Amazing benefits of drinking bael juice every day: பொதுவாக வில்வம் என்பதற்கு உயிர் என்று பொருள். இந்த மரத்திலிருந்து பெறக்கூடிய பழம் பல்வேறு ஊட்டச்சத்துக்களைக் கொண்டுள்ளது. வுட் ஆப்பிள் அல்லது பேல் என்றழைக்கப்படும் வில்வ பழம் கோடைக்கால உணவில் ஒரு சூப்பர்ஃபுட்டாகக் கருதப்படுகிறது. இது பல்வேறு வைட்டமின்கள், தாதுக்கள், நார்ச்சத்து மற்றும் பிற முக்கிய கூறுகள் நிறைந்ததாகும். இந்த ஏராளமான ஊட்டச்சத்துக்கள் நிறைந்த வில்வ பழம் உடல் ஆரோக்கியத்திற்குப் பல்வேறு நன்மைகளைத் தருகிறது. வில்வ பழச்சாறு அருந்துவது நோய் எதிர்ப்பு சக்தியை மேம்படுத்துவது, செரிமானம் மற்றும் நீரிழிவு நோய் கட்டுப்பாடு உள்ளிட்ட பல்வேறு நன்மைகளைத் தருகிறது.
அதன் படி, ஊட்டச்சத்து நிபுணர் ந்மாமி அகர்வால் அவர்கள் சமீபத்தில் வீடியோ ஒன்றைப் பகிர்ந்துள்ளார். அதில் அவர் கூறியதாவது, “பண்டைய குடலுக்கு உகந்த சக்தி வாய்ந்த இந்த வில்வ பழச்சாறு ஆனது உள்நாட்டில் தயாரிக்கப்பட்ட, நிலையான மற்றும் ஆழ்ந்த சிகிச்சை பானம் ஆகும்” எனக் கூறி, இந்த பழச்சாற்றை அருந்துவதால் கிடைக்கும் நன்மைகள் குறித்து பகிர்ந்துள்ளார். மேலும் அவர் அதிக விலை மற்றும் வெளிநாட்டு சந்தைப்படுத்தல் கொண்ட மட்சா அல்லது கொம்புச்சா போன்ற நவநாகரீக சுகாதார பானங்களை விட வில்வ பழச்சாற்றைத் தேர்ந்தெடுக்குமாறு ந்மாமி அகர்வால் அறிவுறுத்தியுள்ளார்.
இந்த பதிவும் உதவலாம்: சுட்டெரிக்கும் வெயிலில் குளுகுளுனு இருக்க நிபுணர் சொன்ன இந்த மூன்றை மட்டும் எடுத்துக்கோங்க
வில்வ பழச்சாற்றை குடிப்பதால் கிடைக்கும் ஆரோக்கிய நன்மைகள்
நார்ச்சத்து நிறைந்த பானம்
வில்வ பழச்சாற்றில் அதிகளவிலான நார்ச்சத்துக்கள் நிறைந்துள்ளது. இது மலச்சிக்கலைத் தவிர்ப்பதன் மூலமும், சிறந்த செரிமானத்தை ஊக்குவிப்பதன் மூலமும் செரிமான ஆரோக்கியத்தை பராமரிக்க உதவுகிறது. ஆரோக்கியமான செரிமான அமைப்பை மேம்படுத்துவதன் மூலம் ஒட்டுமொத்த ஆரோக்கியத்தை ஊக்குவிக்கலாம். மேலும் வில்வ பழச்சாறு சீரான குடல் நுண்ணுயிரிகளை ஆதரிக்க உதவுகிறது.
கல்லீரல், குடல் ஆரோக்கியத்தை ஆதரிக்க
வில்வ பழச்சாற்றில் நிறைந்துள்ள ஊட்டச்சத்துக்கள் கல்லீரலை ஆதரிக்கும் குணங்களை வழங்குவதாக முயற்சித்த மற்றும் சோதிக்கப்பட்ட ஆயுர்வேத நடைமுறைகள் தெரிவிக்கின்றன. ஏனெனில், இது உடலின் நச்சுத்தன்மையை நீக்கவும், சிறுநீரகங்கள் மற்றும் கல்லீரலில் உள்ள அழுத்தத்தைக் குறைக்கவும் உதவுகிறது. இது தவிர, நச்சுகளை அகற்ற உதவுவதுடன், இரத்தத்தை சுத்திகரிக்கவும் உதவுகிறது. குறிப்பாக வெதுவெதுப்பான நீரில் வில்வ பழச்சாற்றை எடுத்துக் கொள்வது உறுப்புகளில் அழுத்தத்தைக் குறைக்க உதவுகிறது.
