Benefits of eating pomegranate daily: நவீன காலத்தில் நாம் சந்திக்கும் பல்வேறு பிரச்சனைகளுக்கு நாம் எடுத்துக் கொள்ளும் உணவுமுறைகளும் ஒரு முக்கிய காரணமாக அமைகிறது. ஏனெனில், தற்போதைய சூழ்நிலையில் சிறியவர்கள் முதல் பெரியவர்கள் வரை அனைவருமே அதிக கலோரிகள், கொழுப்புகள் மற்றும் சர்க்கரை நிறைந்த ஜங்க் ஃபுட்ஸ், ஃபாஸ்ட் ஃபுட் போன்றவற்றையே விரும்புகின்றனர். ஆனால், இது உடல் ஆரோக்கியத்திற்குப் பாதிப்பை ஏற்படுத்தும் என்பது உங்களுக்குத் தெரியுமா? உண்மையில் இது போன்ற உணவுகள் ருசியாக இருப்பினும், இதை அளவுக்கு அதிகமாக எடுத்துக் கொள்வது பாதிப்பை ஏற்படுத்தும்.
மேலும், இவை அன்றாட உணவின் மூலம் நமக்குக் கிடைக்கக்கூடிய ஊட்டச்சத்துக்களைத் தடுக்கிறது. இது போன்ற பிரச்சனைகளிலிருந்து, நம் உடல் ஆரோக்கியத்தை மேம்படுத்துவதற்கு ஆரோக்கியமான காய்கறிகள், பானங்கள், பழங்கள், நட்ஸ், விதைகள் போன்ற உடலுக்குத் தேவையான ஊட்டச்சத்துக்கள் நிறைந்தவற்றை எடுத்துக் கொள்ளலாம். இதில் பழங்கள் எல்லோரும் விரும்பக்கூடிய இயற்கையாகவே இனிப்பு நிறைந்த ஆரோக்கியமான உணவுப்பொருளாகும். குறிப்பாக, மாதுளம்பழம் அனைவரும் விரும்பக்கூடிய பல்வேறு ஊட்டச்சத்துக்கள் நிறைந்த பழமாகும். இதில் தினமும் ஒரு மாதுளம்பழம் உட்கொள்வதால் என்னென்ன நன்மைகள் கிடைக்கும் என்பதைக் காணலாம்.
இந்த பதிவும் உதவலாம்: Pomegranate Tea Benefits: மாதுளை டீ குடித்தால் இவ்வளவு நன்மைகளா?
மாதுளம்பழத்தின் ஊட்டச்சத்துக்கள்
மாதுளம்பழத்தில் வைட்டமின்கள் பி, சி, பொட்டாசியம், ஃபோலிக் அமிலம், இரும்புச் சத்து, நார்ச்சத்து போன்ற பல்வேறு ஊட்டச்சத்துக்கள் நிறைந்துள்ளது. இது உடலில் இது நோய் எதிர்ப்பு சக்தியை அதிகரிப்பது, புற்றுநோயிலிருந்து பாதுகாப்பது, சரும ஆரோக்கியத்திற்கும், நினைவுத்திறனை அதிகரிப்பது உள்ளிட்ட ஏராளமான நன்மைகளை வழங்குகிறது. மேலும் இதில் ஆக்ஸிஜனேற்றிகள் மற்றும் நார்ச்சத்துக்கள் போன்றவையும் நிறைந்து காணப்படுகிறது.
தினமும் ஒரு மாதுளம்பழம் சாப்பிடுவதால் கிடைக்கும் நன்மைகள்
அன்றாட வாழ்வில் ஒவ்வொரு நாளும் 1 மாதுளை சாப்பிடத் தொடங்குவதன் மூலம் பல்வேறு மாற்றங்களைக் கவனிக்கலாம்.
நோயெதிர்ப்புச் சக்தி அதிகரிக்க
மாதுளை உட்கொள்வது கணிசமான அளவிலான வைட்டமின் சி ஊட்டச்சத்துக்களை வழங்குகிறது. இது உடலில் நோய்த்தொற்றுக்களை எதிர்த்துப் போராடுவதன் மூலம் நோயெதிர்ப்பு மண்டலத்தின் திறனை வலுப்படுத்துகிறது. மேலும், இந்தப் பழத்தில் உள்ள வைரஸ் எதிர்ப்பு பண்புகள் மற்றும் ஆண்டிமைக்ரோபியல் பண்புகள் போன்றவை சளி மற்றும் காய்ச்சலைத் தடுப்பதில் மிகவும் பயனுள்ளதாக அமைகிறது.
