$
Tips for silky and shiny hair at home: சிலருக்கு முகத்தை போலவே, கூந்தலும் பளபளப்பாக இருப்பதை பார்த்திருப்போம். மந்தமான கூந்தல் நமது அழகை குறைக்கும் என்பது நம்மில் பலருக்கும் தெரியும். தூசி மற்றும் மாசுபாடு காரணமாக, முடி அதன் பளபளப்பை இழக்கும். கூந்தல் பளபளப்பை பராமரிக்க கூந்தலையும் சருமத்தை போல ஈரப்பதத்துடன் வைத்திருக்க வேண்டியது அவசியம்.
கூந்தலை பளபளப்பாக்க சந்தையில் பல்வேரு வகையான பொருட்கள் கிடைக்கின்றனது. ஆனால், அதில் உள்ள ரசாயன பொருட்கள் கூந்தல் ஆரோக்கியத்தை பாதிக்கும். தலைமுடியை பளபளப்பாக மாற்ற வீட்டு வைத்தியத்தை நாடுவது மிகவும் நல்லது. கூந்தலை பளபளப்பாக மாற்றும் வீட்டு வைத்தியம் பற்றி அழகு நிபுணர் டாக்டர் பார்தி தனேஜா சில உதவிக்குறிப்புகளை நமக்கு பகிர்ந்துள்ளார்.
இந்த பதிவும் உதவலாம் : Hair loss: காஃபியை இப்படி பயன்படுத்தினால் வழுக்கையில் கூட முடி மளமளவென வளரும்!
இது குறித்து அவர் கூறுகையில், புரோட்டீன் நிறைந்த பொருட்களைக் கொண்டு வீட்டிலேயே முடி பராமரிப்பு சிகிச்சை அளிக்கலாம். இவை, உங்கள் தலைமுடியை ஆழமாக ஈரப்பதமாக வைத்திருக்கும். மேலும், இது தலைமுடியை பளபளப்பாகவும் மாற்றும்.
கூந்தலை பளபளப்பாக மாற்றும் வீட்டு வைத்தியம்
- தேங்காய் எண்ணெயில் எலுமிச்சை சாறு கலந்து தடவினால் கூந்தல் பொலிவு பெறும். இதன் மூலம் பொடுகு பிரச்சனையில் இருந்தும் விடுபடலாம். இந்த வீட்டு வைத்தியத்தை வாரத்திற்கு ஒரு முறையாவது பயன்படுத்த வேண்டும். இதன் மூலம் நீங்கள் நிறைய பயனடைவீர்கள்.
- தேன் மற்றும் ரோஸ் வாட்டர் கலந்து தலைமுடியில் தடவவும். இந்த கலவையை உச்சந்தலையில் தடவி லேசான மசாஜ் செய்யவும். தேனில் ப்ளீச்சிங் குணம் உள்ளதால், உங்கள் தலைமுடியில் அதிக நேரம் தேனை வைத்திருக்கக் கூடாது. 10 முதல் 15 நிமிடங்களுக்குப் பிறகு உங்கள் தலைமுடியைக் கழுவ வேண்டும்.
இந்த பதிவும் உதவலாம் : Hair Growth: தினமும் தலைக்கு எண்ணெய் தடவினால் முடி வளருமா? நிபுணர்கள் கூறுவது இங்கே!
- கற்றாழை ஜெல்லை முடியில் தடவவும். கற்றாழை ஜெல்லில் ஏராளமான வைட்டமின் சி உள்ளது. இது முடியை பளபளப்பாக்குவது மட்டுமல்லாமல் வறட்சியையும் நீக்குகிறது. உங்கள் தலைமுடியில் பொடுகு பிரச்சனை இருந்தால் கற்றாழை ஜெல்லை தடவினால் அதுவும் குறைகிறது.
- பாதாம் எண்ணெயில் 5 துளிகள் தேயிலை மர எண்ணெயைக் கலந்து தடவவும். 15 நாட்களுக்கு ஒருமுறை இந்த தீர்வை முயற்சிக்க வேண்டும். இது உங்கள் தலைமுடியை ஆழமாக ஈரப்பதமாக்கி அதன் மந்தமான தன்மையை நீக்கும். இது மட்டுமின்றி, இந்த செய்முறை உங்கள் முடி வளர்ச்சியை மேம்படுத்தவும் உதவியாக இருக்கும்.
