$
10000 Steps Walking: எளிதான உடற்பயிற்சி மூலம் உடல் தகுதி பெற விரும்புவோருக்கு, நடைப்பயிற்சி சிறந்த வழி. பல்வேறு வகையான உடற்பயிற்சிகள் மற்றும் யோகா என்பது இந்த அவசர காலக்கட்டத்தில் அனைவருக்கும் சாத்தியமில்லை. ஆனால் நடைபயிற்சி என்பது அனைவருக்கும் சாத்தியமான ஒன்றாகும்.
இப்போதெல்லாம், நடையைக் கண்காணிக்க பல்வேறு வகையான பயன்பாடுகள் மற்றும் சாதனங்கள் வந்துள்ளன. ஸ்மார்ட் வாட்ச் போன்ற உடற்பயிற்சி சாதனங்களின் உதவியுடன், நீங்கள் ஒரு நாளில் எத்தனை நடைகள் மேற்கொண்டுள்ளீர்கள், உடல் செயல்பாடுகள் என்ன, தூக்கம் எவ்வளவு என்பது குறித்து கூட அறிந்துக் கொள்ளலாம்.
நடைபயிற்சி என்பது தற்போது உடற்பயிற்சி ட்ரெண்டாக மாறியுள்ளது. ஒரு நாளைக்கு 10 ஆயிரம் படிகள் நடப்பது நன்மை பயக்கும் என்று பல நிபுணர்கள் நம்புகிறார்கள். 10 ஆயிரம் படிகள் நடப்பது என்பது ஒரு நாளைக்கு 7.6 கிலோமீட்டர் நடப்பதற்கு சமம்.
ஒரு நாளைக்கு 10 ஆயிரம் படிகளை மேற்கொள்வதன் மூலம், தசை வலிமை அதிகரிப்பதோடு, உடல் சக்தியும் அதிகரிக்கிறது. 10 ஆயிரம் படிகள் நடப்பதால் ஏற்படும் மற்ற பலன்களையும் அறிந்துக் கொள்ளலாம்.
10 ஆயிரம் படிகள் நடப்பதால் எத்தனை கலோரிகள் எரிக்கப்படுகின்றன?
ஒரு மதிப்பீட்டின்படி, 1 ஆயிரம் படிகள் நடப்பது சுமார் 30 முதல் 40 கலோரிகளை எரிக்கிறது. அதேசமயம் 10 ஆயிரம் படிகள் நடப்பவர் 300 முதல் 400 கலோரிகளை எரிக்க முடியும். இருப்பினும், 10 ஆயிரம் படிகள் நடப்பதன் மூலம் நீங்கள் எவ்வளவு கலோரிகளை எரிப்பீர்கள் என்பது நீங்கள் எந்த வேகத்தில் நடக்கிறீர்கள் மற்றும் எந்த மேற்பரப்பில் நடக்கிறீர்களா என்பதைப் பொறுத்தது.
தினமும் 10 ஆயிரம் படிகள் நடப்பதால் கிடைக்கும் நன்மைகள்
உடல் எடையை குறைக்க, தினசரி 10,000 படிகள் எண்ணிக்கையை முடிப்பதும் ஒரு நேர்மறையான இலக்காகும். தினமும் நடைப்பயிற்சி செய்வதன் மூலம் ஒரு வாரத்தில் 1 முதல் 2 கிலோ வரை எடை குறைக்கலாம்.
தினமும் 10 ஆயிரம் படிகள் நடப்பது இதய நோய் அபாயத்தைக் குறைக்கிறது. மாரடைப்பு அபாயமும் குறையும்.
10 ஆயிரம் படிகள் நடப்பதன் மூலம் ரத்தத்தில் சர்க்கரை அளவு கட்டுப்படும். முன்பை விட சுறுசுறுப்பாக இருப்பது பிபியை கட்டுப்படுத்த உதவுகிறது.
பதட்டம் மற்றும் மனச்சோர்வைக் குறைக்க, 10 ஆயிரம் படிகள் நன்மை பயக்கும்.
தூக்கமின்மை உள்ளவர்கள், தினமும் 10 ஆயிரம் படிகளை எண்ணினால், அவர்களின் தூக்கம் சீராகும்.
10 ஆயிரம் படிகள் நடக்க ஆரம்பிப்பது எப்படி?
திடீரென 10 ஆயிரம் படிகள் நடப்பது சாத்தியமல்ல. ஏற்கனவே நடந்து கொண்டிருப்பவர்களுக்கு இந்த இலக்கை அடைவது சற்று எளிதாக இருக்கலாம். ஆனால் 10 ஆயிரம் படிகள் நடக்க, முன் பயிற்சி செய்ய வேண்டும்.
இந்த இலக்கை நீங்கள் திடீரென்று முடிக்க முயற்சித்தால், தசைகளில் பதற்றம், எலும்புகளில் வலி அல்லது அதிகப்படியான சோர்வு போன்றவற்றை நீங்கள் உணரலாம், 10 ஆயிரம் படிகள் நடக்க வேண்டும் என்ற இலக்கை முடிக்க பின்பற்ற உதவும் வழிகளை பார்க்கலாம்.
