Symptoms of uterus problems: அன்றாட வாழ்வில் பெண்கள் பலரும் பல பிரச்சனைகளைச் சந்திக்க வேண்டிய சூழ்நிலை ஏற்படுகிறது. அதிலும், கர்ப்ப காலத்திலும் பெண்கள் பல பிரச்சனைகளைச் சந்திக்கின்றனர். ஆம் சில நேரங்களில் அவர்களுக்கு கருப்பையிலும் கூட பிரச்சனை ஏற்படலாம். இந்த பிரச்சனைகளை ஆரம்பத்திலேயே சரியாகக் கையாளாவிட்டால், அது சில நேரங்களில் கருப்பையை சேதப்படுத்தும் அபாயம் உள்ளது. எனவே இது போன்ற சூழ்நிலையில், பல வகையான அறிகுறிகளைக் காண வேண்டிய சூழ்நிலையும் உண்டாகலாம்.
இந்நிலையில், கருப்பை சேதமடைந்தால் ஏற்படக்கூடிய சில அறிகுறிகள் குறித்து இந்தியாவின் குடும்ப மருத்துவர்கள் சங்கத்தின் டாக்டர் ராமன் குமார் அவர்கள் சில தகவல்களைப் பகிர்ந்துள்ளார். இது குறித்து விரிவாகக் காண்போம்.
இந்த பதிவும் உதவலாம்: கருப்பை தொற்றிலிருந்து விடுபட மருத்துவர் சொன்ன இந்த வீட்டு வைத்தியங்களை ட்ரை பண்ணுங்க
கருப்பை தொடர்பான பிரச்சனைக்கான அறிகுறிகள்
ஒழுங்கற்ற மாதவிடாய்
சில நேரங்களில் பெண்களுக்கு ஏற்படக்கூடிய மாதவிடாய் ஒழுங்கற்ற தன்மையானது கருப்பையில் ஒரு பிரச்சனையை ஏற்படுத்துகிறது. எனவே மாதவிடாய் ஒழுங்காக இல்லாவிட்டால், அது கருப்பை தொடர்பான ஒரு பெரிய பிரச்சனையாக இருக்கலாம் என்றும் கூறப்படுகிறது. எனவே இந்நிலையைப் புறக்கணிப்பதற்கு மாற்றாக, எப்போதும் ஒரு மருத்துவரை அணுக வேண்டும். இந்த நிலையில், உடலின் சில பகுதிகளிலும் கூட வலியை உணரலாம்.
ஒரு வாரத்திற்கும் மேலாக மாதவிடாய் இருப்பது
டாக்டர் ராமன் குமார் அவர்களின் கூற்றுப்படி, கருப்பை சேதமடைவதன் காரணமாக, பெண்களுக்கு ஒரு வாரத்திற்கும் மேலாக நீடிக்கக்கூடிய மாதவிடாய் பிரச்சனை ஏற்பட வாய்ப்புள்ளது. மேலும் இந்த நிலையில், பெண்களுக்குத் தொடர்ந்து இரத்தப்போக்கு நீடித்து காணப்படுகிறது. மேலும் பல நேரங்களில் பெண்கள் இதை வேறு ஏதோ பிரச்சனையாக நினைத்து புறக்கணிக்கின்றனர். ஆனால், இந்த நிலையை புறக்கணிப்பது சில நேரங்களில் மற்ற நோய்களுக்கும் காரணமாக இருக்கலாம்.
கால் அல்லது முதுகு வலி
கருப்பையில் ஏதேனும் பிரச்சனை இருப்பின், உடலின் மற்ற சில பகுதிகளிலும் வலியை உணரக்கூடும். அதே போல, கால்கள் அல்லது இடுப்பில் கூட வலியை அனுபவிக்கலாம். உண்மையில், இது போன்ற சூழ்நிலையில், கருப்பையின் செல்கள் பாதிக்கப்படும் சூழல் உருவாகிறது. இதன் காரணமாக கால்களில் வலி ஏற்படுவதைத் தவிர, இடுப்பைச் சுற்றியுள்ள பகுதிகளிலும் விறைப்பு அல்லது வலி ஏற்படலாம். எனவே இந்நிலையை சாதாரணமாகக் கருதாமல் உடனடியாக மருத்துவ ஆலோசனை பெற வேண்டும்.
இந்த பதிவும் உதவலாம்: கருப்பைச் சரிவுக்கான காரணங்கள் என்ன தெரியுமா? அதன் தடுப்பு முறைகள் இதோ
சிறுநீர் கசிவு
சில சமயங்களில், கருப்பையில் ஏதேனும் பிரச்சனை அல்லது சேதம் ஏற்பட்டாலும் கூட சிறுநீர் கழித்தல் தொடர்பான பிரச்சனைகள் ஏற்பட அதிக வாய்ப்புள்ளது. எனவே இந்த சூழ்நிலையில் சிறுநீர் கசிவும் ஏற்படலாம். உண்மையில், கருப்பை சேதமடைவதால் சிறுநீர்ப்பையில் அழுத்தம் அதிகரிக்கத் தொடங்குகிறது. இது இடுப்பு தசைகளில் பலவீனத்தை ஏற்படுத்தக்கூடும். இதன் காரணமாக சிறுநீர் கழிப்பதில் சிரமத்துடன், கசிவும் பல முறை ஏற்படும்.
இந்த பிரச்சனைகள் அனைத்துமே கருப்பை தொடர்பான பிரச்சனைகளைக் குறிப்பதாகும். எனவே மேலே கூறப்பட்டுள்ள பிரச்சனைகள் ஏதேனும் சந்தித்தால், இதை சாதாரணமாகக் கருதக்கூடாது. மேலும், உடனடியாக மருத்துவ ஆலோசனை பெற்று இதனால் ஏற்படக்கூடிய பெரிய பிரச்சனைகளைத் தவிர்க்கலாம்.
இந்த பதிவும் உதவலாம்: மாதவிடாய் இல்லாத சமயத்திலும் இரத்தப்போக்கு ஏற்படுகிறதா? அதுக்கான காரணங்கள் இதோ..
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
