலாம் : High Blood Pressure: உயர் இரத்த அழுத்தத்தை உடனடியாக பாதிக்கும் காரணிகள் என்னென்ன தெரியுமா?

கிரீன் டீ குடிப்பதன் நன்மைகள்

இஞ்சியில் உள்ள அல்லிசின் என்ற தனிமம் உயர் இரத்த அழுத்தத்தைக் கட்டுப்படுத்துகிறது. இதில், இரத்த ஓட்டத்தை மேம்படுத்தும் சக்தி வாய்ந்த ஆன்டிஆக்ஸிடன்ட்கள் உள்ளன. இஞ்சியில் உடல் பருமனை குறைக்கும் ஆன்டி-ஒபிசிட்டி பண்புகள் உள்ளது.

எலுமிச்சை வளர்சிதை மாற்றத்தை அதிகரிக்க அறியப்படுகிறது, இது கொழுப்பை எரிக்க உதவுகிறது. இது டையூரிடிக் பண்புகளைக் கொண்டுள்ளது. எலுமிச்சை அதிகப்படியான சோடியத்தை அகற்றுவதை ஊக்குவிக்கிறது. துளசி இலைகள் செரிமான பிரச்சனைகளை நீக்கி, உடல் எடையை குறைக்க உதவுகிறது.

இந்த பதிவும் உதவலாம் : உயர் இரத்த அழுத்தம் விறைப்புச் செயலிழப்புக்கு வழிவகுக்குமா?

நீங்கள் செரிமான பிரச்சனைகளால் அவதிப்பட்டாலும், துளசி இலைகள் உங்களுக்கு நன்மை பயக்கும். வலுவான செரிமானம் உங்கள் உடல் எடையை குறைக்க உதவுகிறது. துளசியில் ஆன்டி-ஆக்ஸிடன்ட்கள் மற்றும் யூஜெனால் அதிக பிபியைக் கட்டுப்படுத்தும். புதினாவில் ஆன்டிஆக்ஸிடன்ட்கள் நிறைந்துள்ளன, இது இரத்த அழுத்தம் மற்றும் உடல் பருமன் இரண்டையும் குறைக்க உதவுகிறது.

Pic Courtesy: Freepik