டானின்கள் மற்றும் ஆக்ஸிஜனேற்றிகள் நிறைந்தது
வுட் ஆப்பிள் அல்லது பேல் சாறு ஒரு இயற்கையான நோய் எதிர்ப்பு சக்தியை அதிகரிக்க உதவுவதாக ஊட்டச்சத்து நிபுணர் ந்மாமி அகர்வால் கூறியுள்ளார். பேல் சாற்றில் அதிகளவிலான ஆக்ஸிஜனேற்றிகள் மற்றும் டானின்கள் உள்ளது. இதில் கூமரின்கள், ஃபிளாவனாய்டுகள் மற்றும் டானின்கள் போன்ற அழற்சி எதிர்ப்பு, ஆக்ஸிஜனேற்ற மற்றும் பாக்டீரியா எதிர்ப்பு குணங்கள் கொண்ட பல்வேறு பைட்டோ கெமிக்கல்கள் உள்ளது.
இந்த பதிவும் உதவலாம்: Vilvam Fruit Benefits: வில்வ பழத்தில் உள்ள இந்த நன்மைக்காக நீங்க இத கட்டாயம் சாப்பிடணும்
குளிர்ச்சியூட்டும் பண்புகள் நிறைந்தது
ஊட்டச்சத்து நிபுணர் ந்மாமி அகர்வால் அவர்களின் கூற்றுப்படி, வில்வ பழச்சாறு அருந்துவது உடலை இயற்கையாகவே குளிர்விக்க உதவுகிறது. எனவே தான் இந்தியாவின் வெப்பமண்டல காலநிலைக்கு ஏற்ற பானமாக அமைகிறது. ஏனெனில், இது அதன் குளிர்ச்சியூட்டும் பண்புகளுக்கு நன்கு பெயர் பெற்றதாகும். இது ஒரு இயற்கை குளிரூட்டியாகவும், புத்துணர்ச்சியூட்டும் கோடைகால பானமாகவும் அமைகிறது.
பட்ஜெட்டுக்கு ஏற்ற பானம்
வில்வ பழச்சாறு அல்லது பேல் சர்பத் என்பது கடுமையான இந்திய கோடைக்காலத்திற்கு ஏற்ற ஒரு எளிய, பட்ஜெட்டுக்கு ஏற்ற, பருவகால மற்றும் சத்தான பானமாக அமைகிறது. இதற்கு "ஆடம்பரமான இறக்குமதிகள் தேவையில்லை" என நிபுணர் ந்மாமி அகர்வால் கூறியுள்ளார். இந்தப் பொருள்கள் செரிமானத்திற்கு உதவுவதுடன், நோய் எதிர்ப்பு சக்தியை மேம்படுத்த உதவுகிறது. அதே சமயம், இவை ஃப்ரீ ரேடிக்கல்களால் ஏற்படும் தீங்குகளிலிருந்து உடலைப் பாதுகாக்க வழிவகுக்கிறது.
ஊட்டச்சத்து நிபுணர் ந்மாமி அகர்வால் அவர்கள் மேலும் கூறுகையில், வில்வ பழங்களை சாற்றாகவோ அல்லது கிளாசிக் பேல் சர்பத் வடிவத்திலோ உட்கொள்ளத் தேர்வுசெய்தாலும், உயர்தர ஆரோக்கியத்திற்கு இது சிறந்த தேர்வாகும். இவை உடலுக்கு நன்மை பயக்கும்.
வில்வ பழங்களின் ஆரோக்கிய நன்மைகள் பீனால்கள், பெக்டின், கரோட்டினாய்டுகள் மற்றும் ஆல்கலாய்டுகள் போன்ற கூடுதல் உயிரியல் ரீதியாக செயல்படும் பொருட்கள் இருப்பதால், அது கூடுதல் நன்மைகளை வழங்க உதவுகிறது. வில்வ பழச் சாற்றை தொடர்ந்து உட்கொள்வது செரிமானத்தை மேம்படுத்தவும், மலச்சிக்கல் சிகிச்சை, நோயெதிர்ப்பு அமைப்பு வலுப்படுத்துதல் மற்றும் நோய் தடுப்புக்கு உதவுகிறது.
இந்த பதிவும் உதவலாம்: நீரேற்றம் முதல் சரும ஆரோக்கியம் வரை.. ஒட்டுமொத்த நன்மைகளையும் பெற சம்மரில் இந்த ஒரு ஜூஸ் குடிங்க போதும்
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
