குழந்தைகளின் வளர்ச்சிக்கும், மூளைத் திறன் மேம்பாட்டிற்கும் சரியான சத்துகள் அவசியம் என்று ORTHOPEDIC & SPORTS SURGEON, டாக்டர் சாந்தோஷ் ஜேக்கப் அறிவுறுத்தியுள்ளார்.
இன்றைய காலத்தில் பல பெற்றோர் குழந்தைகளுக்கு Junk Foods எளிதாகக் கொடுத்து விடுகிறார்கள். அதனால் குழந்தைகளின் வளர்ச்சி பாதிக்கப்படுவதோடு, எதிர்காலத்தில் பல்வேறு நோய்களுக்கு வழிவகுக்கிறது. இதனைத் தவிர்க்க, குழந்தைகளின் தினசரி உணவுத் தட்டில் நான்கு முக்கிய அம்சங்களைச் சேர்க்க வேண்டும் என அவர் தெரிவித்துள்ளார்.
Video: https://www.instagram.com/reel/DN0qbHu4sgY/?utm_source=ig_web_copy_link&igsh=MzRlODBiNWFlZA==
குழந்தைகளின் உணவில் கட்டாயம் சேர்க்க வேண்டிய சத்துக்கள்
புரதச் சத்து – வளர்ச்சிக்கான அடிப்படை
“குழந்தைகள் தினமும் உடல் எடைக்கேற்ப 0.8 முதல் 1.2 கிராம் புரதச் சத்து எடுத்துக்கொள்ள வேண்டும். விளையாட்டிலும் உடற்பயிற்சியிலும் ஈடுபடும் குழந்தைகளுக்கு இது 1.5 முதல் 1.8 கிராம் வரை அதிகரிக்க வேண்டும். முட்டை, பால், பருப்பு, மீன், கோழி போன்றவை சிறந்த புரத மூலங்கள்” என்று அவர் குறிப்பிட்டார்.
நல்ல கொழுப்பு – மூளை வளர்ச்சிக்கு அவசியம்
பெரியவர்களைவிட குழந்தைகளுக்கு 2 முதல் 3 மடங்கு அதிகமான நல்ல கொழுப்புகள் தேவைப்படுவதாக நிபுணர் தெரிவித்துள்ளார். “வேர்க்கடலை, விதைகள், முட்டை, இறைச்சி, பன்னீர், தயிர், ஆலிவ் ஆயில் போன்றவற்றை உணவில் சேர்க்க வேண்டும். ஆனால் வறுத்த ஸ்நாக்ஸ் மற்றும் ஜங்க் உணவு தவிர்க்கப்பட வேண்டும்” என எச்சரித்தார்.
நார்ச்சத்து – செரிமானமும்.. எதிர்ப்பு சக்தியும்..
சிறு வயதில் இருந்தே காய்கறிகளை பழக்கப்படுத்தினால், மெதுவாக அதிக நார்ச்சத்து கொண்ட உணவுகளை எடுத்துக்கொள்வது மூலம் செரிமானம் மேம்படும், நோய் எதிர்ப்பு சக்தி அதிகரிக்கும் என்று அவர் குறிப்பிட்டார்.
முழுதானியங்கள் – இயற்கை உணவின் சக்தி
“குழந்தைகளின் தட்டில் முழுதானியங்கள் மற்றும் இயற்கை உணவுகள் அதிகம் இடம் பெற வேண்டும். ரெஃபைன் செய்யப்பட்ட, பொரித்த உணவுகளை குறைப்பது அவசியம்” என டாக்டர் சந்தோஷ் ஜேக்கப் கூறினார்.
இறுதியாக
குழந்தைகளின் ஆரோக்கியமான எதிர்காலத்திற்கு புரதம், நல்ல கொழுப்பு, நார்ச்சத்து மற்றும் முழுதானிய உணவுகள் மிக முக்கியம் என்று நிபுணர் வலியுறுத்தியுள்ளார்.
{Disclaimer: இந்தக் கட்டுரையில் கூறப்பட்டுள்ள தகவல்கள் பொதுவான ஆரோக்கிய விழிப்புணர்விற்காக மட்டுமே வழங்கப்பட்டுள்ளன. இவை மருத்துவ ஆலோசனையாகக் கருதப்படக்கூடாது. உங்கள் குழந்தைகளின் தனிப்பட்ட உடல்நிலை, உணவுப் பழக்கம் மற்றும் சத்துத் தேவைகளுக்கான சரியான வழிகாட்டலுக்காக மருத்துவர் அல்லது ஊட்டச்சத்து நிபுணரை அணுகுவது அவசியம்.}
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
