குழந்தையின் முகத்தில் ஏற்படும் தடிப்புகளை தடுப்பது எப்படி?

$

குழந்தைகளுக்கு ஏற்படக்கூடிய தடிப்புகளுக்கான காரணங்கள் மற்றும் தடுப்பு முறைகளை இப்பதிவில் பார்க்கலாம்.

குழந்தையின் முகத்தில் தோன்றும் தடிப்புகள்: குழந்தைகளின் சருமம் மென்மையாக இருப்பதால், பெரும்பான்மையாகப் பல குழந்தைகளின் சருமத்தில் தடிப்புகள் காணப்படலாம். இதற்கு தகுந்த சிகிச்சை அளிக்கப்படாவிட்டால் அவை கொப்புளங்களாக மாறக்கூடும். பருவகாலம் மற்றும் கோடை காலத்தில் இந்த தடிப்புகள் பிரச்சனை அதிகரிக்கிறது. குழந்தைகளின் முகம், தொண்டை அல்லது முதுகில் தடிப்புகள் தோன்றலாம். இந்தத் தடிப்புகள் குழந்தைகளின் சருமத்தில் அரிப்பு அல்லது உறுத்தல் உணர்வை ஏற்படுத்தும். குழந்தையின் சருமத்தில் தடிப்புகள் ஏற்படுவதற்கான காரணங்கள் மற்றும் அதைத் தடுக்கும் முறைகளைப் பற்றி இந்தப் பதிவில் தெரிந்து கொள்ளலாம்.

குழந்தையின் முகத்தில் ஏற்படும் தடிப்புகளுக்கான காரணங்கள்

• அழுக்கு காரணமாக, குழந்தையின் முகத்தில் தடிப்புகள் தோன்றலாம். சருமத்தில் அழுக்கு இருந்தால், பாக்டீரியாக்கள் பெருகும்.

• குழந்தையின் சருமம் அதிக உணர்திறன் கொண்டதாக இருந்தால், பருவநிலை மாற்றத்தால் தடிப்புகள் ஏற்படலாம்.

• ஹார்மோன் மாற்றங்கள் காரணமாக, குழந்தையின் சருமத்தில் தடிப்புகள் பிரச்சனை வரக்கூடும்.

• ஒவ்வாமை குழந்தையின் சருமத்தில் தடிப்புகளை ஏற்படுத்தும். குழந்தையின் சருமம் உணர்திறன் கொண்டதாக இருந்தால், மருத்துவரின் ஆலோசனையின்றி குழந்தையின் சருமத்தில் எந்தவித தயாரிப்புகளையும் பயன்படுத்த வேண்டாம்.

• குழந்தையின் அதிகப்படியான வியர்வையும் தடிப்புகளுக்கு ஒரு காரணமாக இருக்கலாம். கோடையில் இந்தப் பிரச்சனை அதிகரிக்கும்.

• தாய்ப்பால் கொடுத்தபிறகு, குழந்தையின் முகத்தைச் சுத்தமான துணியால் துடைக்கவும். சருமத்தில் பால் ஒட்டிக்கொண்டாலும் தொற்று ஏற்படலாம்.

தடிப்புகள் பிரச்சனையிலிருந்து குழந்தையைப் பாத்துக்காப்பது எப்படி?

• குழந்தையின் உடலைச் சுத்தமாக வைத்திருங்கள். உங்களால் குழந்தையை தினமும் குளிப்பாட்ட முடியாத சூழ்நிலையில், சுத்தமான துணியை வெதுவெதுப்பான தண்ணீரில் நனைத்து துடைத்து விடுங்கள்.

• குழந்தையைக் குளிப்பாட்டிய பின் நன்றாகத் துடைக்கவும். குழந்தையின் சருமம் ஈரமாக இருக்கக் கூடாது.

• குழந்தைக்குச் சுத்தமான மற்றும் தளர்வான ஆடைகளை அணிவிக்கவும்.

• குழந்தையின் சருமத்தில் தடிப்புகள் தோன்றியிருந்தால், குளிக்க வைக்கும்பொழுது வெதுவெதுப்பான நீரையே பயன்படுத்த வேண்டும்.

• குழந்தைக்கு சரியான அளவு உணவு கொடுங்கள்.

• குழந்தையின் சருமம் தூசி மற்றும் மண்ணால் பாதிக்கப்படலாம். ஆகையால் குழந்தையின் தலையணை, போர்வை மற்றும் துண்டுகளை சுத்தமாக வைத்துக்கொள்வதில் சிறப்பு கவனம் செலுத்துங்கள்.

• குழந்தையைத் தொடும் முன் கைகளை நன்றாகச் சுத்தம் செய்யுங்கள். அசுத்தமான கைகளலால் குழந்தைக்குத் தொற்று ஏற்படலாம்.

இந்தக் குறிப்புகள்மூலம் குழந்தையைத் தடிப்புகள் பிரச்சனையிலிருந்து பாதுகாக்கலாம். குழந்தையின் சருமத்தில் தடிப்புகள் அதிகமாக இருந்தால், வீட்டு வைத்தியத்தை பின்பற்றுவதை விட மருத்துவரைக் கலந்தாலோசிப்பது நல்லது.

Images Credit: freepik