Summer SkinCare: கோடை காலத்தில் முகத்தில் பருக்கள் தோன்றும். இதற்கு முகத்தை சுத்தம் செய்யாதது தான் பெரிய காரணம். உங்கள் முகத்தை தூசியிலிருந்து பாதுகாக்காமல், சுத்தம் செய்யாமல் இருந்தால், பருக்கள் பிரச்சனை உங்களை அடிக்கடி தொந்தரவு செய்யும். சருமத்தில் எண்ணெய் பசை அதிகம் உள்ளவர்களுக்கு எளிதில் பருக்கள் வரும்.
குறைந்த அளவு தண்ணீர் குடிப்பது, ஆரோக்கியமான உணவு முறைகளை பின்பற்றாதது, கோடையில் சரும பராமரிப்பு முறைகளை பின்பற்றாதது போன்றவைகள் இதற்கு பிரதான காரணங்கள். இந்த காரணங்களால் கோடையில் முகப்பரு பிரச்சனை அதிகரிக்கிறது. நீங்கள் முகப்பரு இல்லாத சருமத்தைப் பெற விரும்பினால், கோடை நாட்களில் சில வழிகளை பின்பற்றுவது அவசியம்.
முகப்பரு இல்லாத சருமத்தைப் பெற வெள்ளரிக்காய் மற்றும் மஞ்சள் பேருதவியாக இருக்கும். இதை பயன்படுத்தி ஃபேஸ்பேக் செய்வது எப்படி, இதை எப்படி முகத்தில் தடவலாம் என்பது குறித்து இந்த பதிவில் பார்க்கலாம்.
பருக்கள் இல்லாத சருமத்திற்கான ஃபேஸ் பேக்
தேவைப்படும் பொருள்
1/2 கப் நறுக்கிய வெள்ளரி
1 தேக்கரண்டி மஞ்சள்
ரோஸ் வாட்டர் (விரும்பினால்)
கோடை ஃபேஸ் பேக் செய்முறை
நறுக்கிய வெள்ளரிக்காயை சுத்தமான கிண்ணத்தில் வைத்துக் கொள்ளவும்.
இப்போது அதில் மஞ்சள் சேர்க்கவும்.
தேவைப்பட்டால் அதில் சிறிது ரோஸ் வாட்டர் கலந்துக் கொள்ளவும்.
ரோஸ்வாட்டர் சருமத்தை குளிர்விக்கும்.
இதை ஒரு பேஸ்ட் வடிவில் நன்றாக கலக்கவும்.
இப்போது இந்த பேஸ்ட்டை உங்கள் முகம் மற்றும் கழுத்து பகுதியில் தடவவும்.
இதற்கு முன்புவரை உங்கள் தோல் சுத்தமாக இருக்கிறது என்பதை உறுதிப்படுத்திக் கொள்ளுங்கள்.
சுமார் 20 நிமிடம் வரை இந்த ஃபேஸ் பேக்கை முகத்தில் வைக்கவும்.
பின் உங்கள் முகத்தை குளிர்ந்த நீரில் நன்கு கழுவவும். 
இந்த ஃபேஸ் பேக் உங்கள் முகத்தை முற்றிலும் குணப்படுத்த உதவும். இதில் உள்ள அழற்சி எதிர்ப்பு பண்புகள் உங்கள் சருமத்தை பாதுகாப்பாகவும் ஆரோக்கியமாகவும் வைத்திருக்க உதவும்.
வெள்ளரி மற்றும் மஞ்சள் ஃபேஸ் பேக் நன்மைகள்
வெள்ளரி மற்றும் மஞ்சள் ஃபேஸ் பேக்கை சருமத்தில் தடவினால் பல நன்மைகள் கிடைக்கும். வெள்ளரி மற்றும் மஞ்சளில் பாக்டீரியா எதிர்ப்பு பண்புகள் காணப்படுகின்றன. வைட்டமின் சி வெள்ளரிக்காயில் உள்ளது மற்றும் மஞ்சளில் உள்ள ஆன்டிஆக்ஸிடன்ட்களின் உதவியுடன் சருமத்தின் பொலிவை அதிகரிக்கலாம்.
வெள்ளரிக்காய் மற்றும் மஞ்சள் கொண்ட ஃபேஸ் பேக்கில் பாக்டீரியா எதிர்ப்பு பண்புகள் காணப்படுகின்றன, இது சருமத்தை சுத்தமாக வைத்திருக்கும் மற்றும் முகப்பரு பிரச்சனையை நீக்குகிறது. மஞ்சளின் உதவியால், சருமம் பொலிவு பெறுவதுடன், வெள்ளரிக்காயில் உள்ள ஆன்டி-ஆக்ஸிடன்ட்களின் உதவியுடன், சருமம் புத்துணர்ச்சியுடன் இருக்கும். இந்த ஃபேஸ் பேக்கின் உதவியுடன், மெல்லிய கோடுகள் மற்றும் சுருக்கங்கள் பிரச்சனையும் நீங்கும்.
கோடை கால சரும பிர்சசனைகளை இந்த வழிகள் மூலம் எளிதாக நீக்கலாம். உங்களுக்கு ஆரோக்கியம் தொடர்பான கூடுதல் தகவல் வேண்டுமென்றால் தொடர்ந்து OnlyMyHealth உடன் இணைந்திருங்கள்.
Pic Courtesy: FreePik