செரிமான ஆரோக்கியம் முதல் ஆஸ்துமா வரை.. தினமும் ஒரு ஆப்பிள் சாப்பிடுங்க போதும்

Why you should eat an apple every day for better health: அன்றாட உணவில் ஆரோக்கியமான உணவுகள், காய்கறிகள், பழங்கள் சேர்ப்பது மிகவும் அவசியமாகக் கருதப்படுகிறது. சமநிலையான உணவைப் பராமரிப்பதன் மூலம் உடல் ஆரோக்கியத்தை பேணிப் பாதுகாக்கலாம். அவ்வாறு நம் உணவில் ஆப்பிளைச் சேர்ப்பது பல்வேறு வகையான நன்மைகளைத் தருகிறது. குறிப்பாக, தினமும் ஒரு ஆப்பிள் சாப்பிடுவதன் மூலம் பல்வேறு பிரச்சனைகளிலிருந்து விடுபட முடியும்.

“ஒரு நாளைக்கு ஒரு ஆப்பிள் மருத்துவரை விலக்கி வைக்கிறது” என்ற பிரபலமான பழமொழியை நாம் அனைவருமே கேள்விப்பட்டிருப்போம். இதில், தினமும் ஒரு ஆப்பிள் சாப்பிடுவது உடல் ஆரோக்கியத்திற்கு எவ்வாறு நன்மை பயக்கும் என்பது குறித்து காணலாம்.

ஆப்பிளில் உள்ள ஊட்டச்சத்துக்கள்

ஆப்பிள்கள் குர்செடின், கேட்டசின், புளோரிசின் மற்றும் குளோரோஜெனிக் அமிலம் உள்ளிட்ட பைட்டோ கெமிக்கல்களின் வளமான மூலமாகும். இவை அனைத்துமே வலுவான ஆக்ஸிஜனேற்றிகள் ஆகும். இந்த ஆக்ஸிஜனேற்றிகள் நம் உடலுக்குள் தீங்கு விளைவிக்கும் ஃப்ரீ ரேடிக்கல் சேர்மங்களை உடைத்து நடுநிலையாக்க உதவுகிறது.

பொதுவாக, வயதான செயல்முறை மற்றும் மாசுபட்ட காற்றின் வெளிப்பாடு போன்ற பல்வேறு செயல்களால் ஃப்ரீ ரேடிக்கல்கள் உயரலாம். இந்நிலையில், ஆப்பிள் போன்ற ஆக்ஸிஜனேற்றம் நிறைந்த உணவுகளைத் தினசரி வழக்கத்தில் சேர்ப்பது ஃப்ரீ ரேடிக்கல்களைத் தடுப்பதன் மூலம் சிறந்த ஆரோக்கியத்தை மேம்படுத்துகிறது.

இந்த பதிவும் உதவலாம்: கொலஸ்ட்ராலைக் குறைக்க ஆப்பிள் எவ்வாறு உதவுகிறது?

தினமும் ஆப்பிள் சாப்பிடுவதால் ஏற்படும் நன்மைகள்

செரிமானத்தை மேம்படுத்த

ஒவ்வொரு நடுத்தர அளவிலான ஆப்பிளிலும் தோராயமாக 4.5 கிராம் நார்ச்சத்துக்கள் இருப்பதாகக் கூறப்படுகிறது. இவை செரிமானத்தை மெதுவாக்கவும், நீண்ட நேரம் வயிறு நிரம்பிய உணர்வைத் தரக்கூடியதாகவும் அமைகிறது. மேலும், இது அதிகமாக சாப்பிடாமல் இருக்கவும், அல்லது ஒரு நிறைவான சிற்றுண்டி அல்லது உணவை விரும்பவும் உதவுகிறது.

நுரையீரல் ஆரோக்கியத்திற்கு

ஆப்பிள்களை தொடர்ந்து சாப்பிடுவதன் மூலம் நுரையீரல் செயல்பாட்டை மேம்படுத்தலாம் என ஆராய்ச்சியில் கூறப்படுகிறது. உதாரணமாக, வாரத்திற்கு ஐந்து அல்லது அதற்கு மேற்பட்ட ஆப்பிள்களை உட்கொள்வது அதிக நுரையீரல் செயல்பாடு மற்றும் COPD வளரும் அபாயத்தைக் குறைப்பதுடன் தொடர்புடையதாகக் கூறப்படுகிறது. இதற்கு ஆப்பிள்களில் ஃபிளாவனாய்டுகள் மற்றும் வைட்டமின் சி உள்ளிட்ட அதிக அளவு ஆக்ஸிஜனேற்ற எதிர்ப்பிகள் இருப்பதே காரணமாக இருக்கலாம் எனக் கூறப்படுகிறது.

