இன்றைய காலத்தில் மன அழுத்தம், தூக்கமின்மை, நினைவிழப்பு போன்ற நரம்பியல் பிரச்சனைகள் அதிகரித்து வரும் நிலையில், ஆரோக்கியமான மூளை செயல்பாட்டை பாதுகாப்பது மிக முக்கியமாகியுள்ளது.
பார்கின்சன், ஆல்ஸ்ஹைமர் போன்ற ஆபத்தான நோய்கள் வேகமாகப் பரவிக் கொண்டிருக்கும் சூழலில், மூளை ஆரோக்கியத்தை பாதுகாக்கும் உணவுகளைத் தேர்வு செய்வது காலத்தின் தேவை என்று நிபுணர்கள் வலியுறுத்துகின்றனர்.
இதனை வலியுறுத்தும் வகையில், ஆயுர்வேத ஊட்டச்சத்து மற்றும் குடல் நல நிபுணர் டிம்பிள் ஜாங்க்டா, தனது இன்ஸ்டாகிராம் பதிவில் மூளைச் செயல்பாட்டை மேம்படுத்தவும், நரம்பியல் நோய்களைத் தடுப்பதற்கும் தேவையான முக்கியமான உணவுகளை பரிந்துரைத்துள்ளார்.
Video: https://www.instagram.com/reel/DMamyUcok9d/?utm_source=ig_web_copy_link&igsh=MzRlODBiNWFlZA==
மூளைக்கு வலு தரும் உணவுகள்
காய்கறிகள்
* பிராமி (Brahmi): "Brain Tonic" என அழைக்கப்படும் இது, மூளை மற்றும் நரம்பியல் ஆரோக்கியத்தை மேம்படுத்துகிறது. மன அழுத்தம், கவலை குறைத்து, நினைவாற்றலை அதிகரிக்கிறது. டீ, மூலிகை அல்லது கேப்சூல் வடிவில் தினமும் எடுத்துக்கொள்ளலாம்.
* பசலைக் கீரை: இரும்புச் சத்து, மாக்னீசியம், ஆன்டி-ஆக்ஸிடென்ட்ஸ் நிறைந்ததால் குழந்தைகள் உட்பட அனைவருக்கும் சிறந்தது.
* அஸ்பெரகஸ்: மன தெளிவு, அமைதி தருகிறது. மூளை அழற்சியை குறைக்கிறது.
* பீட்ரூட்: ஆன்டி-ஆக்ஸிடென்ட்ஸ் நிறைந்ததால், மூளை சேதத்தை தடுக்கும்.
பழங்கள்
* ஆப்பிள்: மூளை மற்றும் குடல் ஆரோக்கியத்திற்கு சிறந்தது. நார்ச்சத்து, ஆன்டி-ஆக்ஸிடென்ட்ஸ் நிறைந்தது.
* புளூபெர்ரி: ஆன்டி-ஆக்ஸிடென்ட்ஸ், அன்தோசியானின்ஸ் நிறைந்தது. மூளை அழற்சியை குறைக்கிறது.
* மாதுளை: நினைவாற்றலை மேம்படுத்தி, மூளை செயல்பாட்டை தூண்டுகிறது. உடலிலுள்ள நீர் தங்குதலையும் குறைக்கிறது.
நட்ஸ் & சீட்ஸ்
* பாதாம்: மாக்னீசியம், நல்ல கொழுப்பு, மெலட்டோனின் நிறைந்தது. தினமும் 7–11 பாதாம் ஊறவைத்து சாப்பிட பரிந்துரை.
* வால்நட்ஸ்: ஒமேகா-3 கொழுப்பு அமிலங்கள் நிறைந்ததால் ஹார்மோன் மற்றும் மூளை ஆரோக்கியத்தை மேம்படுத்துகிறது.
மூலிகை பானங்கள்
மஞ்சள் டீ: அலர்ஜி எதிர்ப்பு தன்மை கொண்டது. நரம்பியல் நோய்கள் தாமதமாக வெளிப்பட உதவுகிறது.
தவிர்க்க வேண்டிய உணவுகள்
* இறைச்சி, கடல் உணவுகள், முட்டை, பால், மதுபானம், புகைபிடித்தல் போன்றவை மூளை ஆரோக்கியத்தை பாதிக்கக் கூடும்.
* 95% தாவர உணவுகளைக் கொண்ட உணவுமுறை (plant-based diet) மூளை மற்றும் உடல் நீடித்த ஆரோக்கியத்துக்கு உதவும் என நிபுணர் குறிப்பிட்டுள்ளார்.
இறுதியாக..
மூளை ஆரோக்கியம் என்பது நம்முடைய முழு உடலின் செயல்பாடுகளுக்கும், நாளந்தோறும் நாம் மேற்கொள்ளும் முடிவுகள் மற்றும் நினைவாற்றலுக்கும் நேரடி தொடர்புடையது. தவறான உணவுப் பழக்கவழக்கங்கள், மன அழுத்தம், தூக்கமின்மை போன்றவை மூளையை சிதைக்கக் கூடிய முக்கிய காரணிகளில் ஒன்றாகும்.
ஆயுர்வேத சத்துணவு நிபுணர் டிம்பிள் ஜாங்கடா பரிந்துரைத்த இவ்வகை மூளை டானிக் உணவுகள் — பருப்பு வகைகள், பழங்கள், விதைகள், பசுமையான கீரைகள் போன்றவை — மூளைக்கு தேவையான ஊட்டச்சத்துகளை வழங்கி, பார்கின்சன், ஆல்ஸ்ஹைமர், தூக்கமின்மை போன்ற நரம்பியல் நோய்களைத் தடுக்க உதவும்.
எனவே, தினசரி உணவில் இச்சிறந்த இயற்கை உணவுகளைச் சேர்த்து, ஆரோக்கியமான வாழ்க்கை முறையை கடைபிடிப்பது மூளைச் சுறுசுறுப்பையும், நினைவாற்றலையும் பாதுகாக்கும் சிறந்த வழியாகும்.
Disclaimer: இங்கு வழங்கப்படும் தகவல்கள் பொதுவான சுகாதார விழிப்புணர்விற்காக மட்டுமே பகிரப்படுகின்றன. இது மருத்துவ ஆலோசனை, நோயறிதல் அல்லது சிகிச்சைக்கான மாற்றாகக் கருதப்பட கூடாது. உடல்நலக் குறைபாடுகள், தொடர்ந்து இருக்கும் நோய்கள் அல்லது தனிப்பட்ட சுகாதார பிரச்சினைகள் இருந்தால், தயவுசெய்து தகுதியான மருத்துவர் அல்லது சுகாதார நிபுணரிடம் ஆலோசனை பெறவும்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
Current Version