உங்களுக்கு தொடர்ந்து வயிறு வலி, மலச்சிக்கல் இருக்கா? இந்த அறிகுறிகளை புறக்கணிக்காதீங்க!!

ஹெர்னியா ஏன் ஏற்படுகிறது?

நோயாளி குடலிறக்கத்தால் ஏற்படும் கட்டியை பின்னுக்குத் தள்ளலாம். அல்லது ஒரு குறிப்பிட்ட வழியில் படுத்துக் கொள்ளும்போது அவை மறைந்துவிடும். இருப்பினும், நோயாளிக்கு இருமும்போது குடலிறக்கம் தெரியக்கூடும்.

நிற்கும்போது வலி, இருமல் மற்றும் எடை தூக்கும்போது அதிகமான் வலி ஆகியவை குடலிறக்கத்தின் பாதிப்புகளாக கருதப்படுகிறது. முதலில் அவை ஒரு கட்டியாக அடையாளம் காட்டிக்கொண்டு பின்னர் வலியை உருவாக்குகிறது. மிகவும் கடுமையான சந்தர்ப்பங்களில், குடலில் அடைப்பு ஏற்படலாம். கழிவுகள் அங்கு சிக்கிக்கொண்டால், வாந்தி மற்றும் வயிறு விரிசல் ஏற்படும்.

• கொழுப்பு திசுக்களின் ஒரு பகுதி அல்லது குடலின் ஒரு பகுதி இடுப்பு வழியாக நீண்டு செல்லும் போது இங்ஜினல் ஹெர்னியா ஏற்படுகிறது. ஹெர்னியாக்கள் உடலின் ஒரு பக்கத்திலோ அல்லது இரு பக்கங்களிலோ ஏற்படலாம். இங்ஜினல் ஹெர்னியா பொதுவாக ஆண்களில் காணப்படுகிறது.

• வயிற்றுப் பகுதியில் உள்ள சிறிய தசைகள் தொடையின் சுவரை அழுத்தும் போது தொடை குடலிறக்கம் ஏற்படுகிறது. இடுப்பு அல்லது உள் தொடையின் தசைச் சுவரில் உள்ள பலவீனமான இடத்தின் வழியாக குடல் தள்ளும்போது நிகழ்கிறது.

• வயிற்று கொழுப்பு அல்லது குடலின் ஒரு பகுதி தொப்புள் வழியாக வீங்கும்போது தொப்புள் குடலிறக்கம் ஏற்படுகிறது. தொப்புளில் உள்ள உறுதியான திசு மிகவும் மெல்லியதாகி, ஒரு இடைவெளியை உருவாக்கும் போது நிகழ்கிறது. பெரியவர்களில், வயிற்றில் மீண்டும் மீண்டும் அழுத்தம் கொடுப்பதாலோ அல்லது கர்ப்பம் மற்றும் உடல் பருமன் காரணமாகவோ ஏற்படுகிறது.

• தொப்புள் மற்றும் மார்புக்கு இடையே உள்ள வயிற்று தசைகள் வழியாக குடலின் ஒரு பகுதி தள்ளும்போது எபிகாஸ்ட்ரிக் குடலிறக்கம் ஏற்படுகிறது.

• மறுபுறம், டயாபிராக்மடிக் குடலிறக்கம் என்பது பிறப்பு குறைபாடு ஆகும். பிறக்கும்போதே டயாபிராக்மில் ஒரு துளை இருக்கும். வயிற்று உறுப்புகள் (குடல் மற்றும் கல்லீரல் போன்றவை) டயாபிராக்மில் உள்ள துளை வழியாக மேலே சென்று மார்புக்குள் நகரலாம். வயிற்றில் உள்ள டயாபிராம் சரியாக வளர்ச்சியடையவில்லை என்றால் கர்ப்ப காலத்தில் குழந்தைகளை பாதிக்கும்.