குடல் ஆரோக்கியத்தை மேம்படுத்த

ஆப்பிளில் பெக்டின் உள்ளது. இது குடலில் உள்ள நல்ல பாக்டீரியாக்களை வளர்க்கக்கூடிய ஒரு ப்ரீபயாடிக் ஆக செயல்படும் ஒரு வகை நார்ச்சத்து ஆகும். இவை குடல் நுண்ணுயிரிகளின் ஒட்டுமொத்த ஆரோக்கியம் மற்றும் நல்வாழ்வில் முக்கிய பங்கு வகிக்கிறது.

நீரிழிவு நோயை நிர்வகிக்க

ஆப்பிள்களை தொடர்ந்து சாப்பிடுவது இன்சுலின் எதிர்ப்பைக் குறைக்கும் ஆற்றலைத் தருவதாகக் கூறப்படுகிறது. இவை இரத்த சர்க்கரை அளவைக் குறைக்க வழிவகுக்குகிறது. இதில் உள்ள பாலிபினால்கள் கணையத்தை இன்சுலினை வெளியிட தூண்டி, செல்கள் சர்க்கரையை உறிஞ்ச உதவுகின்றன.

இதய ஆரோக்கியத்தை மேம்படுத்த

ஒரு நாளைக்கு ஒரு நடுத்தர அளவிலான ஆப்பிளை சாப்பிடுவதன் மூலம் இரத்த அழுத்தம், கொழுப்பு மற்றும் வீக்கத்தைக் குறைக்க உதவுகிறது. இவை அனைத்துமே ஆரோக்கியமான இதயத்தை ஆதரிக்கிறது. இதன் தோலில் உள்ள உள்ள நார்ச்சத்து மற்றும் பாலிபினால்கள் இதய ஆரோக்கியத்திற்கு நன்மை பயக்கும். எனவே முடிந்தவரை தோலை சாப்பிட வேண்டும்.

இந்த பதிவும் உதவலாம்: ஆப்பிள் சாப்பிட்ட பிறகு எவ்வளவு நேரம் கழித்து தண்ணீர் குடிக்கனும்? - முழு சத்துக்களும் கிடைக்கும் எப்படி சாப்பிடலான்னு தெரிஞ்சிக்கோங்க!

நோய் எதிர்ப்பு சக்தியை ஆதரிக்க

ஆப்பிள் பழங்களின் தோல்களில் குர்செடின் உள்ளது. இது உடலில் வீக்கத்தைக் குறைக்கவும், நோய் எதிர்ப்பு சக்தியை அதிகரிக்கவும் உதவக்கூடிய ஒரு வகை தாவர நிறமி ஃபிளாவனாய்டு ஆகும். இதன் மூலம் பல்வேறு நோய்களிலிருந்து விடுபடலாம்.

எலும்பு ஆரோக்கியத்தை மேம்படுத்த

ஆப்பிள்களில் உள்ள புளோரிசின் எனப்படும் தனித்துவமான எலும்பு உருவாக்கும் பைட்டோநியூட்ரியண்ட் காரணமாக, இவை மாதவிடாய் நின்ற பிறகு பெண்களுக்கு எலும்பு அடர்த்தியை மேம்படுத்தவும், எலும்பு முறிவைக் குறைக்கவும் உதவுகிறது.

ஆஸ்துமாவைத் தடுக்க

நியூட்ரிஷன் ஜர்னலில் வெளியிடப்பட்ட ஒரு ஆராய்ச்சி மதிப்பாய்வு கட்டுரையின்படி, ஆப்பிள் சாப்பிடுவது ஆஸ்துமாவின் குறைந்த ஆபத்து மற்றும் அதிகரித்த நுரையீரல் செயல்பாட்டுடன் தொடர்புடையவை எனக் கூறப்படுகிறது. இதில் உள்ள பைட்டோ கெமிக்கல்கள் நுரையீரல் மற்றும் காற்றுப்பாதைகளில் அழற்சி எதிர்ப்பு விளைவுகளைக் கொண்டுள்ளன. இவை மூச்சுத்திணறல் மற்றும் பிற ஆஸ்துமா அறிகுறிகளைக் குறைக்க உதவுவதாக நிபுணர்கள் கருதுகின்றனர்.

இந்த பதிவும் உதவலாம்: Healthy Heart: கெட்ட கொழுப்பைக் குறைத்து இதயத்தை ஆரோக்கியமாக வைத்திருக்க இந்த 4 பழங்களை சாப்பிடுங்க...!

Image Source: Freepik