- வாழைப்பழத்தை முடிக்கு தடவவும். வாழைப்பழத்தில் தேன் சேர்த்து இந்த கலவையை முடியின் நீளத்தில் தடவவும். இது ஒரு நல்ல இயற்கை ஹேர் கண்டிஷனர் மட்டுமல்ல, உங்கள் தலைமுடியை ஓரளவிற்கு நேராக்கவும் முடியும். வாழைப்பழத்தை உங்கள் தலைமுடியில் தடவினால், அதை நன்கு கழுவுங்கள். ஏனெனில், வாழைப்பழம் முடியில் இருந்தால், அது உங்கள் உச்சந்தலையின் ஆரோக்கியத்தை பாதிக்கிறது.
இந்த பதிவும் உதவலாம் : Vetrilai For Hair: வெறித்தனமா முடி வளரணுமா? வெற்றிலையை இப்படி பயன்படுத்துங்க போதும்
- நெல்லிக்காய் தூளில் தேயிலை இலை தண்ணீரை கலந்து, கலவையை ஒரு இரும்பு பாத்திரத்தில் இரவு முழுவதும் வைக்கவும். அதன் பிறகு, இந்த கலவையை உங்கள் தலைமுடியில் தடவி 30 முதல் 45 நிமிடங்கள் விடவும். பின்னர் உங்கள் தலைமுடியைக் கழுவவும். வாரம் ஒருமுறை இதைச் செய்யுங்கள். உங்கள் தலைமுடியின் இழந்த பொலிவு மீண்டும் வரும். உங்கள் தலைமுடி முன்கூட்டியே நரைத்திருந்தால், இந்த தீர்வு உங்களுக்கும் பயனளிக்கும்.
- தயிர் மற்றும் முட்டையை கலந்து தலைமுடியில் தடவவும். கூந்தல் வறண்டிருந்தால் முட்டையின் மஞ்சள் பகுதியை முடியிலும், எண்ணெய் பசையாக இருந்தால் முட்டையின் வெள்ளைப் பகுதியையும் கூந்தலில் தடவ வேண்டும். இந்த வீட்டு வைத்தியம் உங்கள் தலைமுடிக்கு ஆழமான கண்டிஷனிங் கொடுத்து முன்பை விட பளபளப்பாக இருக்கும்.
- தேங்காய் நீரை தலைமுடியிலும் தடவலாம். அதில் சிறிதளவு எலுமிச்சைச் சாற்றைக் கலந்து, பின் முடியின் வேர்களில் தடவி, பின் முழு நீளத்திலும் தடவவும். வாரம் ஒருமுறை இப்படி செய்து வந்தால் கூந்தல் பளபளப்பதோடு, கூந்தலும் ஈரப்பதத்துடன் காணப்படும்.
இந்த பதிவும் உதவலாம் : Seasonal hair loss: வானிலை மாற்றத்தால் முடி வளர்ச்சி பாதிக்குமா? நிபுணர்கள் கூறுவது இங்கே!
- உங்கள் தலைமுடி மந்தமாக இருந்தால், ஆப்பிள் சைடர் வினிகரை தண்ணீரில் கலந்து, உங்கள் தலைமுடியைக் கழுவ வேண்டும். இது உங்கள் தலைமுடிக்கு பளபளப்பை சேர்க்கும் மற்றும் உச்சந்தலையும் சுத்தமாக மாறும், ஏனெனில் இது ஒரு சிறந்த ஸ்கால்ப் எக்ஸ்ஃபோலியேட்டர்.
- உங்கள் தலைமுடியை ஷாம்பு கொண்டு கழுவிய பின், தேயிலை இலை நீரில் ஒரு முறை சுத்தம் செய்ய வேண்டும். இது உங்கள் உயிரற்ற கூந்தலுக்கு உயிரையும் பிரகாசத்தையும் தரும்.
Pic Courtesy: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
