Home remedies to get rid of rashes in the body: பருவகால மாற்றங்கள் உள்ளிட்ட பலதரப்பட்ட காரணங்களால் உடல் முழுவதும் அரிப்பு மற்றும் தடிப்புகள் போன்ற பிரச்சனையை எதிர்கொள்கின்றனர். பொதுவாக உடலில் அரிப்பு, தடிப்புகள் போன்றவை ஏற்பட்டால் உடலில் சிவப்பு நிற அடையாளங்கள் தோன்றலாம். இதைத் தொடும் போது வலி ஏற்படலாம். அது மட்டுமல்லாமல், அடிக்கடி ஏற்படும் அரிப்பு ஒரு தடையாக மாறுகிறது. இதற்கு சிகிச்சையளிக்கும் முன்னதாக, பருவநிலை மாற்றத்துடன் உடலில் அரிப்பு மற்றும் தடிப்புகள் ஏன் அதிகரிக்கின்றன என்பதைத் தெரிந்து கொள்ள வேண்டியது அவசியமாகும். இதில் சருமத்தில் அரிப்பு மற்றும் தடிப்புகள் பிரச்சனைக்கான காரணங்களையும், அதைத் தீர்ப்பதற்கான எளிய வழிகளையும் காணலாம்.
உடல் முழுவதும் அரிப்பு மற்றும் தடிப்பு ஏற்படுவதற்கான காரணங்கள்
- நாம் பெரும்பாலான நேரங்களில் குளிப்பதைத் தவிர்த்து விடுகிறோம். இதனால், உடலில் அழுக்கு தேங்கி தடிப்பு மற்றும் அரிப்பு ஏற்பட வாய்ப்புள்ளது.
- வானிலை காரணமாக சருமம் வறண்டு போகும் நிலை ஏற்படலாம். இது தொற்றுநோய்க்கு வழிவகுக்கிறது.
- தண்ணீர் குறைவாகக் குடிப்பதால் உடலில் நீரிழப்பு ஏற்பட்டு, சருமம் வறண்டு போகும் நிலையை அடைவதுடன், அரிப்பை ஏற்படுத்தலாம்.
இந்த பதிவும் உதவலாம்: உள்ளங்கை அரித்தால் பணம் வராதாம் இந்த நோய்கள் தான் வர வாய்ப்பிருக்காம்...!
அரிப்பு மற்றும் சொறிக்கான சிகிச்சை முறைகள்
தடிப்புகள் மற்றும் அரிப்புகளுக்கு சிகிச்சையளிக்க மருத்துவரை அணுகுவது நல்லது. பூஞ்சை அல்லது பாக்டீரியா தொற்றினால் சருமத்தில் ஏற்படும் நோய்களுக்கு மருத்துவர் மருந்து அல்லது கிரீமைப் பயன்படுத்த பரிந்துரைப்பர். இது தவிர, நீங்கள் சில எளிய முறைகளின் உதவியுடன் அரிப்பு மற்றும் தடிப்பைக் கட்டுப்படுத்தலாம்.
தொற்றை குணப்படுத்த மஞ்சள் பயன்பாடு
தோல் வெடிப்புகள் மற்றும் அரிப்புகளைத் தடுப்பதில் மஞ்சள் முக்கிய பங்கு வகிக்கிறது. இதற்கு ஒரு சிட்டிகை மஞ்சளை மஞ்சளை பாலுடன் கலந்து பேஸ்ட் செய்ய வேண்டும். பிறகு இந்தக் கலவையை பாதிக்கப்பட்ட பகுதியில் ஒரு நாளைக்கு இரண்டு முறை தடவலாம்.
இது காய்ந்த பிறகு, தோலை சுத்தமான தண்ணீரில் கழுவ வேண்டும். மஞ்சளில் வைரஸ் எதிர்ப்பு, பாக்டீரியா எதிர்ப்பு மற்றும் கிருமி நாசினி பண்புகளைக் கொண்டுள்ளது. இது தவிர, மஞ்சள் பால் உட்கொள்வதன் மூலம், தோல் மற்றும் உடல் நோய்களைத் தவிர்க்கலாம்.
வேம்பு பயன்பாடு
வேப்ப இலைகளில் பாக்டீரியா எதிர்ப்பு மற்றும் அழற்சி எதிர்ப்பு பண்புகள் போன்றவை நிறைந்துள்ளது. வேம்பு ஆனது பருக்களால் ஏற்படக்கூடிய வீக்கம், எரிச்சல் மற்றும் வலியைப் போக்குவதற்கு உதவக்கூடிய ஒரு இயற்கை மருந்தாகும். வேப்ப நீரில் குளிப்பதன் மூலம் தொற்றுக்களிலிருந்து விடுபடலாம்.
