$
How To Use Coffee For Male Hair Loss: காலத்திற்கு ஏற்றாற் போல உடல் நல பிரச்சினைகள் மாறினாலும், காலம் காலமாக நாம் அனைவரும் சந்திக்கும் ஒரே பிரச்சினை முடி உதிர்வு. பெண்கள் மட்டும் அல்ல, ஆண்களும் முடி உதிர்வு பிரச்சினையால் அவதிப்படுகிறார்கள். முடி உதிர்வு காரணமாக பல ஆண்கள் வழுக்கைக்கு பலியாகி வருகின்றனர்.
முடி உதிர்வு பிரச்சனையை தடுப்பது அவ்வளவு எளிதானது அல்ல. என்னதான் முடி உதிர்வுக்கு சந்தைகளில் பல பொருட்கள் கிடைத்தாலும். அவை நமக்கு சாதகமான பலனையும் தருவதில்லை. ஆனால், இயற்கை பொருட்கள் உங்கள் பிரச்சினைக்கு நல்ல பலன் கொடுக்கும் என்பது உங்களுக்கு தெரியுமா? ஆம், உண்மைதான். காபி ஹேர் மாஸ்க் போன்ற சில வீட்டு வைத்தியங்களின் உதவியுடன் முடி உதிர்தல் பிரச்சனையை குறைக்கும்.
இந்த பதிவும் உதவலாம் : Hair loss: பயங்கரமா முடி கொட்டுதா? முடி உதிர்வின் போது செய்ய வேண்டியதும், செய்யக்கூடாததும்!
காபியில் உள்ள ஃபிளாவனாய்டுகள் முடி வறட்சியைத் தடுக்கவும், உச்சந்தலையை ஆரோக்கியமாகவும் வைத்திருக்க உதவும். சர்வதேச விளையாட்டு உணவியல் நிபுணர் ஸ்வாதி பத்வால், ஆண்களுக்கு முடி உதிர்வதைத் தடுக்க காபியை எவ்வாறு பயன்படுத்துவது என்பதை பற்றி ஒரு வீடியோவை தனது இன்ஸ்டாகிராம் பக்கத்தில் பகிர்ந்துள்ளார். அவற்றை பற்றி இந்த தொகுப்பில் பார்க்கலாம்.
முடி உதிர்தல் பிரச்சனையை தடுக்க காபியை எப்படி பயன்படுத்துவது?
தேவையான பொருட்கள்:
காபி தூள் - 2 டீஸ்பூன்.
தேங்காய் எண்ணெய் - 2 டீஸ்பூன்.
ஹேர் மாஸ்க் செய்முறை:
- ஒரு சிறிய கிண்ணத்தில் காபி பொடியை போட்டு அதில் தேங்காய் எண்ணெய் சேர்க்கவும்.
- இந்தக் கலவையை நன்றாகக் கலந்த பிறகு, உங்கள் உச்சந்தலையில் தடவவும்.
- 10 நிமிடங்களுக்குப் பிறகு, உங்கள் தலையை விரல்களால் மெதுவாக மசாஜ் செய்யவும்.
- ஹேர் மாஸ்கை உச்சந்தலையில் தடவி சுமார் 20-30 நிமிடங்கள் அப்படியே விடவும்.
- அரை மணி நேரம் கழித்து தலைமுடியை வெறும் தண்ணீரில் கழுவவும். ஷாம்பூ உபயோகிக்க வேண்டாம்.
இந்த பதிவும் உதவலாம் : Hair Growth Tips: உங்க தலைமுடி எலி வால் மாதரி ஒல்லியா இருக்கா? இந்த 3 ஹேர் மாஸ்கை பயன்படுத்துங்க!
முடி உதிர்வுக்கு காபி எப்படி உதவும்?
இரத்த ஓட்டத்தை ஊக்குவிக்கவும்
காஃபியில் உள்ள காஃபின் உச்சந்தலையில் பயன்படுத்தும் போது இரத்த ஓட்டத்தை அதிகரிக்கிறது. இது மயிர்க்கால்களுக்கு ஊட்டச்சத்துக்களை சிறப்பாக வழங்க உதவுகிறது.
DHT விளைவை குறைக்கும்
டைஹைட்ரோடெஸ்டோஸ்டிரோன் (DHT), ஒரு ஆண் பாலின ஹார்மோன், மயிர்க்கால்களில் உள்ள ஏற்பிகளுடன் பிணைப்பதன் மூலம் முடி உதிர்தலை ஏற்படுத்துகிறது. காஃபின் டைஹைட்ரோடெஸ்டோஸ்டிரோனின் விளைவுகளைத் தடுக்க உதவுகிறது, இதன் மூலம் ஆண்களுக்கு முடி உதிர்தல் பிரச்சனையைக் குறைக்கிறது.
இந்த பதிவும் உதவலாம் : கரு கரு கூந்தலைப் பெற ஆம்லா உடன் இந்த ஒரு பொருளைச் சேர்த்து பயன்படுத்துங்க.
ஆக்ஸிஜனேற்ற பண்புகள்
காஃபியில் ஆக்ஸிஜனேற்ற பண்புகள் நிறைந்துள்ளன, இது முடியை சேதப்படுத்தும் ஃப்ரீ ரேடிக்கல்களை எதிர்த்துப் போராட உதவுகிறது.
உச்சந்தலை ஆரோக்கியம்
கிரவுண்ட் காஃபி உங்கள் உச்சந்தலையில் லேசான எக்ஸ்ஃபோலியண்ட்டாக செயல்படும். இது உச்சந்தலையில் இருந்து இறந்த சரும செல்களை அகற்றுவதன் மூலம் ஆரோக்கியமான உச்சந்தலையை ஊக்குவிக்கும்.
இந்த பதிவும் உதவலாம் : Hair Detox: இந்த இரண்டே டீடாக்ஸ் பொருட்கள் போதும்… கூந்தல் பட்டு போல் மிருதுவா பளபளக்கும்!
உச்சந்தலை ஈரப்பதம்
தேங்காய் எண்ணெயை காபியில் கலந்து தலையில் தடவினால், உச்சந்தலையின் ஈரப்பதம் தக்கவைக்கப்படும். இதனால், ஸ்கால்ப் பிரச்சனை வராமல் தடுக்கிறது.
Pic Courtesy: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
