$
How to control hair fall through yoga: இன்றைய நவீன காலகட்டத்தில் மோசமான உணவுமுறை மற்றும் ஆரோக்கியமற்ற பழக்க வழக்கங்களால் பலரும் பல்வேறு பிரச்சனைகளைச் சந்திக்கின்றனர். இதில் முடி சார்ந்த பிரச்சனைகளும் அடங்கும். இதன் காரணமாக முடி உதிர்வு, முடி வறட்சி உள்ளிட்ட பல்வேறு பிரச்சனைகளைச் சந்திக்க நேரிடலாம். இந்த முடி பிரச்சனைகளைத் தவிர்க்க முடி பராமரிப்பு முறைகளைக் கையாள வேண்டும். மேலும் சில யோகாசனங்களின் உதவியுடன் முடி சார்ந்த பிரச்சனைகளைத் தவிர்க்கலாம்.
அந்த வகையில் முடி உதிர்வைத் தவிர்க்கவும், முடி வளர்ச்சியை ஊக்குவிக்கவும் சில யோகாசனங்களை மேற்கொள்ளலாம். அதன் படி, பிராணயாமா என்றழைக்கப்படும் யோகா சுவாசப் பயிற்சிகள் இரத்த ஓட்டத்தை மேம்படுத்துவதன் மூலமும், மன அழுத்தத்தைக் குறைப்பதன் மூலமும் உச்சந்தலையின் ஆரோக்கியத்தை மேம்படுத்தலாம். அதன் படி, பல்வேறு வகையான யோகா நுட்பங்களை மேற்கொள்வது ஒட்டுமொத்த நல்வாழ்வுக்கு நன்மை பயக்கும்.
இந்த பதிவும் உதவலாம்: Yoga for Skin: சருமம் இயற்கையான பொலிவைப் பெற இந்த யோகாசனங்களை செய்யுங்க!
உச்சந்தலை ஆரோக்கியத்திற்கு பிராணயாமம்
இதில் முடி ஆரோக்கியத்தை மேம்படுத்தும் சில சுவாச நுட்பங்களைக் காணலாம்.
கபாலபதி பிராணயாமா (Kapalabhati Pranayama)
இந்த யோகாசனத்தில் வலுக்கட்டாயமாக வெளியேற்றுதல் மற்றும் செயலற்ற உள்ளிழுத்தல் போன்றவை அடங்கும். இது சுவாச மண்டலத்தை சுத்தப்படுத்தி மூளை மற்றும் உச்சந்தலையில் இரத்த ஓட்டத்தை மேம்படுத்த உதவுகிறது. கபாலபதி பிராணயாமாவில் நேரான முதுகெலும்புடன் வசதியாக உட்கார்ந்து கொள்ள வேண்டும். பிறகு ஆழ்ந்த மூச்சை உள்ளிழுத்து, பின் மூக்கு வழியாக வலுக்கட்டாயமாக மூச்சை வெளியே விடலாம். அதே சமயம், தொப்புளை முதுகெலும்பை நோக்கி இழுக்க வேண்டும். இதில் வயிறு தளர்வடையும்போது சுவாசத்தை செயலற்ற முறையில் நடக்க அனுமதிக்கலாம். இந்த சுழற்சியை 30 வினாடிகள் முதல் ஒரு நிமிடம் வரை சீரான வேகத்தில் செய்ய வேண்டும்.
உஜ்ஜயி பிராணயாமா (Ujjayi Pranayama)
கடல் சுவாசம் என்றழைக்கப்படும் இந்த சுவாச நுட்பத்தில் சுவாசிக்கும் போது தொண்டையை சிறிது சுருக்கி, மென்மையான, கேட்கக்கூடிய ஒலியை உருவாக்குகிறது. இது உடல் முழுவதும் சுழற்சியை மேம்படுத்தவும், ஆக்ஸிஜனேற்றத்தை அதிகரிக்கவும் உதவுகிறது. இதில் மூக்கின் வழியாக மூச்சை ஆழமாக உள்ளிழுத்து, பிறகு சற்று குறுகலான தொண்டை வழியாக மெதுவாக மூச்சை வெளியேற்ற வேண்டும். இப்போது மென்மையான "ஹ" என்ற ஒலியை உருவாக்க வேண்டும். இந்த சுவாசத்தை பல நிமிடங்கள் செய்யலாம். இது பெரும்பாலும் யோகாசன பயிற்சியின் போது பயன்படுத்தப்படுகிறது.
