Why Dhanurasana is especially good for female health: பொதுவாக, பெண்கள் வீட்டில் உள்ள அனைத்து உறுப்பினர்களையும் முழுமையாக கவனித்துக்கொள்கின்றனர். இதனால் பெரும்பாலான நேரங்களில் அவர்கள் தங்கள் சொந்த ஆரோக்கியத்தை முற்றிலுமாக புறக்கணிக்கின்றனர். ஆனால், இது அவர்களின் ஆரோக்கியத்தை மோசமாக பாதிக்கலாம். உண்மை என்னவெனில், பெண்கள் தங்கள் ஆரோக்கியத்தைப் புறக்கணித்தால், அது அவர்களின் கருவுறுதலில் மோசமான விளைவை ஏற்படுத்துகிறது. இதைத் தவிர்க்க எந்தவொரு பெண்ணும் அவர்களின் உடல் ஆரோக்கியத்தை ஆரம்பத்திலிருந்தே முழுமையாகக் கவனித்துக் கொள்ள வேண்டும்.
இந்நிலையில் பெண்கள் ஆரோக்கியமாக இருக்க உடற்பயிற்சி செய்ய வேண்டும் அல்லது தொடர்ந்து யோகா செய்ய வேண்டும் என நிபுணர்கள் கூறுகின்றனர். அன்றாட வாழ்வில் உடற்பயிற்சி, யோகாசனங்கள் செய்வதை வழக்கமாக்கிக் கொண்டிருப்பது அவசியமாகக் கருதப்படுகிறது. இது உடலைக் கட்டுக்கோப்புடன் வைக்கவும், எடை மேலாண்மை மற்றும் மன ஆரோக்கியத்தை மேம்படுத்தவும் பெரிதும் உதவுகிறது. இதில் யோகாசனங்களைப் பொறுத்த வரை ஏராளமான ஆசனங்கள் உள்ளன. இந்த வரிசையில் தனுராசனம் செய்வது உடலை ஆரோக்கியமாக வைப்பதில் முக்கிய பங்கு வகிக்கிறது. குறிப்பாக, இது பெண்களுக்கு மிகுந்த நன்மை பயக்கும்.
இந்த பதிவும் உதவலாம்: 7 நாளில் கை கொழுப்பு காணாமல் போக.. எளிமையான எக்சர்சைஸ் இங்கே..
இதில் பெண்களுக்கு தனுராசனம் செய்வதால் கிடைக்கும் நன்மைகள் குறித்து தீபக் தன்வர் ராஜ்புத், நிறுவனர் (யோகிக் சயின்ஸில் முதுகலை மற்றும் முதுகலை டிப்ளோமா) அவர்கள் சில தகவல்களைப் பகிர்ந்துள்ளார்.
பெண்களுக்கு தனுராசனம் செய்வதால் கிடைக்கும் நன்மைகள்
எடையை சமநிலையில் வைத்திருக்க
தனுராசனம் செய்வது வயிற்று தசைகளில் நல்ல விளைவைத் தருகிறது. மேலும் இது கொழுப்பை எரிக்கவும் உதவுகிறது. இந்த வழியில், தனுராசனத்தின் உதவியுடன், உடல் பருமனைக் குறைக்கலாம். இவை எடையை சமநிலையில் வைக்க வழிவகுக்கிறது. எனினும், எடை இழப்புக்கு உணவில் சிறப்பு கவனம் செலுத்த வேண்டும். அதே சமயம் எடையை அதிகரிக்கும் பொருள்களை உட்கொள்ளக்கூடாது.
தோரணையை மேம்படுத்த
மோசமான தோரணை பிரச்சனை பெண்கள் மட்டுமல்லாமல், ஆண்களும் சந்திக்கின்றனர். எனினும், பெண்கள் இந்த பிரச்சனையை அதிகமாக எதிர்கொள்ள வேண்டிய சூழல் ஏற்படுகிறது. ஏனெனில், அவர்கள் வீட்டிலும், வெளியேயும் பொறுப்புகளை நிறைவேற்ற வேண்டிய சூழல் உள்ளது. தனுராசனம் செய்வது அவர்களின் தோரணையை மேம்படுத்துகிறது. இது தசைகளை பலப்படுத்த உதவுகிறது. அது மட்டுமல்லாமல், தனுராசனத்தின் மூலம் முதுகெலும்பும் நன்கு பாதிக்கப்படுகிறது. தனுராசனத்தின் உதவியுடன், வயிற்றின் கீழ் பகுதியின் தசைகளிலும் இதன் விளைவு காணப்படும்.
இந்த பதிவும் உதவலாம்: Ashna Zaveri: சக்கராசனம் செய்வது எப்படி மற்றும் அதன் நன்மைகள்!
மாதவிடாய் சுழற்சி சீராக இருக்க
தனுராசனம் செய்வது வில் ஆசனம் என்று அழைக்கப்படுகிறது. இது ஒரு வகையான முதுகு யோகாசனம் ஆகும். இந்த ஆசனத்தில் உடலின் பின்புறம் நீட்டப்படுகிறது. மேலும், இது தசைகளை பலப்படுத்தவும், முதுகெலும்பை நெகிழ்வானதாக மாறவும் வழிவகுக்கிறது. எனினும் தனுராசனம் செய்வது பெண்களின் மாதவியாய் சுழற்சியை மேம்படுத்துவதற்கும் நன்மை பயக்கும் என கருதப்படுகிறது.
உண்மையில், தனுராசனம் செய்வது பெண்களின் இனப்பெருக்க உறுப்புகளில் நேர்மறையான விளைவைத் தருகிறது. இதன் காரணமாக மாதவிடாயை சீராக வைக்கலாம். மேலும் இது மாதவிடாய் பிடிப்புகளிலிருந்து நிவாரணம் தருகிறது.
மன அழுத்த அளவுகளைக் குறைப்பது
மக்களிடையே மன அழுத்தத்தின் அளவு நாளுக்கு நாள் அதிகரித்து வருவதை நாம் பார்த்திருப்போம். இதற்குப் பின்னால், உறவுகளில் விரிசல், நிதி சிக்கல்கள், வேலை அழுத்தம் உள்ளிட்ட பல்வேறு காரணங்கள் இருக்கலாம். பெண்களும் இது போன்ற பிரச்சனைகளை எதிர்கொள்ள வேண்டிய சூழல் ஏற்படுகிறது. உண்மையில், பெண்கள் பெரும்பாலானோர் அதிக மன அழுத்தத்துடன் காணப்படுவார்கள்.
இது தவிர, தனிப்பட்ட வாழ்க்கையில் ஏதோ ஒரு காரணத்தால் மன அழுத்தம் நீடிக்கலாம். இதுபோன்ற சூழ்நிலையில், பெண்கள் தனுராசனத்தை தவறாமல் செய்ய வேண்டும். அதிகளவு மன அழுத்தம் காரணமாக பெண்களுக்குப் பல நோய்கள் ஏற்படலாம் என்பதை நினைவில் கொள்ள வேண்டும். பொதுவாக, தனுராசனம் செய்வது மன அழுத்தத்தைக் குறைக்கவும், மனநிலையை மேம்படுத்தவும் உதவுகிறது.
இந்த பதிவும் உதவலாம்: Yoga for belly fat: தொப்பையை ஒரே மாதத்தில் குறைக்க இந்த ஒரு யோகாவை செய்தால் போதும்!!
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