உங்கள் வயது மற்றும் எடை அதிகமாக இருந்தால், முதல் நாளில் 1 ஆயிரம் அடிகள் நடக்க வேண்டும் என்ற இலக்கை உருவாக்குங்கள்.
முதல் நாளில், இலக்கை அடைவது கடினமாக இருக்கலாம், 3 முதல் 4 நாட்களுக்குப் பிறகு படிகளை 2.5 ஆயிரமாக அதிகரிக்கவும்.
நீங்கள் 5 ஆயிரம் படிகள் எளிதாக நடக்க முடிந்தால், 10 ஆயிரம் படிகள் நடப்பது எளிது.
ஒவ்வொருவரின் திறமையும் வித்தியாசமானது. இந்த இலக்கை அடைய ஒருவருக்கு மாதங்கள் கூட ஆகலாம்.
நீங்கள் 10,000 படிகளை எட்டும்போது, உங்கள் படிகளை ஜாகிங் மற்றும் ஓட்டம் போன்ற செயல்களாக மாற்றவும்.
ஒரு நாளைக்கு 10,000 படிகள் என்பது எப்படி தொடங்கியது?
ஒரு நாளைக்கு 10,000 படிகள் நடப்பது ஒரு விஞ்ஞானி அல்லது ஒரு சுகாதார நிபுணரின் யோசனையாக இருக்கலாம் என்று தோன்றுகிறது. இருப்பினும், இது ஒரு ஜப்பானிய நிறுவனத்தின் வேலை என்பதை அறிந்தால் நீங்கள் ஆச்சரியப்படுவீர்கள். ஒரு நாளைக்கு 10,000 படிகள் என்ற எண்ணம் 1965 ஆம் ஆண்டு ஜப்பானிய நிறுவனம் ஒரு சாதனத்தைக் கொண்டு வந்தது.
இதற்கு 10,000 படிகள் மீட்டர் என்று பொருள்படும் ‘மன்போ-கேய்’ என்று பெயரிடப்பட்டது. இது ஒரு மார்க்கெட்டிங் உத்தி என்றாலும், ஹார்வர்ட் ஹெல்த் ஆராய்ச்சியாளரின் கூற்றுப்படி, இந்த யோசனை விரைவில் பரவியது. பல நிறுவனங்கள் 10,000 படிகளை இயல்புநிலை எண்ணாகக் கொண்டு எண்ணும் சாதனங்களைக் கொண்டு வந்தன.
பல ஸ்மார்ட்போன் பயன்பாடுகளும் இதே யோசனையுடன் வந்தன. எனவே, எந்த அறிவியல் ஆதாரமும் இல்லாமல், இந்த கார்ப்பரேட் யோசனை விரைவில் வளர்ச்சியடையத் தொடங்கியது. அப்போது தொடங்கி இன்றுவரை 10,000 படிகள் என்பது பலரால் பின்பற்றப்படுகிறது.
முதலாவதாக, உடற்பயிற்சி செய்வது ஆரோக்கியத்திற்கு நல்லது. எனவே, நீங்கள் 3,000 படிகள் நடந்தால், அது 2,000 ஐ விட சிறப்பாக இருக்கும். இதேபோல், 4,000 ஐ விட 5,000 சிறப்பாக இருக்கும். நடைபயிற்சி என்பது உடல் நலத்திற்கு ஏற்ற சிறந்த உடற்பயிற்சி. படிகளை முன்னேற்ற மனது மிக முக்கியமான ஒன்று.
சுகாதார ரீதியாக, 7,000 படிகளும் குறிப்பிடத்தக்க எண்ணிக்கையாகவே சுட்டிக்காட்டப்படுகின்றன.
பல படிகள் நடப்பது, பங்கேற்பாளர் முன்கூட்டியே இறப்பதற்கான வாய்ப்புகளை 50 முதல் 70% வரை குறைத்துள்ளது என்று ஆராய்ச்சியாளர்கள் கண்டறிந்தனர்.
நீங்கள் உங்கள் ஆரோக்கியத்தில் கவனம் செலுத்துகிறீர்கள் என்றால் 10,000 நடைகள் உதவியாக இருக்கும், இருப்பினும் அது முடியவில்லை என்றால் 7,000 நடைகள் இலக்காகக் கொள்வதும் உங்கள் ஏற்ற வழியாக இருக்கும்.
நடைகளின் எண்ணிக்கை என்பது இறப்பு விகிதத்தில் நேரடி தாக்கத்தை ஏற்படுத்துகிறது. நடைகளின் எண்ணிக்கை அதிகரிப்பது என்பது இறப்பு விகிதத்தையும் குறைக்க உதவுகிறது.
ஒரு நாளைக்கு 7,000 முதல் 7,5000 படிகள் ஒரு சிறந்த எண்ணாகக் கருதப்படலாம், இது ஒரு நாளைக்கு 10,000 படிகளை விட 25% குறைவு என்பதாகும்.
image source: freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
