Why mosambi juice is great for glowing and healthy skin: இன்றைய நவீன காலத்தில் மோசமான வாழ்க்கைமுறை மற்றும் ஆரோக்கியமற்ற உணவுமுறையின் காரணமாக பலரும் பலதரப்பட்ட பிரச்சனைகளைச் சந்திக்கின்றனர். இதில் சருமம் தொடர்பான பிரச்சனைகளும் ஏற்படலாம். ஆம். உண்மையில், போதிய ஊட்டச்சத்து இல்லாமை மற்றும் இன்னும் பல்வேறு காரணங்களால் சரும ஆரோக்கியம் பெரிதும் பாதிக்கப்படுகிறது. சரும ஆரோக்கியத்தை மேம்படுத்த நாம் மேற்பூச்சாக பயன்படுத்துவதைக் காட்டிலும், உள்ளிருந்து சருமத்தை பாதுகாக்க அன்றாட உணவில் சில உணவுகள் மற்றும் பானங்களை எடுத்துக் கொள்ளலாம்.
சருமப் பராமரிப்புப் பொருட்கள் உதவக்கூடும் என்றாலும், அதன் பிரச்சனையை மூலத்திலிருந்து நீக்குவது கடினமாகும். இதற்கு, சுகாதார நிபுணர்கள் உணவில் சேர்க்க சில உணவுகள் மற்றும் பானங்களை பரிந்துரைக்கின்றனர். அதில் ஒன்றாக சாத்துக்குடி அமைகிறது. இதன் காரமான மற்றும் புத்துணர்ச்சியூட்டும் சுவைகளுக்கு மிகவும் பிடித்தமானதாகும். இது நம் உடலை உள்ளிருந்து குளிர்விக்க உதவுவதுடன், சருமத்திற்கு சில குறிப்பிடத்தக்க நன்மைகளையும் வழங்குகிறது. இதில் சாத்துக்குடி சாறு அருந்துவது சரும ஆரோக்கியத்தை எவ்வாறு மேம்படுத்துகிறது என்பது குறித்து காணலாம்.
இந்த பதிவும் உதவலாம்: Mosambi For Face: பார்லர் போகாமல் முகம் பளபளப்பாக சாத்துகுடியை இப்படி பயன்படுத்துங்க!
சருமத்திற்கு சாத்துக்குடி சாறு குடிப்பதால் கிடைக்கும் நன்மைகள்
வைட்டமின் சி நிறைந்த சாத்துக்குடி
ஆரோக்கியமான மற்றும் பளபளப்பான சருமத்தைப் பெற, அன்றாட உணவில் வைட்டமின் சி இருப்பது அவசியம். சாத்துக்குடி சாறு அருந்துவது தினசரி வைட்டமின் அளவைப் பெறுவதற்கான ஒரு சிறந்த வழியாகும். இவை ஆன்டி ஆக்ஸிடன்ட்டுகள் நிறைந்தவையாகும். மேலும் இது பளபளப்பான சருமத்திற்கு வழிவகுக்கிறது. அதே சமயம், சரும சேதத்திலிருந்து பாதுகாப்பு மற்றும் கொலாஜன் உற்பத்தி போன்ற பல நன்மைகளை வழங்குகிறது.
கொலாஜன் உற்பத்திக்கு
சாத்துக்குடி சாற்றை அருந்துவது கொலாஜன் உற்பத்தியில் முக்கிய பங்கு வகிக்கிறது. இவை நமது சருமத்திற்கு நெகிழ்ச்சித்தன்மையை வழங்கவும், இயற்கையான இளமையான தோற்றத்தை அளிக்கவும் முக்கிய பங்கு வகிக்கிறது. மேலும், நமது சருமத்தில் போதுமான கொலாஜன் இல்லையெனில், அது சருமத்தை விரைவில் தொய்வடைந்து, வயதான செயல்முறையை விரைவுபடுத்துகிறது. இந்நிலையில், சாத்துக்குடி சாற்றில் உள்ள அதிக அளவு வைட்டமின் சி இருப்பது கொலாஜன் உற்பத்திக்கு உதவுவதன் மூலம் சருமத்தை ஆரோக்கியமாக வைக்கிறது.
சருமத்தை ஈரப்பதமாக வைப்பதற்கு
சருமம் மந்தமாகவும் வறண்டதாகவும் உணர்பவர்களுக்கு சாத்துக்குடி சாறு மிகுந்த நன்மை பயக்கும். ஏனெனில், சாத்துக்குடியில் அதிக நீர் உள்ளடக்கம் உள்ளது. இவை சருமத்தை ஈரப்பதமாக்க பெரிடும் உதவுகிறது. மேலும், எப்போதும் ஆரோக்கியமான, பளபளப்பான சருமத்தைப் பெற விரும்புபவர்கள் சிட்ரஸ் பழங்களைப் போல, சாத்துக்குடி சாற்றை அருந்தலாம். ஏனெனில், இது ஒரு இயற்கையான ப்ளீச்சிங் முகவராக செயல்படுகிறது மற்றும் சருமத்தை பிரகாசமாக்க உதவுகிறது.
இந்த பதிவும் உதவலாம்: குளிர்காலத்தில் சாத்துக்குடி ஜூஸ் குடித்தால் இவ்வளவு நல்லதா? - ஆனா எப்போது, எப்படி ஜூஸ் குடிக்கனுன்னு தெரிஞ்சிக்கோங்க!
வயதான அறிகுறிகளைக் குறைக்க
மொசாம்பி சாற்றில் காணப்படும் அதிகளவிலான வைட்டமின் சி, சருமத்தை நீரேற்றமாக வைக்க உதவுகிறது. இவை கொலாஜன் உற்பத்திக்கும், கறைகளை நீக்கவும் உதவுகிறது. இவை அனைத்தும் வயதான அறிகுறிகளைக் குறைக்க உதவுகிறது. சருமத்தில் போதுமான கொலாஜன் இருப்பின், அவை இயற்கையாகவே நீண்ட நேரம் உறுதியாக இருக்க உதவுகிறது. மேலும் இந்த சாற்றில் சிறந்த வயதான எதிர்ப்பு பண்புகள் உள்ளன. இவை சுருக்கங்களைக் குறைக்கவும், தொய்வு ஏற்படுவதைத் தடுக்கவும் உதவுகிறது.
தழும்புகளை நீக்குவதற்கு
சாத்துக்குடி சாறு அருந்துவது சருமத்தில் ஏற்படும் கறைகளை நீக்க உதவுகிறது. இவை சருமத்தை லேசாக வெண்மையாக்கும் மற்றும் சுத்தப்படுத்தும் பண்புகளைக் கொண்டுள்ளது. இது தழும்புகள், புள்ளிகள் மற்றும் நிறமிகளை கூட அகற்ற உதவுகிறது. புள்ளிகள் மற்றும் தழும்புகள் இல்லாத சருமத்தைப் பெற விரும்புபவர்கள், சாத்துக்குடி சாற்றை அன்றாட உணவில் சேர்ப்பது சிறந்த கூடுதலாக அமைகிறது.
சாத்துக்குடி சாற்றை சரும பராமரிப்பு வழக்கத்தின் ஒரு பகுதியாக மாற்றுவதன் மூலம் பல்வேறு நன்மைகளைப் பெறலாம்.
இந்த பதிவும் உதவலாம்: பளபளப்பான சருமம் வேண்டுமா? கிரீம் எல்லாத்தையும் தூக்கி போடுங்க.. இந்த கொலாஜன் டிரிங்க்ஸ் குடிங்க..
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
