நல்ல உடல் ஆரோக்கியத்திற்கு ஆரோக்கியமான உணவுகள், காய்கறிகள், பழங்கள், நட்ஸ் மற்றும் விதைகளுடன் சில மசாலாப் பொருள்களைச் சேர்ப்பதும் அவசியமாகக் கருதப்படுகிறது. அதன் படி, சில இந்திய மூலிகைகளில் பல்வேறு வகையான ஆரோக்கியமான ஊட்டச்சத்துக்கள் நிறைந்துள்ளன. ஆம். உண்மையில் சொந்த சமையலறையிலேயே பல நாள்பட்ட நோய்களின் அபாயத்தைக் குறைக்க உதவும் பல்வேறு கூறுகள் நிறைந்துள்ளன. ஒவ்வொரு இந்திய சமையலறையிலும் மசாலாப் பொருட்கள் ஒரு முக்கியப் பங்கு வகிக்கின்றன. மசாலாப் பொருட்கள் உணவின் சுவையை மேம்படுத்துவதாக இருப்பினும், பல மசாலாப் பொருட்களில் சக்திவாய்ந்த ஆரோக்கிய நன்மைகள் நிறைந்துள்ளன.
இவை நீங்கள் ஒரு ஆரோக்கியமான வாழ்க்கையை வாழ உதவுகிறது. அவ்வாறு, பல்வேறு உடல்நலப் பிரச்சனைகளை எதிர்த்துப் போராட உதவும் மற்றும் நிச்சயமாக மருத்துவரை அணுக வேண்டிய தேவையைத் தவிர்க்க உதவும் சில மசாலாப் பொருட்கள் குறித்து ஊட்டச்சத்து நிபுணர் ஸ்ருதி பார்கவி அவர்கள் தனது இன்ஸ்டாகிராம் பக்கத்தில் விவரித்துள்ளார்.
நிபுணரின் கருத்து
ஊட்டச்சத்து நிபுணர் தனது பதிவில்,”உங்கள் மசாலாப் பெட்டி சுவைக்காக மட்டும்தான் என்று நினைக்கிறீர்களா? என்ற கேள்வியுடன் பதிவைத் தொடங்கினார். உண்மையில், அது மாறுவேடத்தில் இருக்கும் உங்கள் முதலுதவிப் பெட்டி! என்று கூறினார்.
மேலும் அவர், “மஞ்சள் மற்றும் வெந்தயம் முதல் ஆளி விதைகள் மற்றும் ஓமம் வரை — இவை பாட்டியின் விருப்பமானவை மட்டுமல்ல, இயற்கையின் மருந்துகளும் கூட” என குறிப்பிட்டு சில நன்மைகளைப் பகிர்ந்துள்ளார்.
- உங்கள் தைராய்டுக்கு ஆதரவளிக்கவும்
- இரத்த சர்க்கரை அளவை சமநிலைப்படுத்தவும்
- கொலஸ்ட்ரால் மற்றும் யூரிக் அமிலத்தைக் குறைக்கவும்
- உங்கள் கல்லீரல் மற்றும் சிறுநீரகங்களைப் பாதுகாக்கவும்
இவை அனைத்தையும் உங்கள் சமையலறையில் ஏற்கனவே உள்ள பொருட்களைக் கொண்டே செய்யலாம் என குறிப்பிட்டுள்ளார்.
simple-spices-to-include-in-your-diet-to-reduce-the-risk-of-cancer-Main-1735660269970.jpg
மருத்துவ நிலைமைகள் மற்றும் அதற்கு உதவும் சிறந்த மூலிகைகள்
இதில் அவர், பின்வரும் நோய்களுக்கான எளிய, பின்பற்றக்கூடிய தீர்வுகளைப் பற்றி குறிப்பிட்டுள்ளார்.
- நீரிழிவு நோய்
- தைராய்டு
- உயர் கொலஸ்ட்ரால்
- யூரிக் அமிலம்
- சிறுநீரகக் கற்கள்
- கொழுப்பு கல்லீரல்
இந்த பதிவும் உதவலாம்: மஞ்சள்.. கல்லீரலுக்கு நல்லதா.? கெட்டதா.? ஹார்வர்டு டாக்டரின் பதில்..