இதற்கு, வேப்ப இலைகளைக் கழுவி தண்ணீரில் போட வேண்டும். பின் இந்த தண்ணீரைக் கொதிக்க வைக்கலாம். இந்த வேப்பம் சாறு தண்ணீரில் கலந்தவுடன், தண்ணீரை குளிர்வித்து, அதனுடன் குளிக்க வேண்டும். இதன் மூலம் தொற்று விரைவில் குணமாகும்.
இந்த பதிவும் உதவலாம்: Itchy Skin Remedies: கோடைக்காலத்தில் சரும அரிப்பைத் தடுக்க உதவும் வீட்டு வைத்தியங்கள் இதோ
கற்றாழை ஜெல் பயன்பாடு
உடலில் ஏற்படக்கூடிய அரிப்பு மற்றும் தடிப்புகளைப் போக்க உதவும் எளிதான தீர்வாக கற்றாழை ஜெல்லைப் பயன்படுத்தலாம். இதற்கு கற்றாழை இலைகளிலிருந்து புதிய ஜெல்லைப் பிரித்தெடுக்க வேண்டும். பின் இதை பாதிக்கப்பட்ட பகுதியில் பயன்படுத்தலாம்.
புதிய கற்றாழை ஜெல்லைப் பயன்படுத்திய பிறகு பலருக்கு அரிப்பு ஏற்படுகிறது எனில், அவர்கள் சந்தையில் கிடைக்கும் கற்றாழை ஜெல்லையும் பயன்படுத்தலாம். எனினும், சந்தையில் கிடைக்கும் கற்றாழை ஜெல்லில் அதிக அளவு ரசாயனங்கள் இருக்கக்கூடாது என்பதை நினைவில் கொள்ள வேண்டும்.
கிராம்பு எண்ணெயைப் பயன்பாடு
அரிப்பு மற்றும் சொறி பிரச்சனைகளுக்கு சிகிச்சையளிக்க கிராம்பு எண்ணெயைப் பயன்படுத்தலாம். கிராம்புகளில் நுண்ணுயிர் எதிர்ப்பு பண்புகள் நிறைந்துள்ளது. இது அரிப்பு பிரச்சனையை ஏற்படுத்துகிறது. மேலும் பருக்களால் ஏற்படும் வீக்கத்திலிருந்து நிவாரணம் பெற இது ஒரு சிறந்த தீர்வாக அமைகிறது.
இதற்கு 4 முதல் 5 சொட்டு கிராம்பு எண்ணெயை சில துளிகள் தேங்காய் எண்ணெயுடன் கலந்து, பாதிக்கப்பட்ட பகுதியில் தடவ வேண்டும். பிறகு, இரவு முழுவதும் இதை அப்படியே விடலாம். இந்த மருந்தை ஒரு வாரம் முயற்சி செய்வதன் மூலம் தொற்று குணமாகும்.
தயிர் பயன்பாடு
சருமத்தில் ஏற்படும் சிவத்தல், தடிப்புகள், அரிப்பு போன்ற பிரச்சனைகளைப் போக்க தயிர் மிகவும் நன்மை பயக்கும். தயிரில் பாக்டீரியா எதிர்ப்பு பண்புகள் உள்ளது. இதை சருமத்தில் தடவலாம். இதற்கு பருக்கள் உள்ள இடத்தில் தயிரை தடவி அப்படியே விட வேண்டும். அரை மணி நேரம் கழித்து, சருமத்தை தண்ணீரில் சுத்தம் செய்து, கிருமி நாசினி கிரீம் தடவலாம். இந்த மருந்தை ஒரு நாளைக்கு இருமுறை பயன்படுத்துவதன் மூலம் ஒரு வாரத்திற்குள் பருக்கள் பிரச்சனையிலிருந்து விடுபடலாம்.
இந்த வீட்டு வைத்தியங்களின் உதவியுடன் சருமத்தில் ஏற்படும் அரிப்பு மற்றும் சொறி பிரச்சனைகளிலிருந்து விடுபடலாம்.
இந்த பதிவும் உதவலாம்: Skin Itching Remedies: கொளுத்தும் வெயிலில் சருமத்தில் எரிச்சலா? சிம்பிளான இந்த வீட்டு வைத்தியங்கள் போதும்
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