செரிமான ஆரோக்கியத்திற்கு
மாதுளம்பழத்தில் உள்ள உணவு நார்ச்சத்து, செரிமான ஆரோக்கியத்தை மேம்படுத்துவதற்கும், குடல் செயல்பாட்டைப் பராமரிப்பதிலும் முக்கிய பங்கு வகிக்கிறது. மேலும் இந்த பழத்தில் ஆரோக்கியமான குடல் பாக்டீரியாவை ஆதரிக்கும் இயற்கையான ப்ரீபயாடிக்குகள் நிறைந்து காணப்படுகிறது. இது செரிமான பிரச்சனைகளான மலச்சிக்கல் மற்றும் வீக்கம் போன்ற பொதுவான பிரச்சனைகளைக் குறைக்க உதவுகிறது.
சீரான இரத்த சர்க்கரைக்கு
மாதுளை குறைந்த கிளைசெமிக் குறியீட்டைக் கொண்டிருப்பதாகும். இது இயற்கையாகவே இனிப்புச் சுவையைக் கொண்டிருப்பதால் நீரிழிவு மேலாண்மைக்கு ஏற்றதாக அமைகிறது. மேலும் இது இன்சுலின் உணர்திறனை மேம்படுத்த உதவுகிறது. எனவே இது நீரிழிவு நோயாளிகள் அல்லது நீரிழிவு நோய் உருவாகும் அபாயத்தில் உள்ளவர்களுக்கு மிகவும் பயனளிக்கிறது.
இந்த பதிவும் உதவலாம்: Pomegranate Benefits: புற்றுநோய் முதல் சிறுநீரக ஆரோக்கியம் வரை.. மாதுளையின் நன்மைகள்.!
எடை மேலாண்மைக்கு
மாதுளம்பழம் குறைந்த கலோரிகள் மற்றும் அதி நார்ச்சத்துக்கள் நிறைந்ததாகும். இது உடல் எடை மேலாண்மைக்கு உதவுகிறது. இந்த பண்புகள் திருப்தியை பராமரிக்கவும், தேவையற்ற உணவு பசியைக் குறைக்கவும் உதவுகின்றன. எனவே இது ஒட்டுமொத்த எடை கட்டுப்பாட்டு முயற்சிகளை ஆதரிக்கிறது. மாதுளை அழற்சி எதிர்ப்புப் பண்புகள் நிறைந்ததாகும். இது தசை வலியைக் குறைக்கவும், சகிப்புத்தன்மையை மேம்படுத்தவும், உடற்பயிற்சிக்குப் பிந்தைய மீட்சியை துரிதப்படுத்தவும் உதவுகிறது.
இதய ஆரோக்கியத்திற்கு
மாதுளையில் சக்திவாய்ந்த பாலிபினால்கள் மற்றும் ஆக்ஸிஜனேற்றிகள் குறிப்பாக, புனிகலஜின் உள்ளது. இவை வீக்கத்தைக் குறைத்து இரத்த அழுத்தத்தைக் குறைக்க உதவுகிறது. இதன் வழக்கமான நுகர்வு இரத்த ஓட்டத்தை மேம்படுத்தி, தமனி பிளேக் படிவதைக் குறைத்து, இதய நோய் அபாயத்தைக் குறைக்கிறது.
நினைவாற்றலை அதிகரிக்க
மேம்பட்ட நினைவாற்றல் மற்றும் அறிவாற்றல் செயல்பாட்டை மேம்படுத்துவதற்கு மாதுளை சாப்பிடுவது மிகுந்த நன்மை பயக்கும். இதில் நிறைந்துள்ள ஆக்ஸிஜனேற்றிகள் மூளை செல்களை சேதத்திலிருந்து பாதுகாக்க உதவுகிறது. மேலும் இது அல்சைமர் நோய் போன்ற நரம்புச் சிதைவு நிலைமைகளின் அபாயத்தைக் குறைக்க வழிவகுக்கிறது.
தினமும் ஒரு மாதுளம்பழம் சாப்பிடுவதன் மூலம் உடல் ஆரோக்கியத்திற்கு இது போன்ற ஏராளமான ஆரோக்கிய நன்மைகளைப் பெறலாம்.
இந்த தகவல் உங்களுக்கு பிடித்திருக்கும் என நம்புகிறோம். இந்த கட்டுரையை உங்கள் நண்பர்களுக்கும், உறவினர்களுக்கும் பகிருங்கள். ஆரோக்கியம் தொடர்பான இதுபோன்ற பல சுவாரஸ்ய தகவல்களுக்கு தொடர்ந்து ஒன்லி மை ஹெல்த் உடன் இணைந்திருங்கள், மேலும் OnlyMyHealth பேஸ்புக் மற்றும் இன்ஸ்டா பக்கத்தை பின்தொடர இந்த இணைப்பை கிளிக் செய்யுங்கள்- Onlymyhealth Tamil Facebook, Onlymyhealth Tamil Instagram
இந்த பதிவும் உதவலாம்: Pomegranate For Kidney: சிறுநீரக நோயாளிகள் மாதுளை சாப்பிடலாமா? அது நல்லதா?
Image Source: Freepik