White Sauce Macaroni: ஈஸியான முறையில் வீட்டிலேயே சுவையான ஒயிட் சாஸ் மேக்ரோனி செய்வது எப்படி?

Cheesy White Sauce Macaroni In Tamil: தவறான உணவு பழக்கம் மற்றும் செயலாற்ற வாழ்க்கை முறை காரணமாக எட்டில் இருவர் உடல் பருமனால் அவதிப்படுவதாக ஆய்வுகள் கூறுகிறது. உணவு முறை மூலம் நாம் உடல் எடையை கட்டுப்படுத்தலாம் என்பது உங்களுக்கு தெரியுமா? உடல் எடையை குறைக்க உதவும் மக்ரோனி எப்படி செய்வது என நாங்கள் உங்களுக்கு கூறுகிறோம்.

பாஸ்தா பிடிக்காதவர்கள் இருக்க முடியாது. ஏனென்றால், நம்மில் பலர் காலை அல்லது இரவு உணவாக பாஸ்தாவை தான் சாப்பிடுவோம். என்னடா... எப்போமே மக்ரோனி பாஸ்தாவை ஒரே மாதிரியாக சமைத்து சாப்பிட்டு சலிப்பாகி விட்டது என்று நீங்கள் நினைத்தால், இந்த முறையில் சமைத்து சாப்பிட்டு பாருங்க. சுவை அட்டகாசமாக இருக்கும். அது மட்டும் அல்ல, உடல் எடையை குறைக்கவும் இது உதவியாக இருக்கும். இதை குழந்தைகள் முதல் பெரியவர்கள் வரை அனைவரும் சாப்பிடலாம். வாருங்கள் ஒயிட் சாஸ் மேக்ரோனி செய்முறை பற்றி பார்க்கலாம்.

இந்த பதிவும் உதவலாம்: Guntur Chicken Masala: ஒரு முறை சிக்கனை இப்படி செய்து கொடுங்க... அடிக்கடி செய்ய சொல்லி கேப்பாங்க!

தேவையான பொருட்கள்

ஒயிட் சாஸ் மேக்ரோனி செய்ய

மேக்ரோனி - 1 1/2 கப்
உப்பு - 1 தேக்கரண்டி
வெண்ணெய் - 1 மேசைக்கரண்டி
எண்ணெய் - 1 தேக்கரண்டி
வெங்காயம் - 1 நறுக்கியது
பூண்டு - 5 பற்கள் நறுக்கியது
குடைமிளகாய்
மிளகு தூள் - 1/2 தேக்கரண்டி
ரெட் சில்லி பிளேக்ஸ் - 1 தேக்கரண்டி
இட்டாலியன் சீசனிங் - 1 தேக்கரண்டி

ஒயிட் சாஸ் செய்ய

வெண்ணெய் - 1 1/2 மேசைக்கரண்டி
மைதா - 2 மேசைக்கரண்டி
பால் - 1 1/2 கப்
உப்பு - 1/4 தேக்கரண்டி
மிளகு தூள் - 1/2 தேக்கரண்டி
ரெட் சில்லி பிளேக்ஸ் - 1/2 தேக்கரண்டி
மிக்ஸ்டு ஹெர்ப்ஸ் - 1/2 தேக்கரண்டி
சீஸ் - 2 துண்டுகள்

ஒயிட் சாஸ் மேக்ரோனி செய்முறை:

ஒயிட் சாஸ் மேக்ரோனி செய்ய

• ஒரு பாத்திரத்தில் தண்ணீர் ஊற்றி, தண்ணீர் கொதித்தவுடன் அதில் மேக்ரோனி மற்றும் உப்பு சேர்த்து வேகவைக்கவும்.
• மேக்ரோனி வெந்தவுடன் தண்ணீரை வடிகட்டி தனியாக எடுத்து வைக்கவும்.
• ஒரு கடாயில், வெண்ணெய் மற்றும் எண்ணெய் சேர்க்கவும் பிறகு வெங்காயம் மற்றும் பூண்டு சேர்த்து 1 நிமிடம் வதக்கவும்.
• வெங்காயம் வெந்தவுடன், சிவப்பு, பச்சை மற்றும் மஞ்சள் குடைமிளகாய் சேர்த்து வதக்கவும்.
• அடுத்து உப்பு, மிளகு தூள், ரெட் சில்லி பிளேக்ஸ் இட்டாலியன் சீசனிங் சேர்த்து நன்கு கலக்கவும்.
• பின்பு இதில் வேகவைத்த மேக்ரோனியைச் சேர்த்து, நன்கு கிளறி, அடுப்பை அணைத்து எடுத்து வைக்கவும்.