பிரமாரி பிராணயாமா (Bhramari Pranayama)
இது மூச்சை வெளியேற்றும் போது ஒரு ஹம்மிங் ஒலியை உருவாக்குகிறது. இந்த ஆசனம் செய்வது உடலில் ஆக்ஸிஜனை அதிகரித்து, தலை மற்றும் உச்சந்தலையில் இரத்த ஓட்டத்தை மேம்படுத்துகிறது. இதற்கு பயிற்சி செய்ய, வசதியாக உட்கார்ந்து, கண்களை மூடி ஆள்காட்டி விரல்களை கன்னங்களுக்கும் காதுகளுக்கும் இடையில் உள்ள குருத்தெலும்பு மீது வைக்க வேண்டும். இப்போது மூக்கின் வழியாக ஆழமாக உள்ளிழுக்கலாம். பிறகு, மூச்சை மெதுவாக வெளியே விட வேண்டும். இதில் உருவாக்கப்பட்ட அதிர்வு உச்சந்தலையில் இரத்த ஓட்டத்தைத் தூண்ட உதவுகிறது.
இந்த பதிவும் உதவலாம்: International Yoga Day 2024: சருமம், முடி ஆரோக்கியத்தை மேம்படுத்த யோகாவின் நன்மைகள் இதோ
அனுலோம் விலோம் (Anulom Vilom)
இந்த சமநிலை சுவாசம் ஒட்டுமொத்த சுழற்சியை மேம்படுத்தவும் மன அழுத்தத்தை குறைக்கவும் உதவுகிறது. இதற்கு ஒரு வசதியான நிலையில் உட்கார்ந்து, வலது கட்டைவிரலைப் பயன்படுத்தி வலது நாசியை மூட வேண்டும். பிறகு இடது நாசி வழியாக, ஆழமாக உள்ளிழுக்க வேண்டும். பிறகு அதை மோதிர விரலால் மூடி, வலது நாசியைத் திறந்து மெதுவாக மூச்சை வெளிவிட வேண்டும். பிறகு வலது நாசி வழியாக மூச்சை உள்ளிழுத்து, அதை மூடி, இடது நாசியைத் திறந்து, மூச்சை வெளியே விடலாம். இது ஒரு சுழற்சியை நிறைவு செய்கிறது. இதை 5 முதல் 10 நிமிடங்கள் தொடர வேண்டும்.
நாடி ஷோதனா (Nadi Shodhana)
Anulom Vilom போலவே, இந்த நாடி ஷோதனா சுவாச நுட்பத்தில், உடலில் உள்ள நுட்பமான ஆற்றல்களை சமன் செய்வதுடன், ஒட்டுமொத்த சுழற்சியை மேம்படுத்துவதற்கும் உறுதி செய்கிறது. இதில் முக்கிய வேறுபாடு என்னவெனில், வலதுபுறத்திற்கு பதிலாக இடது நாசியில் தொடங்க வேண்டும். வலது கட்டைவிரலால், வலது நாசியை மூடுவதன் மூலம் தொடங்க வேண்டும். பிறகு இடது நாசி வழியாக உள்ளிழுக்க வேண்டும். அதன் பின், மோதிர விரலால் இடது நாசியை மூடி, வலது நாசியைத் திறந்து, மூச்சை வெளிவிடலாம். பிறகு வலது நாசி வழியாக மூச்சை உள்ளிழுத்து, மாற்றி, இடது வழியாக வெளிவிடலாம். இவ்வாறு 5-10 நிமிடங்கள் தொடர வேண்டும்.
இந்த யோகாசனங்களின் உதவியுடன் நாம் நமது முடி ஆரோக்கியத்தைப் பாதுகாக்கலாம். மேலும் முடி உதிர்வு பிரச்சனைகளைத் தவிர்த்து முடி வளர்ச்சியை ஊக்குவிக்கலாம்.
இந்த பதிவும் உதவலாம்: Yoga for Hair Growth: ஒரே வாரத்தில் முடி உதிர்வு குறைந்து தாறுமாறாக முடி வளர இந்த 2 யோகாவை செய்யுங்க!
Image Source: Freepik