Crispy Prawn Balls: இறாலை வைத்து ஒரு சூப்பரான கோலா உருண்டை செய்யலாமா?

$

Crispy Prawn Balls Recipe in Tamil: நம்மில் பலருக்கு மீன் பிடிக்கும். குறிப்பாக பிரான் என ஆங்கிலத்தில் அழைக்கப்படும் இறால் பிடிக்காதவர்கள் யாரும் இருக்க முடியாது. ஏனென்றால், மீன் வகைகளில் இதில் முள் இருக்காது. நாம் பெரும்பாலும் இறாலை வைத்து பிரான் பிரியாணி அல்லது பிரான் வறுவல், கிரேவி செய்திருப்போம்.

இறாலை வைத்து ஏதாவது புதிய ரெசிப்பி செய்ய நீங்கள் நினைத்தால் உங்களுக்கு நாங்கள் உதவுகிறோம். வாருங்கள் மிகவும் சுலபமான முறையில் சுவையான இறால் கோலா உருண்டை எப்படி செய்வது என பார்க்கலாம்.

இந்த பதிவும் உதவலாம் : Prawn Biryani: குக்கரில் இறால் பிரியாணி செய்வது எப்படி? இதோ ரெசிபி!

தேவையான பொருட்கள்

இறால் - 500 கிராம்
உப்பு - 1/2 தேக்கரண்டி
மிளகு
சோயா சாஸ் - 2 தேக்கரண்டி
இஞ்சி, பூண்டு, பச்சை மிளகாய் & வெங்காயம் ஒட்டு - 1 மேசைக்கரண்டி
முட்டை - 1
சோள மாவு - 2 மேசைக்கரண்டி
பிரட்தூள் - 1/4 கப்
எண்ணெய் - தேவையான அளவு

இறால் கோலா உருண்டை செய்முறை:

• முதலில் இறாலை மஞ்சள் தூள் மற்றும் உப்பு சேர்த்து நன்கு கழுவிக்கொள்ளவும்.
• பிறகு இறாலை துண்டு துண்டாக வெட்டி வைக்கவும்.
• வெட்டி வைத்த இறாலில் தேவையான அளவு உப்பு,மிளகு தூள், சோயா சாஸ்,( இஞ்சி, பூண்டு, பச்சை மிளகாய் & வெங்காயம்) விழுது சேர்த்து நன்கு கலக்கி கொள்ளவும்.
• இந்த கலவையில் ஒரு முட்டை உடைத்து ஊற்றி அதில் சோள மாவு மற்றும் பிரட் தூள் சேர்த்து நன்கு கலக்கிக்கொள்ளவும்.
• இந்த இறால் கலவையில் இருந்து ஒரு உருண்டையை எடுத்து பிரட் தூள்களை அதன் மேல் தூவி நன்கு உருட்டி வைக்கவும்.

இந்த பதிவும் உதவலாம் : இனி ஈஸியான முறையில் கடலை மிட்டாய் செய்யலாம்..

• இந்த இறால் உருண்டைகளை பிரிட்ஜ்ல் வைத்து 20 நிமிடத்திற்கு குளிரூட்டவும்.
• இதையடுத்து 20 நிமிடத்திற்கு பின்பு ஒரு கடாயில் எண்ணெய் சேர்த்து பொன்னிறமாக பொறித்து எடுத்தால் சுவையான மற்றும் மொறுமொறுப்பான இறால் கோலா உருண்டை தயார்.

இறால் சாப்பிடுவதன் ஆரோக்கிய நன்மைகள்

இதய ஆரோக்கியம்

இறால்களில் ஒமேகா-3 கொழுப்பு அமிலங்கள் நிறைந்துள்ளன. அவை வீக்கத்தைக் குறைக்கவும், இரத்த அழுத்தத்தைக் குறைக்கவும், இதய நோய் அபாயத்தைக் குறைக்கவும் உதவும்.

வலுவான எலும்புகள்

இறால்கள் கால்சியம் மற்றும் பாஸ்பரஸின் நல்ல மூலமாகும். அவை வலுவான எலும்புகளை பராமரிக்கவும், ஆஸ்டியோபோரோசிஸ் தடுக்கவும் முக்கியம்.

மூளை ஆரோக்கியம்

இறாலில் அஸ்டாக்சாண்டின் உள்ளது. இது ஒரு ஆக்ஸிஜனேற்ற மற்றும் அழற்சி எதிர்ப்பு ஊட்டச்சத்து ஆகும். இது மூளை செல்கள் சேதமடைவதை தடுக்க உதவுகிறது.

இந்த பதிவும் உதவலாம் : Potato Balls: குழந்தைகளுக்கு பிடித்த மொறு மொறு பூண்டு உருளைக்கிழங்கு பால்ஸ் செய்யலாமா?

நோய் எதிர்ப்பு அமைப்பு

இறால்களில் துத்தநாகம் உள்ளது. இது லெப்டினுடன் தொடர்புடையது. இது பசியின்மை மற்றும் கொழுப்பு சேமிப்பை ஒழுங்குபடுத்துகிறது.

தோல் ஆரோக்கியம்

இறாலில் வைட்டமின் ஈ உள்ளது. இது சருமத்தை பராமரிக்கவும் தோல் நோய்களுக்கு சிகிச்சையளிக்கவும் உதவுகிறது.

எடை இழப்பு

இறாலில் குறைந்த கலோரிகள் மற்றும் நிறைவுற்ற கொழுப்பு உள்ளது. மேலும், அதிக புரதம் உள்ளது. இது நீண்ட நேரம் முழுதாக உணர உதவும்.

கொலஸ்ட்ரால் குறையும்

தினமும் இறாலை சாப்பிடும் பெரியவர்களுக்கு கெட்ட கொலஸ்ட்ரால் குறைவாகவும், சாப்பிடாதவர்களை விட நல்ல கொலஸ்ட்ரால் அதிகமாகவும் இருக்கும்.

இந்த பதிவும் உதவலாம் : Peanut Ladoo: வெறும் 3 பொருள் இருந்தால் போதும் சுவையான வேர்க்கடலை லட்டு செய்யலாம்!

குறைந்த இரத்த அழுத்தம்

இறாலை தொடர்ந்து சாப்பிடும் பெண்களுக்கு, சாப்பிடாதவர்களை விட ரத்த அழுத்தம் குறைவாக இருக்கும்.

Pic Courtesy: Freepik