எத்தனை வயசானாலும் புத்தி கூர்மையா இருக்க நீங்க சாப்பிட வேண்டிய உணவுகள்

$

What foods can i eat to prevent dementia: பொதுவாக, நமது உணவுமுறை உடல் ஆரோக்கியத்தைப் பராமரிப்பது மட்டுமல்லாமல், மூளை ஆரோக்கியத்தையும் பராமரிக்கிறது. பல்வேறு ஆய்வுகளில் உணவுக்கும், மூளைக்கும் இடையேயான தொடர்பு குறித்து நாம் அறிந்திருப்போம். நாம் உட்கொள்ளும் சில ஆரோக்கியமற்ற உணவுகளின் காரணமாக நினைவகம், அறிவாற்றல் வீழ்ச்சி மற்றும் டிமென்ஷியா போன்ற பல்வேறு பிரச்சனைகள் ஏற்படுவதற்கான வாய்ப்பு அதிகரிக்கிறது. எனினும், சில ஆரோக்கியமான உணவுமுறைகள் டிமென்ஷியா, அறிவாற்றல் வீழ்ச்சி போன்ற நிலைமைகள் ஏற்படுவதற்கான வாய்ப்பைக் குறைக்கிறது.

இந்நிலையிலேயே மைண்ட் டயட் எனப்படும் ஒரு வளர்ந்து வரும் உணவு அணுகுமுறையானது DASH மற்றும் மெடிட்டேரியன் உணவுகளை ஒன்றிணைக்கிறது. இவை குறிப்பாக, மூளைக்கு நன்மை பயக்கும் உணவுகளில் கவனம் செலுத்துவதாக அமைகிறது. இந்த ஊட்டச்சத்து நிறைந்த உணவுகளைத் தினசரி உணவில் சேர்த்துக் கொள்வது மனக் கூர்மையை மேம்படுத்தவும், மூளையை முதுமையின் விளைவுகளிலிருந்து பாதுகாக்கவும் உதவுகிறது. எனவே அறிவாற்றல் ஆரோக்கியத்தை ஆதரிக்கும் உணவுகளைத் தேர்ந்தெடுப்பதன் மூலம் டிமென்ஷியா அபாயத்தைக் குறைக்கலாம். இதில் மூளை ஆரோக்கியத்தைப் பாதுகாக்க நாம் சாப்பிட வேண்டிய உணவுகளைக் காணலாம்.

இந்த பதிவும் உதவலாம்: Dry Fruits Tips: உலர் பழங்களை இப்படி சாப்பிட்டால் அதீத நன்மைகள்

டிமென்ஷியா குறைபாட்டைத் தவிர்க்க உதவும் உணவுகள்

மூளை ஆரோக்கியத்தை மேம்படுத்த நம் அன்றாட உணவில் சேர்க்க வேண்டிய உணவுகள் சிலவற்றைக் காணலாம்.

காய்கறிகள் மற்றும் பழங்கள்

பொதுவாக பழங்கள், காய்கறிகள் போன்ற வண்ணமயமான உணவுப்பொருள்கள் கரோட்டினாய்டுகள் என்ற சிறப்பு நிறமிகளிலிருந்து வருகிறது. இந்த நிறமிகள் உடலுக்கு மிகவும் நன்மை பயக்கும். அதன் படி, கேரட், இனிப்பு உருளைக்கிழங்கு, மிளகுத்தூள் மற்றும் கீரை மற்றும் கோஸ் போன்ற இலை கீரைகள் நம் மூளை ஆரோக்கியத்திற்கு மிகுந்த நன்மை தரும் உணவுகளாகும். மேலும், இதில் நிறைந்துள்ள ஏராளமான ஆக்ஸிஜனேற்றங்கள் மற்றும் ஊட்டச்சத்துக்கள் மனதை வலிமையாக்கவும், மூளையைக் கூர்மையாக்கவும் உதவுகிறது.

நட்ஸ், விதைகள்

நட்ஸ், விதைகள், மற்றும் பீன்ஸ் போன்ற பருப்பு வகைகள் போன்றவை உடல் ஆரோக்கியத்திற்கு மட்டுமல்லாமல், மூளை ஆரோக்கியத்திற்கும் மிகுந்த நன்மை பயக்கும். இதில் உள்ள ஆன்டிஆக்ஸிடன்ட்கள் மற்றும் ஒமேகா-3 கொழுப்பு அமிலங்கள் போன்றவை மூளையை ஆரோக்கியமாக வைத்திருக்க உதவுகிறது. குறிப்பாக, பாதாம், வால்நட்ஸ் போன்றவை மூளை நன்றாக வேலை செய்ய உதவும் சிறந்த நட்ஸ் வகைகளாகும். இதனை உட்கொள்வதால் நாம் வயதாகும்போதும் மூளை வலுவாக இருக்க உதவுகிறது. இதன் மூலம் சிந்தனை மற்றும் நினைவாற்றல் போன்ற பிரச்சனைகளிலிருந்து நம்மைப் பாதுகாக்கிறது. எனவே அன்றாட உணவில் நட்ஸ், விதைகள் போன்றவற்றைச் சேர்ப்பதன் மூலம் மூளை ஆரோக்கியத்தைப் பாதுகாக்கலாம்.