இந்த பதிவும் உதவலாம்: Yellow Dragon Fruit: அடேங்கப்பா.. சிவப்பு டிராகன் பழத்தை விட மஞ்சள் டிராகன் பழத்தில் இவ்வளவு சத்து இருக்கா?

ஒயிட் சாஸ் செய்ய

• ஒரு அகல கடாயில், வெண்ணெய் மற்றும் மைதா மாவு சேர்த்து நன்றாக கலக்கவும்.
• பின்பு சிறிது சிறிதாக பாலை ஊற்றி, மிதமான தீயில் கட்டியின்றி கலந்து விடவும்.
• அடுத்து உப்பு, மிளகு தூள், ரெட் சில்லி பிளேக்ஸ், மிக்ஸ்டு ஹெர்ப்ஸ், சேர்த்து குறைத்த தீயில் சமைக்கவும்.
• பிறகு சீஸ் துண்டுகளை சேர்த்து முழுமையாக உருகவிடவும்.
• அடுத்து வேகவைத்த மேக்ரோனியைச் சேர்த்து எல்லாவற்றையும் நன்கு கலக்கவும்.
• இறுதியாக மேலே துருவிய சீஸ், ரெட் சில்லி பிளேக்ஸ் தூவி ஒயிட் சாஸ் மேக்ரோனியை சூடாக பரிமாறவும்.

மக்ரோனி ஆரோக்கிய நன்மைகள்:

எடை இழப்புக்கு நல்லது

மக்ரோனி அதன் சிறந்த சுவைக்காக அடிக்கடி விரும்பப்படுகிறது. இது ஊட்டச்சத்து நன்மைகளின் புதையல். அதை நீங்கள் அறிந்தால் ஆச்சரியப்படுவீர்கள். அதன் சிக்கலான கார்போஹைட்ரேட் சுயவிவரத்திலிருந்து குறைந்த கொழுப்பு உள்ளடக்கம் வரை, இது நீடித்த ஆற்றலைப் பராமரிக்க உதவுகிறது.

ஊட்டச்சத்து நிறைந்தது

மக்ரோனி சுவையாக இருப்பது மட்டுமின்றி, இதில் ஏராளமான சத்துக்களும் நிறைந்துள்ளன. வைட்டமின் பி மற்றும் இரும்பு போன்ற பல அத்தியாவசிய ஊட்டச்சத்துக்கள் இதில் காணப்படுகின்றன. இது வளர்சிதை மாற்றத்தை மேம்படுத்த உதவுகிறது. இது தவிர, இதில் உள்ள ஏராளமான சத்தான பண்புகள் இதை சாப்பிடுவதற்கு சிறந்த தேர்வாக அமைகிறது.

இந்த பதிவும் உதவலாம்: மீண்டும் மீண்டும் கேட்கத் தூண்டும் வாழைக்காய் மசாலா சாதம்! இப்படி செஞ்சா மிச்சமே இருக்காது

மக்ரோனியின் மற்ற நன்மைகள்

மக்ரோனி செரிமானத்தை மேம்படுத்துகிறது, பசியைக் குறைக்கிறது, நீரிழிவு நோயைத் தடுக்க உதவுகிறது. அதுமட்டுமின்றி, கொலஸ்ட்ராலைக் குறைக்கவும், இதயம் தொடர்பான நோய்களில் இருந்தும் பாதுகாப்பு அளிக்கவும் மிகவும் உதவியாக இருக்கிறது.

Pic Courtesy: Freepik