Carrot Benefits: தினமும் காலையில் வெறும் வயிற்றில் கேரட் சாப்பிட்டால் எவ்வளவு நல்லது தெரியுமா?

$

Amazing Benefits of Eating Carrot on Empty Stomach: குளிர்காலத்தில் நாம் அனைவரும் அடிக்கடி சோர்வாகவும் தூக்க கலக்கமாகவும் உணர்வது வழக்கம். எனவே, ஆரோக்கியமான உணவுகளை சாப்பிட வேண்டியது மிகவும் முக்கியம். காலையில் தவறான உணவுகளை சாப்பிட்டால், நாள் முழுவதும் நீங்கள் மோசமாக உணர்வீர்கள். காலை உணவு, நாள் முழுவதும் உங்களை உற்சாகமாகவும் ஆரோக்கியமாகவும் வைத்திருக்க உதவும். குளிர்காலத்தில், சந்தைகளில் காய்கறிகளும் பழங்களும் மற்ற சீசன்களை விட அதிகமாகவும் பிரெஷ் ஆகவும் கிடைக்கும்.

அந்தவகையில், கேரட் எக்கச்சக்க ஆரோக்கிய நன்மைகளை கொண்டது என நம்மில் பலருக்கு தெரியும். நம்மில் பலர் காலையில் வெறும் வயிற்றில் சத்துக்கள் நிறைந்த கேரட்டை சாப்பிடுவார்கள். காலையில் வெறும் வயிற்றில் கேரட் சாப்பிடுவதால் ஏற்படும் நன்மைகள் மற்றும் தீமைகள் பற்றி இந்த தொகுப்பில் தெளிவாக பார்க்கலாம்.

இந்த பதிவும் உதவலாம் : பருப்பு சாப்பிட்டால் யூரிக் அமிலம் அதிகரிக்குமா? உண்மையை தெரிந்து கொள்ளுங்கள்!

காலையில் வெறும் வயிற்றில் கேரட் சாப்பிட்டால் என்ன ஆகும்?

ஆயுர்வேதத்தின் படி, சாலட் அதாவது எந்த காய்கறியை பச்சையாக சாப்பிடுவது என்பது அந்த நபரின் தன்மையைப் பொறுத்தது. சிலருக்கு காலையில் வெறும் வயிற்றில் கேரட் சாப்பிடக் கொடுத்தால், அது கடுமையான தலைவலியை உண்டாக்கும். வாத மற்றும் கபத்தால் பாதிக்கப்பட்டவர்களுக்கு காலையில் கேரட்டை உட்கொள்வது மிகவும் நன்மை பயக்கும். ஆனால், பித்த குணம் கொண்டவர்கள் காலையில் கேரட் சாப்பிடுவது தீங்கு விளைவிக்கும்.

வெறும் வயிற்றில் கேரட் சாப்பிடுவதால் கிடைக்கும் நன்மைகள்

• கேரட்டை உட்கொள்வது வயிறு தொடர்பான பிரச்சனைகளை குறைக்கிறது. அதில் நல்ல அளவு நைட்ரேட் உள்ளது, இது உங்கள் வயிற்றில் உள்ள நச்சு கூறுகளை வெளியேற்ற உதவுகிறது. இதில் உள்ள நார்ச்சத்து செரிமானத்தை மேம்படுத்துகிறது.
• காலையில் கேரட்டை உட்கொள்வது சருமத்தை மேம்படுத்துகிறது, கேரட்டில் உள்ள வைட்டமின் ஏ உங்கள் சருமத்தை ஆரோக்கியமாக்குகிறது மற்றும் கண்களுக்கும் மிகவும் முக்கியமானது.

இந்த பதிவும் உதவலாம் : Sunflower Oil: நீங்க சமையலுக்கு சன்பிளவர் ஆயில் பயன்படுத்துபவரா? அப்போ ரொம்ப கவனமா இருங்க!

• கேரட்டை உட்கொள்வதன் மூலம், நாள் முழுவதும் நீங்கள் சுறுசுறுப்பாக உணருவீர்கள். மேலும், உங்கள் வயிறு லேசாக இருக்கும்.
• கேரட்டில் உள்ள ஆன்டி-ஆக்ஸிடன்ட்கள் உங்கள் உடலின் நோய் எதிர்ப்பு சக்தியை அதிகரிக்கவும், வானிலையால் ஏற்படும் நோய்களைத் தடுக்கவும் உதவும்.
• மாதவிடாயின் போது வெறும் வயிற்றில் கேரட்டை உட்கொள்வது குடல்களை சுத்தப்படுத்த உதவும். இதில், உள்ள நார்ச்சத்து உங்கள் குடலை சுத்தம் செய்யவும், வயிற்றில் உள்ள நச்சுப் பொருட்களை வெளியேற்றவும் உதவும்.
• நீங்கள் உடல் எடையை குறைக்க விரும்பினால் வெறும் வயிற்றில் கேரட்டை உட்கொள்வது உங்களுக்கு நன்மை பயக்கும். கேரட்டில் கலோரிகள் குறைவாகவும், நார்ச்சத்து அதிகமாகவும் இருப்பதால் உடல் எடையை குறைக்க உதவுகிறது.
• வெறும் வயிற்றில் கேரட்டை உட்கொள்வது, உடலில் உள்ள பீட்டா கரோட்டின் ஃப்ரீ ரேடிக்கல்களைக் குறைக்க உதவும்.

இந்த பதிவும் உதவலாம் : ஜாக்கிரதை… சாப்பிட்ட பிறகு சோடா குடித்தால் என்ன ஆகும் தெரியுமா?

வெறும் வயிற்றில் கேரட் சாப்பிடுவதால் ஏற்படும் தீமைகள்

• வாயு மற்றும் அசிடிட்டி பிரச்சனை உள்ளவர்கள், காலையில் வெறும் வயிற்றில் கேரட்டை உட்கொள்வது தீங்கு விளைவிக்கும். வெறும் வயிற்றில் கேரட்டில் இருக்கும் அதிக நார்ச்சத்து வயிற்றில் வாயு மற்றும் அமிலத்தன்மையை உண்டாக்கும்.
• காலையில் வெறும் வயிற்றில் கேரட்டை அதிக அளவில் உட்கொண்டால், அது உங்களுக்கு தீங்கு விளைவிக்கும். எந்தவொரு பழம் மற்றும் காய்கறிகளை குறைந்த அளவில் உட்கொள்வது மட்டுமே நன்மை பயக்கும்.
• வெறும் வயிற்றில் கேரட்டை உட்கொள்வது கேரட் ஒவ்வாமை உள்ளவர்களுக்கும் தீங்கு விளைவிக்கும்.

Pic Courtesy: Freepik