1. நீரிழிவு/பிசிஓஎஸ்/இன்சுலின் எதிர்ப்பு
வெந்தய விதைகள் - 1 டீஸ்பூன் விதைகளை இரவில் ஊறவைத்து, மறுநாள் காலை விதைகளை மென்று தண்ணீரை குடிக்கலாம்
இலவங்கப்பட்டை - ½ டீஸ்பூன் இலவங்கப்பட்டையை தேநீர், ஓட்ஸ் அல்லது வெந்நீரில் சேர்த்து எடுத்துக் கொள்ளலாம்
கறிவேப்பிலை - 7-8 புதிய இலைகளை வெறும் வயிற்றில் மென்று சாப்பிட வேண்டும்
2. தைராய்டு (ஹைப்போ)
வறுத்த கருஞ்சீரகப் பொடி - தினமும் ½ டீஸ்பூன் வெந்நீருடன் இதை எடுத்துக் கொள்ளலாம்
கொத்தமல்லி விதைகள் - 1 கப் தண்ணீரில் 1 டீஸ்பூன் விதைகளை கொதிக்க வைத்து, காலையில் வெதுவெதுப்பாக குடிக்க வேண்டும்
சீரகம் - 1 டீஸ்பூன் விதைகளை இரவில் ஊறவைத்து, மறுநாள் அந்தத் தண்ணீரை குடிக்கலாம்
3. அதிக கொலஸ்ட்ரால்
பூண்டு - 1 பச்சைப் பல் பூண்டை நசுக்கி வெறும் வயிற்றில் சாப்பிட வேண்டும்
ஆளி விதைகள் (அல்சி) - வறுத்து, அரைத்து, 1 டேபிள்ஸ்பூன் மாவு அல்லது தயிரில் சேர்க்கலாம்
இசப்கோல் (பிசிலியம் உமி) - உணவுக்குப் பிறகு தண்ணீரில் 1 டீஸ்பூன் கலந்து குடிக்கலாம்
4. அதிக யூரிக் அமிலம்
ஓமம் - 1 கப் தண்ணீரில் 1 டீஸ்பூன் கொதிக்க வைத்து, உணவுக்குப் பிறகு குடிக்கலாம்.
துளசி இலைகள் - தினமும் 5-6 புதிய இலைகளை மென்று சாப்பிட வேண்டும்
நெல்லிக்காய் சாறு - 2 டேபிள்ஸ்பூன் சாறு அல்லது 1 பச்சைக் நெல்லிக்காயை வெறும் வயிற்றில் சாப்பிடலாம்
want-to-reduce-high-uric-acid-level-here-are-the-tips-to-follow-daily-Main
5. சிறுநீரகக் கற்கள்
பார்லி - 2 கப் தண்ணீரில் 1 டேபிள்ஸ்பூன் கொதிக்க வைத்து, நாள் முழுவதும் சிறிது சிறிதாக குடிக்கலாம்
கொத்தமல்லி இலைகள் - ஒரு கைப்பிடி இலைகளை கொதிக்க வைத்து, வடிகட்டி வெதுவெதுப்பாக குடிக்க வேண்டும்
சீரகம் மற்றும் சோம்பு - தலா 1½ டீஸ்பூன் இரண்டையும் 1.5 கப் தண்ணீரில் கொதிக்க வைத்து, உணவுக்குப் பிறகு குடிக்கலாம்
6. கொழுப்பு கல்லீரல்
நெல்லிக்காய் (புதியது அல்லது பொடி) - 1 பச்சைக் நெல்லிக்காய் அல்லது 2 டேபிள்ஸ்பூன் சாற்றை வெறும் வயிற்றில் சாப்பிடலாம்
மஞ்சள் மற்றும் கருப்பு மிளகு - இதை தினமும் வெந்நீர் அல்லது பாலில் கலந்து குடிக்க வேண்டும்
கொத்தமல்லி மற்றும் சீரகம் - தலா 1½ டீஸ்பூன் இரண்டையும் 1.5 கப் தண்ணீரில் கொதிக்க வைத்து, வெதுவெதுப்பாக குடிக்க வேண்டும்
பொறுப்புத்துறப்பு
இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.
இந்த பதிவும் உதவலாம்: ஹெர்பல் டீ குடிப்பவர்களுக்கு கட்டாயம் தெரிந்து கொள்ள வேண்டிய உண்மை!
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
-
Current Version
Dec 14, 2025 19:00 IST
Published By : கௌதமி சுப்ரமணி