மீன்

பொதுவாக கொழுப்பு நிறைந்த மீன் வகைகளான டுனா மற்றும் சால்மன் போன்றவை மூளை ஆரோக்கியத்திற்கு மிகவும் நல்லதாகும். இதில் குறிப்பாக, ஒமேகா -3 கொழுப்பு அமிலங்கள் நிறைந்துள்ளன. இவை மூளையை வலுவாக வைத்திருக்க உதவுகிறது. எனவே இந்த வகையான மீன்களை சாப்பிடுவதால், வயதான காலத்தில் ஏற்படும் மூளை பலவீனத்திலிருந்து விடுபடலாம். இதன் மூலம் டிமென்ஷியா போன்ற சிந்தனை மற்றும் நினைவாற்றலில் சிக்கல்கள் ஏற்படுவதற்கான வாய்ப்பைக் குறைக்க முடியும். எனவே சால்மன், டுனா போன்ற மீன் வகைகளை உட்கொள்வது மூளையை வலுவாக மற்றும் ஆரோக்கியமாக வைத்திருக்க ஒரு சிறந்த வழியாகக் கருதப்படுகிறது.

இந்த பதிவும் உதவலாம்: மறந்தும் இந்த உணவுகளை சியா விதைகளுடன் சாப்பிட்ராதீங்க!

முழு தானியங்கள்

கோதுமை போன்ற முழு தானிய உணவுகள் நம் உடலில் ஏற்படும் அழற்சியை எதிர்த்துப் போராட உதவுகிறது. அதன் படி, குயினோவா, பார்லி, பிரவுன் ரைஸ் மற்றும் ஓட்ஸ் போன்ற உணவுகளைச் சேர்த்துக் கொள்வது நம் மூளை நன்றாக வேலை செய்ய உதவுகிறது. மேலும் இதில் உள்ள ஏராளமான ஊட்டச்சத்துக்கள் வீக்கத்தைக் குறைக்கவும், நினைவாற்றலை வலுவாக்கவும் உதவுகிறது. இது வயதாகும்போதும் மூளை கூர்மையாக இருக்க உதவுகிறது. எனவே நம் அன்றாட உணவில் பிரவுன் அரிசி, ஓட்ஸ், பார்லி போன்ற உணவுகளைச் சேர்த்துக் கொள்வது மூளையை கவனித்து ஆரோக்கியமாக இருக்க உதவுகிறது.

பெர்ரி பழங்கள்

இது ஆன்டிஆக்ஸிடன்ட்கள் மற்றும் ஃபிளாவனாய்டுகளால் நிறைந்த பழமாகும். இவை நம் உடல் மற்றும் மூளை ஆரோக்கியத்திற்கு மிகுந்த நன்மை பயக்கும். குறிப்பாக, ப்ளூபெர்ரி, ப்ளாக்பெர்ரி மற்றும் ராஸ்பெர்ரி போன்ற பழங்கள் நமது உடலில் உள்ள செல்களை சேதத்திலிருந்து பாதுகாக்க உதவுகிறது. அதே சமயம், இதில் அதிகளவு சர்க்கரை இல்லாததால், இதை தாராளமாக உட்கொள்ளலாம். மூளை ஆரோக்கியத்தை மேம்படுத்த விரும்புபவர்கள் பெர்ரி பழங்களை உட்கொள்வது ஒரு சிறந்த தேர்வாக அமைகிறது.

இவ்வாறு உடல் மற்றும் மூளை ஆரோக்கியத்திற்குத் தேவையான ஊட்டச்சத்து மிக்க உணவுகளை நம் அன்றாட உணவில் சேர்த்துக் கொள்ள வேண்டும். இதன் மூலம் அறிவாற்றல் வீழ்ச்சி, நினைவாற்றல் குறைபாடு போன்ற பல்வேறு பிரச்சனைகளைத் தவிர்க்கலாம்.

இந்த பதிவும் உதவலாம்: Foods to Boost Brain: உங்க மூளை கம்பியூட்டர் மாதரி வேகமா செயல்படணுமா? இந்த உணவுகளை சாப்பிடுங்கள்!

Image Source: Freepik